1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

جولة فى جزيرةبوهول

دليل المسافر العربي قبل السفر

الموضوع في 'بوابة السفر الي الفلبين' بواسطة العرب المسافرون, بتاريخ ‏6 أكتوبر 2015.

هوتيل فور ارب | Hotel For Arab

دليل ماليزيا


  1. احببت ان اكتب تجربتي لزيارة بوهول بنفس اليوم والعوده الى سيبو
    كانت مدة زيارتي لسيبو 5 ايام وكنت مخطط يومين في بوهول بسبب الاطفال معي قررت ازورها بنفس اليوم وارجع للفندق
    لفيت على مكتب فيه سوق صغير" منقا افنيو" واعطاني سعر 10800بيسو
    ومكتب صغير في رابنسون اعطاني 12000بيسو لاربعة اشخاص
    ,والمكاتب في الاسواق توصل 15000بيسو, وكانت طلباتي سواق خاص مع زيارة المعالم في الجزيره
    شفت المبلغ مرتفع شوي قررت اخذ تذاكر واخذ سواق من نفس الجزيره

    التذاكر تختلف عندهم
    ارخص مكان حصلت عليه هو مكتب سوبر كات اللي عند مركب القوارب نفسه قريب مره من سوق اخذت اربع تذاكر ب 2290بيسو البنت الصغيره معي يقول مجاني تحت 3 سنوات
    عطاني عرض الذهاب مع قروب ب 8400 بيسو بدون المواصلات من الفندق طلبت تذاكر فقط

    وكانت اوقات الرحلات 6.30" و"8.30" وفي خمس رحلات باليوم انا اخترت 8.30
    افطرت الصباح بالفندق اخذت التاكسي الساعه سبع ونص ب 70 بيسو وصلنا
    المكان الناس قليلة بالرحلة انتظرنا شوي اعلنوا الانطلاق وركبنا القارب والكراسي بالارقام وتقدر تغير مكانك وتقدر تطلب في الطابق الثاني لانه فاضي يوجد مكان لبيع المرطبات والكفي
    فيه شاشه يعرضون لك فلم لين توصل
    ومدة الرحله اقل من ساعتين

    وصلنا بحفظ الله اول ما تنزل من البوت تلقا قدامك ناس ما سكين لوحات يعرضون عليك سكن وزيارات للجزيره

    وقفت عند وحده قلت ابي اسوي لفه على معالم الجزيره قالت ب 2500 مني ومنها اخذتها ب 2000 ولو شديت معها كنت باخذه اقل سمحين والسياره فان خاصه فينا بس ويرجعنا الساعه4.30
    فيه تكاسي اقل من كذا
    ركبنا مع سواقنا واول مكان زرناه الرحله بالنهر
    بعد نص ساعه من الانطلاق

    اول شي تدفع 100 بيسو بعدين تدخل للحجز فيه بوفيه فخم وبوفيه عادي
    العادي ب 390بيسو والفخم ب 500بيسو


    وشفتها كلها ما فيها فرق واكل ما اكلنا منه. الا الفواكه فيه ربيان وفيه سمك مقلي ورز وابيض اخذت البوفيه العادي ب 990 بيسو البنت الصغيره مجاني اقل من اربع سنوات واقل من 11 سنه 250
    تجلس وتاكل شوي ثم تنطلق الرحله حلو المكان والجو كان غيم تمطر شو وتوقف
    معك واحد يغني ومعك مجموعه بالقارب


    توصل مكان فيه ناس يغنون ولابسين لبس القديمين حقينهم ومعهم رماح ويطبلون بعصي ومعهم سحالي ويعرضون عليك التصوير ويبيعون مصنوعات هم مسوينها تجلس 10 دقايق وترجع للقارب
    وتبدا رحلة العوده وقت كل الرحله ساعه وشوي رجعنا لسياره وبعد القوارب تزور حيوان التاشي مدري اسمه ناطقه صح او لا قرد صغير بس سبحان خالقه شكله غريب جدا

    تدفع تذاكر الشخص ب 50 بيسو, الصغار ما يحسبون


    ترقا درج وتشوف القرد نايم بكذا مكان هم مسوينه له

    نص ساعه وانطلقنا مع السايق لجبال الشوكلاته الطريق جميل جدا غبات واشجار ومزارع وجبال ورشات مطر

    وصلنا المكان تدفع 100 بيسو لكل الاشخاص ومخصصين مكان تطلع فيه الله يعينكم عليه 240 درجه بس المناظر فوق شي خرافي ومكان ما ريح تشوف مثله في اي بقعه من الارض
    حاطين مكان للجلوس جانب الدرج للاستراحه بس توصل فوق تنسى كل تعب الصعود
    تجلس الوقت اللي تبي فوق بعدها غادرنا لطريق العوده
    مر فينا السواق حديقة الفراشات حديقه صغيره دخولها ب 40 بيسو

    يجي معك واحد يشرح لك ويصورك صور احترافيه مع الفراشات اللي مهتم بالتصوير لا تفوت عليه

    بعد كذا بطريق العوده مرينا على حديقة حيونات صغيره جدا بس احلا شي فيها تصور مع الثعابين الكبيره التذاكر ب 50 بيسو مع التصوير
    فيه مكان جنبها فاضي اللي معه سجاده يصلي الظهر والعصر

    الساعه الحين 4 تقريبا باقي طريق العوده للبوت
    فيه سوق بالطريق فيه مطاعم عالميه للي حاب ياكل
    رجعنا لنطقة البدايه ودعنا سواقنا وسجلنا ارقام المقاعد وانطلقت رحله العوده الساعه 5.45 عصرا المركب افخم من مركب القدوم بس الرحله كانت متعبه شوي سبت الامواج وصلنا اخذنا تكسي ل تعشينا ورجعنا للفندق التكاسي فيها صعوبه شوي لكثرة الركاب في العوده

    وبكذا ختمنا يوم كان مرهق قليلا بس ممتع جدا

    هذي تجربتي المتواضعه في زيارة جزيرة بوهول واعتذر عن اي خطا غير مقصود ​
     
    جاري تحميل الصفحة...