1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

مطاعم ومقاهي زينو كوفي - Zino Coffee

دليل المسافر العربي قبل السفر

الموضوع في 'مطاعم مصر' بواسطة menna, بتاريخ ‏14 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    بنفرح جدًا لما مكان جديد يفتح في شارع 9 بشكل خاص، فبرغم الشوارع الكثيرة اللى فى المعادى إلا أن شارع 9 له مكانة خاصة، لأنه يعتبر زي الشارع الرئيسي للأماكن المفضلة والمبهجة بالنسبة لنا، وممكن يكون زينو كوفي – Zino Coffee من الأماكن دي.

    المكان شكله حلو جدًا بقعدة خارجية وسط الخضرة ومكان داخلي بديكور عصري، أكثر حاجة عجبتنا في الديكور كانت سبورة كبيرة سوداء شبه بتاعة المدرسة زمان ومكتوبة عليها اسم المكان وكذا حاجة ثانية، شكلها مبهج الحقيقة.
    [​IMG]
    الجو كان حلو اليوم ده فقررنا أننا نقعد بره، وأول لما جاء لنا المنيو احتارنا ما بين كل أنواع القهوة اللي ممكن تتخيلوها، سواء سخنة أو باردة، والمفروض أن نوع القهوة ألماني، والشاي برضه، لكن للأسف بالنسبة للأكل الاختيارات كانت قليلة جدًا سواء في الحلويات أو المخبوزات.

    طلبنا فطيرة تفاح (18 جنيه) وزينو كراميل لاتيه بس بارد مش سخن (24 جنيه)، وكابتشينو عادي (22 جنيه)، وتشيز كيك بالفراولة (25 جنيه)، لازم نعترف أن تخصصهم الأساسي في المشروبات، لأن الحاجات اللي طلبناها كأكل ما كانتش بالجودة اللي نتمناها، هي مش وحشة بس برضه مش حلوة، يعني التشيز كيك كان صوص الفراولة مش مضبوط لدرجة أن طعمه كان صناعي جدًا شبه البونبوني، وفطيرة التفاح كانت دسمة شوية وكمية التفاح ثلاث أضعاف العجينة ومعاهاش آيس كريم فانيليا فالموضوع كان صعب.

    نيجي بقى لأساس المكان القهوة، وهنا لنا وقفة لأن عشاق القهوة القوية كلهم أكيد هيعتبروا المكان ده ملاذهم لسنين قدام، طعم القهوة من كتر ما هو قوي وحاد بيخبطك في دماغك حرفيًا تبقى مش عارف هو إيه اللي حصل، طب هي قوية كده ليه ومهما تزود لبن أو سكر هتفضل بنفس قوتها، وده خبر عظيم لعشاق القهوة الحادة، أما اللي بيحبوا القهوة خفيفة أو مش قوية كده فده مش مكانكم أكيد.

    ما قدرناش نقاوم أننا نجرب الشاي، فاختارنا شاي بالليمون من مجموعة الـ Ice tea الهندية اللي عندهم (22 جنيه) وطعمه كان حلو جدًا برضه، لو كان عليه سكر زيادة بس كنا استمتعنا أكثر، وهم صحيح بيقدموا سيرب سكر مع المشروبات الساقعة اللي السكر العادي مش هيدوب فيها.
     
    جاري تحميل الصفحة...