1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

كيف تقابلي عريسك لأول مرة

الموضوع في 'أخبار المسافرون العرب' بواسطة أنغام الماضى, بتاريخ ‏27 فبراير 2012.

هوتيل فور ارب | Hotel For Arab

دليل ماليزيا

  1. أنغام الماضى

    أنغام الماضى رحالة

    إنضم إلينا في:
    ‏15 يوليو 2010
    المشاركات:
    2,256
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    36


    كيف تقابلي عريسك لأول مرة؟

    أزاي تقابلي عريسك اول مرة

    [​IMG]


    أخواتي

    هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي
    [​IMG]
    علشان كده ياريت تبقي ناصحة وتقدري بأسلوبك وذكائك وتلقائيتك تتركي انطباع كويس عنك عند الشاب ده حتى لو محصلش نصيب لاقدر الله
    [​IMG]
    طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
    ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
    [​IMG]
    أهم حاجه وقبل ما نبدأ الخطوات
    لازم تصلي صلاة الأستخاره
    واللي فيه خير ربنا هيقدمه بأذن الله
    [​IMG]
    الخطوة الأولى
    1ــ جهزي نفسك نفسيا ومظهريا
    علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها .. لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
    [​IMG]
    2-
    حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك
    .. واحنا مش عايزين كده احنا عايزين عروسة زي القمر
    مش عروسه من مخلفات الجيش [​IMG]

    [​IMG]
    3-
    بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
    بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك
    واوعي تنسي تختاري الألوان اللي تكون مناسبة عليك وتنور وشك .. وأهم حاجه
    ماتنسيش الحجاب ..

    [​IMG]

    4-

    لو كان اللقاء ده هيتم في البيت فياريت
    ما تلبسيش كعب عالي قوووي
    [​IMG]
    5-
    بالنسبه للماكياج .. أنتي وضميرك


    [​IMG]
    6-
    خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
    أعتقد إنك لو عملتي الحاجات اللي قلنا عليها دي هتكوني فعلا استعديتي للقاء ده
    [​IMG]
    وتعالي نشوف اللي المفروض تعمليه أثناء اللقاء ده
    *******

    [​IMG]

    الخطوة التانية
    أثناء اللقاء نفسه

    1-
    بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على أمه .. ويبقى نهارك ملزق .. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
    [​IMG]
    2-
    لو مامته جات معاه ياريت تخلّي بالك منها وبلاش تكشّري في وشها أو تزغديها وهي قاعدة .. خليكي مبتسمة ليها دايما حتى لو قالت حاجة مش عجباكي .. اوعي تردي عليها رد مش مناسب أو بصوت عالي .. وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
    [​IMG]
    3-
    وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه


    [​IMG]
    4-
    لو فيه حاجة تضحك يا ريت ماتضحكيش بصوت عالي أو ضحك هيستيري .. كفاية قوووي ابتسامة بسيطة على شفايفك
    [​IMG]

    5-
    خليكي طبيعيه .. ولو وجه لك الكلام ردي عليه بذوق وخجل وبصوت كله ثقه
    *******

    [​IMG]

    كمان خدي بالك أوووي من اللي جاي

    1-
    لو سمحت الظروف وقعدتوا مع بعض
    ( وأن كنت أفضل عدم حدوث ده)
    ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك..
    لأنه ممكن يكون
    أهلاوي وأنتي زمالكاويه .. يقول كلمه كده ولاكده ؟؟ تفقدي أعصابك وتلبسيه الفازه فيرزعك بونيه وتكملوا القعده في القسم!![​IMG]

    [​IMG]

    ولو أتطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
    [​IMG]
    واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة

    [​IMG]
    2-
    لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
    *******
    [​IMG]
    الخطوة الثالثة
    بعد انتهاء اللقاء

    بعد ما يمشوا عايزك تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك
    *******
    [​IMG]
    وعقبال كل بنات المنتدى لما يطبقوا النصائح دى عملى
     
    جاري تحميل الصفحة...