1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

الاقامة والحياة والعمل في ماليزيا

الموضوع في 'المواضيع المحذوفة والمكررة' بواسطة alyaa, بتاريخ ‏15 أغسطس 2014.

هوتيل فور ارب | Hotel For Arab

دليل ماليزيا

  1. alyaa

    alyaa مراقبة عامة

    إنضم إلينا في:
    ‏16 يونيو 2012
    المشاركات:
    7,692
    الإعجابات المتلقاة:
    6
    أَعْجَبَ:
    0
    Dislikes Received:
    0
    نقاط الجائزة:
    36
    الإقامة:
    malaysia
    الاقامة والحياة والعمل في ماليزيا

    الفيزا و الإقامة: كولالمبور

    لا تحتاج الى فيزا للسوريين

    -نصائح بخصوص الفيزا أو الإقامة:

    الفيزا تحصل عليها عند دخولك لمطار كولا لمبور مباشرة دون أي تكليف و تحصل عليها لمدة 3 أشهر خلال الثلاثة أشهر يمكن البحث عن عمل أو التسجيل في جامعة و بعدها يمكنك الحصول على فيزة لمدة معينة أقلها 6 أشهر
    اذا لم يتسنى له أي مما سبق يجب عليه مغادرة الأراضي الماليزية لفترة أسبوع والعودة مرة أخرى بفيزا سياحية ايضاً (( يمكن التوجه الى كمبوديا وهي لا تحتاج فيزا للسوريين )).

    في حال المخالفة (غرامة مالية) مبلغ يقدر ب 600 رنجت ماليزي ما يعادل 200 دولار تقريباً على الأقل وربما تحرم من دخول ماليزيا.

    البحث عن العمل بالسرعة الممكنة لتأمين فيزا لمدة أطول.

    كثير من السوريين يتعرضون لعمليات نصب من اجل تمديد الاقامة في ماليزيا لكن الكثير منهم نصابيين ... فبدك اتدير بالك ... احسن طريقة للاقامة هي فيزة الطالب ... ولكن فيزة الطالب تاخذها قبل ما تجي عماليزيا والا لازم ترجع عسوريا او امصر او تركيا لحتى تطلع فيزتك الدراسية

    -التكاليف.

    -الفيزا والأقامة

    الاقامة:ممكنة ولكن صعبة
    فضل أنواع اللجوء ضمن هالبلد:لجوء انساني

    هلق لحتى الواحد ياخد لجوء بيقدم ع الامم المتحدة وبياخد موعد خلال ستة اشهر او سنة وبياخد ورقة موعد ممكن انو تحميه هالورقة اذا وقع بمشكلة لكن مو كتير مضمونة وبتخوف. وبس يطلع القرار بيبعتوه للبني ادم يا على استراليا يا ع كندا. بس ع حسب ما سمعت انو الامور موكتير ميسرة يعني بصعوبة بيقبلو مو بسهولة ابدا.

    ومشكلة اللجوء انو متى ما الواحد اخد لجوء ما عاد يقدر يعمل شي بهالبلد ماعاد يقدر ياخد فيزا طالب ولا عمل ولا شي بدو يقعد ويستنى مصيره الي عم تتحكم فيه الامم المتحدة في ناس عم يجو لهون ومن هون عم يروحوا تسلل ع اندونيسيا ومنها تسلل الى استراليا ومن هنيك بيقدمو لجوء بس طبعا هي بده قلب قوي وحب للمغامرة والمخاطرة.

    السكن:
    أفضل مناطق السكن التي تناسب السوريين: دمنسارا , سوبنغ جايا , سيردانغ ,كجانك , شيراز , بيتلانغ جايا
    الايجارات.

    السكن متوفر ولكن البحث عنه يحتاج إلى نوع من الصبر , لان أغلب العقود سنوية وإن كان هناك عقود شهرية في بعض المجمعات.

    فيوجد العديد من مكاتب العقارات المنتشرة في كل المدن الماليزية، كما أن الجامعات أيضا توفر خدمة البحث عن السكن من خلال مكاتب الدعم الطلابي ( Student Support Centre )، وتحسب تكلفة السكن في ماليزيا شهرياً، وتطلب المكاتب العقارية التالي عند رغبة أي شخص في تقديـم طلـب إيجار سكن -:

    • نسخة من جواز السفر.

    • دفع تأمين يبلغ مقدراه إيجار شهرين ونصف مقدماً.

    • توقيع عقد لا تقل مدته عن سنة

    ومن أنواع السكن المتوفرة ما يلي :

    1-الشقق : غالب الشقق المعدة للإيجار في ماليزيا بصفة عامة تندرج تحت ما يسمى "الكوندومنيوم " وهي اختيار مناسب جداً للسكن. فهي تمتاز بالأمن والسلامة لتواجد أفراد الحماية في كل مكان داخل وخارج العمارات مع مراقبة الدخول والخروج من وإلى المكوندومنيوم وأغلبها توفر احتياجات المقيم من حدائق.

    وأماكن للعب الأطفال،وأحواض سباحة،وأماكن الجلوس والاحتفالات، وكذلك توجد بعض الخدمات مثل: مغسلته وبقالة وصالون حلاقة وما شابه ذلك.

    غير أن مثل هذه المجمعات تختلف فيما بينها على حسب إدارة المجمع , وقدم وحداثة المجمع ونظافته .... وأسعار الشقق تتراوح ما بين 300 و 600 دولار , وذلك حسب الموقع والخدمات المتاحة وأيضا ً حجم الشقة وغير ذلك من العوامل .

    2-المنازل الصغيرة : المنازل في ماليزيا يغلب عليها الطابع الكلاسيكي ذات التصميم البسيط ولكنها جميلة ومريحة. ومنها ما.

    وسطي آجار استوديو:المنطقة حول العاصمة الماليزية كولالمبور استديو ما يقارب 600 دولار

    غرفة كبيرة ضمن منزل 250 -300 دولار ،غرفة متوسطة 150 – 250،غرفة صغيرة 100- 250.

    وسطي آجار غرفة نوم وصالة:بين 100- 400 دولار

    وسطي آجار شقة من غرفتي نوم وصالة: حول كولالمبور 600 دولار،ضمن العاصمة 800 -1500دولار،في مناطق خارج العاصمة cyberjaya putrajaya 700 -1200 دولار.

    العمل:

    -طبيعة العمل في البلد: عادية

    - معدل الرواتب:الأمر شاق وصعب لإيجاد فرصة عمل ولكنها ليست مستحيلة ،قليل كثير سوريين بيشتغلو بشركات حكومية واذا كانو محظوظين فالراتب بين 800 دولار 2500 دولار حسب الخبرة .

    وبعض الجامعات تؤمن فرص عمل للطلاب على موقعها الالكتروني بس الاهم عند البحث عن عمل البحث في لشركات التي تستطيع تأمين إقامة عمل واللغة الانكليزية مهمة جداً والخبرات العلمية ضرورية .

    في ماليزيا، تختلف معدلات الأجور الأساسية طبقًا للمكان والقطاع الصناعي. إضافةً إلى الرواتب، توفر أيضًا معظم الشركات مزايا إضافية مثل العلاج الطبي المجاني وتغطية التأمين على الحياة وعلى الحوادث الشخصية ومواصلات مجانية أو مدعمة وعلاوة سنوية ومزايا التقاعد ومساهمات محسنة لصندوق ادخار الموظفين.

    تختلف هذه المزايا من شركة لأخرى.

    بالنسبة لأصحاب العلم والمهارة يتراوح من 800 دولار امريكي إلى 5000 دولار أمريكي حسب الاختصاص والخبرة والمنصب، اما بالنسبة لغير المتعلم واصحاب الخبرة والمهارة الضعيفة 200 دولار أمريكي إلى 800 دولار امريكي حسب الحرفة والمهارة وطبيعة العمل

    -وضع الراتب الراتب مع الحياة الاجتماعية: ع القد

    اللغة:.
    العربية, الإنجليزية, مالايو

    المصروف:

    -وسطي المصروف للشخص الاعزب من طعام وحاجات يومية: 200-500$شهرياً.
    -وسطي المصروف للعائلة من 4 اشخاص من طعام وحاجات : 500-1200$. شهرياً

    الدراسة:

    -توفر عدة جامعات للدراسات العليا كما تجدونها أدناه وجميع هذه الجامعات لغة التدريس فيها هي الانجليزية وتختلف التخصصات المتوفرة في كل جامعة كما تختلف تكاليف الدراسة فيها. جامعة ساراواك الماليزية فيها جميع التخصصات البحثية والكورسات .

    1. جامعة ملايا UM -2. جامعة بوترا الماليزية UPM -3. الجامعة الوطنية الماليزية UKM -4. جامعة العلوم الماليزية -USM -5. جامعة بتروناس UTP-6. الجامعة التكنولوجية الماليزية UTM-7. جامعة الشمال الماليزية UUM -8. جامعة مارا التكنولوجية UiTM -9. الجامعة الماليزية سرواك UniMAS-10. الجامعة الماليزية صباح UMS

    11. جامعة السلطان إدريس التعليمية UPSI -12. جامعة دار الامان UDM-13. الجامعة الماليزية كلانتان UMK -14. الجامعة الماليزية بهانج UMP-15. الجامعة الماليزية برليس UniMAP -16. الجامعة الماليزية ترنغانو UMT-17. جامعة الدفاع الوطني الماليزية UPNM -18. جامعة العلوم الإسلامية الماليزية USIM -19. جامعة ملاكا التقنية UTeM -20. جامعة تون حسين عون الماليزية -21. الجامعة الاسلامية العالمية UIAM.

    - اللغات المطلوبة للدراسة: الإنجليزية.

    -منح دراسية: يوجد خصوم دراسية في بعض الجامعات،

    العملة المحلية:

    MYRرنغت ماليزي.

    الطعام:
    -افضل مكان لشراء الطعام:

    هلق في الشركة السورية للمنتجات الغذائية بتشوكت هي فيها كل شي لبن مصفى ومكدوس وحلاوة وكل شي سوري بس يعني غالية شوي بحكم انو مستوردة،والمشكلة هون انو الواحد لازم كتير يتحربق ويسأل قبل ما يشتري اي شي .

    ممكن تشتري برغر من عند واحد ب 3 رينغت وعند اره تكون ب 5 او 6 لذل ليس من الغريب انك تلاقي كتير عالم ومنهم انا بيشترو ل غرض من ارنة يعني البرغر من ارنة والخبز من ارنة والبيبسي من ارنة وهكذا لانو نفس الماركة ونفس الشركة بتلاقيهم بسعرين مختلفين جدا ،المولات الكبيرة عادة الاسعار فيها ارخص من المحلات الصغيرة .

    تنبيه فيما يخص الاكل لا تاكل شي او تشرب الا شي بتعرفه يعني بالكولا لاتشرب الا الماركات العالمية لانو الكولا والعصير تبعهم بيلعو النفس . حاول اد ما بتقدر تجنب المنتجات الصينية لانو كتييييييير سيئة يعني ممكن تلاقي كوكا كولا صينية ما بتنشرب مع العلم انو كتير منتشرة،كمان للاشخاص لي ما بيقدو ع الحد تاكد عند شرائك لاي منتج من عدم احتوائه على حد لانو غالبية المنتجات فيييها حد.

    الأسواق العامة التي تعد مثالية لشراء الفواكه والخضروات الطازجة.

    وتنتشر في ماليزيا الكثير من المحلات التي تتوفر فيها مواد الطبخ العربية، والبهارات، والمعلبات، والمأكولات الشرقية، وتتوفر اللحوم والمواد الغذائية في معظم مراكز التسوق في ماليزيا .

    -اللحم والدجاج: الافضل ينشرو مختومين ومن المولات لانو لي بينباعو مكشوفين بيكونوا غالبا فاسدين من الشوب وطالعة ريحتهم،يفضل شراء اللحم والجاج بدون عضم boneless او فيليه لانو العضم كتير غليظ وصغير هلق بيقولو انو افضل مول لشراء هي الشغلات هو الايون،ما يميز شرق آسيا بالمجمل أن السمك كثير و رخيص
    -وسطي سعر الوجبة للشخص الواحد:2-5$.
    -أفضل المراكز التجارية: 1 Utama-SURIA KLCC-MEGA MALL-TIME SQUARE-SUNWAY PYRAMID-ninty nine-my mydeen

    الاتصالات والمواصلات:

    -اهم وسيلة اتصال في البلد بين بعضهم البعض: الخطوط الخليوية
    -افضل شركات الخطوط الخليوية: سيلكوم , ماكسيس , ديجي , يو موبايل.
    افضل طريقة للواحد يتنقل بهالبلد: وسية نقل عامة – باص،مترو.
    -شهادة القيادة المعترف عليها: لازم يكون معك شهادة سواقة دولية تسوق عليها بشكل مؤقت, لازم طلع شهادة سواقة خاصة بالبلد نفسها.

    -تكلفة رخصة القيادة: 350دولار .
    -حجز الطيران: اون لاين.
    رقم الشرطة: 999
    رقم هاتف السفارة السورية:(603)-42516364.

    أرقام آخرى: شرطة السياحة بكوالالمبور ( 83222166 )

    الهجرة والجنسية (55190653 )

    الصحة:
    -افضل المشافي: المشافي الحكومية غالية.

    نصائح عامة:

    تنويه : في مطاعم للأكل العربي لان الأكل الماليزي غريب وعجيب

    جيبوا معكمداخلي ككتير لأنو هون ما في واذا في غالي كتير-وجيبو شمسية ريفية لانو باي لحظة لو كانت الشمس عم تقدح قدح مكن تنزل مطر-جيبو احذية ماكنة بحيث انو لو سبحت فيها سباحة بالمطر ما تتاثر-جيبوا شورتات لانو البنطلون قليل ما ينلبس هون بسبب الحرارة الشديدة ولانو وقت المطر بيصير بهدلة -جيبوا معكم صندل وشحاطات للطريق لانو كمان البوط والجرابات قليلة لانو كتير مزعجين لما ينزل المطر.

    احذر الهنود والصينيين واحذر ان تمشي بمفردك بعد ال 8 بالليل لانو العصابات والسرقات شغالة ع ابو موزة وماحدا لحدا.

    أفضل الناس الي ممكن تتعامل معهم هون هنن الماليزيين الاصليين كتييير اكابر ولما يعرفوا انك من سويا بيتعاطفوا معك اما الصينيين فمو سمعانين بشي اسمه سوريا.

    فكر منيح قبل ما تعمل اي حركة واسال كتير ع الطرقات ع الاكل والشرب ع صرف العملة حتى ممكن تفرق معك بالمية دولار شي 3-4 $ بين منطقة ومنطقة اذا عم تصرف مع العلم انو كتير نادر انو حدا يقبل ياخد منك دولار ا بياخدوا الا العملة المحلية-جيبوا معكم دولة قهوة لانو ما بيعرفو القهوة التركية هون اما البن فموجود بالشركة السورية بن الحموي ومعتوق و....
    تنظيم الوقت لأن الوقت في هنا يمضي دون جدوة في حال عدم تنظيمه.

    انتبه من الأمور الغير قانونية والغير شرعية.

    حاول ان تفتح حساب بنكي بأسرع وقت ممكن.

    سمعة السوريين: عادية مع الشعب الماليزي .. سيئة عند السوريين لأنو بيعملو مقالب ببعض وتصرفاتهم غير محببة مع بعض اما مع الشعب الماليزي فما سمعت انو السوريين الهم مشاكل او انو الحكومة عندها اي شي ضدهم بشكل خاص، واذا كان في شي فبيكون ضد الأجانب بشكل عام.



    [​IMG]

     
    جاري تحميل الصفحة...