ترتيب جدول سياحي ( اتمنى مساعدتكم )

الموضوع في 'استفسارات ماليزيا' بواسطة 3zoz, بتاريخ ‏21 يونيو 2015.

  1. 3zoz

    3zoz مسافر جديد

    إنضم إلينا في:
    ‏31 مايو 2015
    المشاركات:
    1
    الإعجابات المتلقاة:
    0
    السلام عليكم ورحمة الله

    بحكم انها اول سفره لي في ماليزيا ف ما اعرف كم تبعد الفعاليات عن بعض وما اعرف كم المده الكافيه لكل فعاليه تقريبا ف اتمنى مساعدتكم في اختيار الفعاليات المناسبة واختيار الوقت المناسب لكل فعاليه وكم تستغرق ( لست مهتما بزيارة حدائق الحيوانات والورود والارز الا ما كان فعلا يستحق الزياره اما الحدائق العامة فلا بأس )


    الرحله لشخصين ( عزاب ) من 15 اغسطس الى 27 اغسطس ان شاء الله


    الوصول ل كوالا 16 اغسطس الساعه 7 صباحا بإذن الله

    سيلانجور /
    16 اغسطس
    17 اغسطس

    لنكاوي /
    18 اغسطس
    19 اغسطس
    20 اغسطس

    بينانج /
    21 اغسطس
    22 اغسطس
    23 اغسطس

    كوالا /
    24 اغسطس
    25 اغسطس
    26 اغسطس


    العوده ان شاء الله 27 اغسطس الساعه 3 ظهرا



    وياليت لو يكون فيه فترة راحه ساعتين يوميا فترة الظهيرة




    اي اقتراح او مساعده او رأي مرحب به وشكرا لكم
     
  2. المسافر ابو عمر

    المسافر ابو عمر مراقب عام
    طاقم الإدارة

    إنضم إلينا في:
    ‏27 سبتمبر 2012
    المشاركات:
    851
    الإعجابات المتلقاة:
    4
  3. Sara.Talal

    Sara.Talal مسافر

    إنضم إلينا في:
    ‏4 يوليو 2015
    المشاركات:
    7
    الإعجابات المتلقاة:
    0
    رد: ترتيب جدول سياحي ( اتمنى مساعدتكم )

    السلام عليكم ....

    اتمنى يارب اني اقدر افيدك ولو بشي بسيط


    اولا سيلانجور و كوالا لمبور تقريبا نفس البلد ... يعني لو الفندق حقك في كوالا تقدر عادي تروح تتمشى في سيلانجور وترجع .. بس هو فندقهم حلو و مطل على المدينة المائية حقت سن واي لاقون .. يعني لو تبغى اجلس فيه حلو

    انت رح توصل على كوالا .. اما انك تاخذ طيارة من المطار الثاني الخاص بطيران اسيا وتروح على لانكاوي ثم بيننج وبعدين ترجع على كوالا لمبور ... او انك تتمشى بكوالا .. بعدين بيننج .. وبعدين لانكاوي .. وبعدين ترجع كوالا لمبور عشان طيارتك ..

    بالنسبة لي انا اشوف الطريقة الاولى احسن

    انا رح احط لك اقتراحاتي وانت تقدر تاخذ اللي تبغاه وتعدل عليه ^_^

    اول ما توصل كوالالمبور تكون كمان حاجز تذاكر على طيران اسيا مع مراعاة انك تخلي فارق كويس للوقت لان حط ببالك انه مو من نفس المطار

    لانكاوي 3 ايام مرررة كويسة وزيادة عليها كمان .. بالذات انكم عزاب وهي شوي حقت عرسان وهدوء واستجمام ..

    فيها لانكاوي الشلالات .. مشكلتها انو درجها جدا جدا جدا عالي بس توصل فوق تحس انو الجو والشلالات تسوى المسافة

    و كمان فيها سيارات السباق اذا تبغوا

    وفي كمان رحلات الجزر مرة حلوة

    والباقي كلها حدايق فراشات و فواكه واشياء زي كذا .. انا الصراحة ما احب لانكاوي كثير لان جوها جدا حاار والفندق حتى لو كان 5 نجوم لازم تلقى فيه وزغ وحشرات بس انا زمان ما رحتها يمكن الحين صار فيها اشياء اكثر .. لان المرة الاولى رحتها و حسيت تكفي فما رحناها ثاني

    بعد لانكاوي تقدروا تاخذوا عبارة وتوصلوا على بيننج ♡♡♡
    تحجز العبارة من نفس الفندق عادي مو لازم من هنا

    بيننج رائعة .. وتعتبر مدينة نهارية ...الافضل تاخذوا فندق في باتفرينغي .. لانها على البحر ..

    النشاطات البحرية هناك مرة حلوة .. من جت سكي وباراشوت وبنانابوت ومرة حماس النهار هناك وماتطفشوا ابد

    بالليل في نفس المنطقة في سوق اسمه السوق الليلي .. شعبي مرة حلوة ويونس تروحوه مشي

    احد النشاطات اللي تقدروا تسووها انكم تزوروا هضبة بيننج برضو حلوة .. تاخذوا تاكسي يوديكم لها .. فيها تاجير سياكل ونشاطات غيرها .. طبعا بالنهار

    فيها بيننج 3 مولات حلوة
    queens bay mall
    gurney plaza
    mega mall
    فيها لعبة البينت بول لو تبغوا كمان

    من رايي الشخصي احسن فندقين هناك هم
    The bayview beach
    hard rock


    لان قدام الشاطىء على طول .. وقدام الفندق فيه مغسلة وبقالة و كمان تكاسي .. لان تكاسي الفندق تكون اغلى طبعا

    بس مشكلة هارد روك الازعاج طبعا .. بس فيه حياة وزحمة وحلو اذا انتوا اصلا ما تناموا بدري

    واخيرا وليس اخرا

    كوالا لمبور و سيلانجور

    تقدر تروحهم عن طريق الباص لمدة نقريبا 5 ساعات. . ما تحس فيهم لان الطريق جميل .. افضل باص هو nice + تحجزه برضو من هناك .. تاخذ تاكسي وتقول له محطة الباصات وتروح وتحجز .. بسهولة جدا تلقى تذاكر بالذات على هذا الباص لان يعتبر اغلى من الباقي . بس مو غالي ابد

    هناك بكوالا في المولات .. السوق الصيني .. السينما اكيد .. وبرج التوام .. شارع العرب ..واشياء كثير بس تعتبر تقريبا مدينة ليلية اكثر من بيننج ..

    الحجز لبرج التوام يبغاله وقت من قبل احد يحجز لكم ..

    سيلانجور طبعا مدينة سانواي لاقون هاذي ضروري تروحوها .. مدينة مائية تجنن وكمان فيها العاب مو مائية . والمول حقها اللي هو سن واي بيرميد او شي زي كذا اذا مو غلطانة

    اقتراح :: وانتوا في كوالا .. اتفقوا مع سيارة تجي تاخذكم وتوديكم على جينتنغ وترجعكم بنفس اليوم. .. حلوة جنتنغ وباردة وفيها ملاهي و وبيت اشباح و عروض جميلة و مول راااائع .. مو للتسوق قد ما هو المول حلو

    يارب يا اخوي اكون افدتك قد ما اقدر .. واذا احتجت اي استفسار اخر انا جاهزة ^_^
     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • العرب المسافرون المسافرون العرب arabtravelers travelers arab العرب المسافرين arab travelers المسافرون العـرب المســافـرون arab traveler traveler العربي traveller العربى العرب والمسافرون للعرب المسافرون للعرب للمسافرون العرب العرب المسافرون arab traveler عرب الـعـرب الـمـسافـرون الـعـرب الـمـسافـرون العربي المسافرون العرب المسافرون's alarab العربية تركيا النمسا ماليزيا قطر اندونيسيا اسبانيا دبي المانيا
جاري تحميل الصفحة...