1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

رحلة بالتفصيل لبلاد الجمال الفاتن والطل اندونيسيا

الموضوع في 'بوابة السفر إلى إندونيسيا' بواسطة سامح, بتاريخ ‏6 سبتمبر 2015.

هوتيل فور ارب | Hotel For Arab

دليل ماليزيا

  1. سامح Egypt

    سامح أدارة المنتدي طاقم الإدارة

    إنضم إلينا في:
    ‏8 يناير 2011
    المشاركات:
    404
    الإعجابات المتلقاة:
    15
    أَعْجَبَ:
    42
    Dislikes Received:
    0
    نقاط الجائزة:
    18
    الجنس:
    ذكر
    الوظيفة:
    مدير العرب المسافرون
    الإقامة:
    جدة
    الصفحة الرئيسية:
    رحلتي بالتفصيل لبلاد الجمال الفاتن والطل اندونيسيا



    [​IMG]
    رحلتي بالتفصيل لبلاد الجمال الفاتن والطل اندونيسيا

    وذلك بعد ما تم الحجز بالخطوط السعوديه بقيمة 4800ريال ذهاب واياب بنتي اخذوا عليها نص تذكره كان عمرها 3سنوات
    [​IMG]
    رتبت البيت ترتيب اخير وسفطت الملابس بالشنط واخذنا المؤنه ورتبتها بالشنطه طبعا كنت كاتبها الاشياء اللي نحتاجها بمذكره عشان ماانسى وكل ماحطيت شي بالشنطه وضعت علامة صح امامها لاني كنت مشوشه جدا واول مره اسافر انتو عارفين كيف بيكون الشعور مزيج من الفرح والخوف والقلق – وراح اكتب مكونات والاشيا ء من المؤنه او العزبه والملابس لاني كنت اسال عنها كثيير بالمنتدى والحمدلله ماقصروا الاخوه لكن الشي اللي محد جاوب لي عليه الملابس فانا وكثييير كنا نسال ومانلقى اجابه سواء هنا بالمنتدى او برا المنتدى بالذات اللي عندها عيال 000المهم
    [​IMG]
    ملابس بنتي ليان :(4اطقم شتويه للجبل -1بيجاما شتويه –كابات شالات شراريب شتويه -4جاكيت شتوي -5بجايم خفيفه -3ارواب نوم-6بربتوز-4بناطيل جينز-5بلايز-2شورت قطن-ملابس داخليه-5مايوه-7جزم متنوعه مابين اسبور وفلات -1لبس للعزايم )
    انصح اللي راح يطول بالجبل وبوقور ياخذ احتياطه بس لازم تحطو ببالكم ان البرد القارس بس بالصباح والليل اما الضهر الجو حلو مرررررره مايحتاج شتوي يعني الافضل لو بتطلعو من الصباح لليل تلبس طفلك ملابس عاديه وتضيف لها جاكيت وشال وقفازات وايس كاب عشان لما يجي الضهر تحمى الشمس شوي تقدر تشيلها وتخليه بالملابس العاديه اوكي.ياليت فهمتو ذي النقطه .
    ملابسي (اخذت 3ارواب -2بيجاما شتويه -1بيجاما عاديه -5بناطيل استريتش -2بناطيل جينز-2جاكيت برد-10بلايز طويله ومنها قصيره -3جزم اسبور-2سكيني-1شبشب للحمام -1لبس للعزايم والحمدلله اني اخذته لاني انعزمت هناك –عبايتين احتياط –برقعين احتياط –قفازين وشراريب للي تلبس تاخذ احتياطها-اندروير- )
    انا انصح انك تاخذي ملابس خفيفه لان العبايه تكفي تدفيك وخذي معك جاكيت احتياط بالشنطه وانا ماانصحك بالجينز ابد ثقيل مره خذي استرتش افضل .وابتعدي عن التنانير انا مافكرت فيها ابد تقيد الحركه .وانتي يبغالك مشي وتمتييييييير اهــــــــــــــــــــم شي الشوز انا مااستفدت من اللي جبتها لا انا ولابنتي لان اندونيسيا دايم امطار والارض طين ومبلوله بالذات اماكن الشلالات دايم اضطر اخلع شوزي واشتري شبشب هههههههه
    بس احسن شي عملته اني شريت شوز ريبوك ينفع للارض حقهم سرت ماالبس الاهي يعني خذي شوز يتحمل المويه والطين واتركي الباقي لاتشيليه –شوزاتنا كلها انعدمت مرررررررررررررره بالذات الاسبور القماش مايتحمل 0
    [​IMG]
    صح ملابسنا كثيره بس افضل شي لانه لايوجد غســــــــــــــــــــــــالات الغسل يكون على اليد هذا بالجبل وبوقور .
    اما المناطق الثانيه يوجد بها مغاسل لكن تتأخر او ياخذو فلوس اضعاف مضاعفه ؟؟؟
    فمااضطرينا للغسل الا بعد اسبوعين تقريبا
    شنطه صغيره حطيت فيها ادوات النضافه و الشعر والجسم والاضافر وميك اب خفيف واكسسوار خفيف خذي الاشياء المهمه
    واخذت 3مضلات للمطر انصحكم تاخذو من اللي تتصفط ويسير حجمها صغير عشان تكون خفيفه واندونيسيا مليااانه منها 0
    وجهزت شنطه اسعافات اوليه وادويه:
    2دواء للسعال للكبار والاطفال -تحاميل وشراب حراره –كمادات –باكيت مسحه طبيه-معقم جروح –قطن –شاش-لفات مطاطيه للمفاصل-مرهم مفاصل-لصقات جروح-كبسولات كالسيوم)
    [​IMG]
    الحمدلله مااحتجنا منها الا لفات المفاصل لزوجي .بس من باب الاحتياط وحطيتهم في ذي الشنطه وقفلتها بالمفتاح عشان بنتي ماتلعب فيها .
    [​IMG]
    شنطة زوجي :>>>>>>اسميها البقاله المتنقله
    بصراحه مهمه مهمه مهمه استفدنا منها سواء عندك اطفال او لا حطينا فيها بسكويتات-شوكلاته-علك –شبسات –فطائرلوزين-مويه-يعني اكلات خفيفه لوقت الجوع والمشاويرالطويله او المشي الطويل اكثرها اخذناها من السعوديه ولما خلصت اخذنا من البقالات باندونيسيا نشتريها من الليل عشان الوقت ومانجلس ندور بقالات ويضيع اليوم على الفاضي واهم شي الاوراق الشخصيه المهمه والجواز والفلوس كلها حطيناها بالشنطه ولاتترك أي شي بالسكن مهما كان الامان فيه واللي ساعدنا وجود جيوب كثييييييره مخفيه بشنطة زوجي .
    [​IMG]
    نجي لاغراض العزبه او المؤنه :
    رحنا لسوق البلد واخذنا شنطه الله لايعيدها من شنطه بهذلتنا من جد لكبر حجمها ولعدم جودتها يعني اخذنا شنطه أي كلام مع اني نصحت زوجي يتركها وناخذ شنطه جودتها ممتازه بس ماسمع كللامي يبي شنطه والسلام على اساس انها للعزبه بس فانا انصح نصــــــــــــــــــــيحه انكم تاخذوا شنط صغيره بجوده ممتازه زي دلسي سامسونايت بييركاردانوماتكثروا مؤنه بالذات اللي بيسافروا داخليا طيران او باصات زوجي مره انفعل الله يهديه .من كثر اتنقلنا تكسرت علينا .
    اخذنا(2كيس شابوره –ارز 20كوب تقريبا –بن هيل زنجبيل قرفه قرنفل نانخه بهارات قهوه –بهارات ارز –علبه شوربه –علبه حلاوه طحينيه -6تونه حجم كبير-ملح-3علب حليب سايل-5قشطه-قالب جبنه شيدر-8معجون طماطم -2جبن سايل –سكر -2علب فطر-مربى -2اكياس عصير بودره-اندومي شاي –ماجي -اكياس حفظ الطعام اللي تتقفل مهمه جدا -مقلاه صغيره-براد صغير-صحن وملعقه لبنتي وياليت جبت صحون لنا قلنا بنلاقي صحون وملاعق استعمال واحد بس ماحصلنا هنا ك)
    واما العزبه للاسف مااستخدمنا منها الاقليل جدا الباقي وزعناها لان ماطبخنا الاببونشاك وبوقور فطور وعشاء ونادرا لان نجي تعبانين اما باقي الايام بالفنادق مانقدر نطبخ بس شاي سندوتشات جبن –عصير-معلبات والمعلبات مااستخدمنها ولالفكينا منها الا 2تونه نسينا مفك العلب ومالقينا باندونيسيا . اما القهوه ماسويتها هناك بالنسبه لي مافي وقت ابد يادوب نجهز ونطلع بدري الوقت مررره ضيق .
    الاجهزه :
    الكاميرا وشاحنها 2كرت ذاكره –الاب توب وشاحنه –الجوالات –2شاحن جوال –
    انا انصح تاخذوا بطاريه كاميرا احتياطيه –وفيش ابو 3فتحات عندهم 3فتحات موزينا فتحتين –وتوصيله سلك –ايباد بدل الاب توب لانه ثقييييييييييل ويسوي زحمه .وانصح كمان تاخذوا كشاف اولمبه شحن صغيره -انا منزله بجوالي برنامج فلاش والحمدلله انوعندي لان طفت علينا الكهرباء بلومبوك

    هذي زي كاميرتي لونها ذهبي <كانون<
    [​IMG] [​IMG]
    [​IMG] [​IMG] [​IMG]
    اغراضي الشخصيه بشنطتي اليدويه للي
    حاابه تعرف ووللفايده :
    00((مصحف-سجادة الجيب-جل معقم-مناديل مبلله معقمه ديتول-مناديل مبلله معطره-مناديل عاديه-لصق جروح-واقي ششمس-كريم طارد للحشرات-مذكره قلم –محفضتي الشخصيه-مشط –ربطات –شباصه احتياط-كوتكس-جوال -شاحن) انصح كل وحده عندها اطفال اخذ ملصقات حق الكتب والدفاتر وكتابه اسم الفندق واسم الطفل ورقم جوال الاب ولصقها على يد الطفل من باب الاحتياط تحسباً لحالات الضياع لاقدرالله .

    قفلنا الجولات الساعه 10:9م والطياره باقي تمشي استعداد للاقلاع ضلام ماقدرت اصور شي قدموا لنا وجبة العشاء لذيذه فرق بين الوجبات في الطيران الداخلي والخارجي وبعدها
    [​IMG] [​IMG]
    فتحنا الجولات مافي اي شبكه حصلنا واحد سعودي قلنا خذوا شرايحXL . وبعد ماخلصنا من المطار والتفتيش وفحص الجوازات والاوراق رحنا ناخذ الشنط .قبل ناخذها عبينا اوراق كلها بيانات وعطينا مكتب بالمطار وختمها .
    المطار مرتب ونضيف ومنضره حلو مره الممركله زجاج المزروعات بكل مكان منسقه ومرتبه فررررررررق شاسع بين مطار جده ومطارهم .واحلا شي انك ماتتعب من المشي لوجود السير للا سف ماصورت شي كنت بجد مرهقه وتعبانه .
    وعندسير الشنط داخل المطارقبل مانخرج منه شرينا شرايح من عامل نضافه وكان يبيعها بالدس انا شكيت فيه جالس يتلفت يمين ويسار واخذناها ب500,000نصب علينا ومااكتشفنا الا لما خرجنا من المطار لقينا كشك صغير اسمه BBCلقينا الشرايح عنده ب300,000روبيه . هذا غير صاحب الشنط (الترولي بوي) جالس يتلفت ويطلب من زوجي زياده فلووس جالس يغمز ويهمز ويتخبى من حارس الامن ويأشر عليه بس ومافهمنا اش قصده لان يتكلم اندونيسي بعد ماشال الشنط وحطها بالعربيه وطلعنا برا ننتضر السواق الترولي بوي عطاه زوجي فلوس بس مارضي عصب وزعل وقتها عرفنا اش قصده انو يبي زياده زوجي رفض يعطيه ورمى الورقه حق ارقام الشنط اخذ الفلوس ومشي زعلان ماد بوزه
    [​IMG]
    مشاء الله السواقين كثييير التمو علينا كل واحد يبي يوصلنا….. زوجي كان جايب معه تمر ومويه زمزم وزع عليهم التمر بعضهم فرحوا وبعضهم زعلانين. زوجي فهمهم اننا ننتضر سواق اسمه حميد هو بيودينا بس ضلو واقفين عندنا ماتحركوا. الجو حار بجاكرتا وانا تعبااانه حدي قلت لزوجي خلنا نرتاح بجاكرتا يوم وبعدها نمشي لبونشاك بس زوجي الله يهديه مرره متحمس للجبل وحطه براسه بعدتقريبا ساعه جاء السواق (حميد) سلم عيه زوجي وعطاه تمر ومويه زمزم كهديه بسيطه… ومشينا على بونشاك الساعه 1:57م
    [​IMG]
    احنا كنا منسقين الرحله ومرتبين الايام واماكن الزياره والتنزه بس فجأه زوجي غير كل شي ونسق الرحله مع صديقه باندونيسيا لان زوجي غلط ماحجز الفنادق ولا الفلل ولا الطيران والباص من قبل مانسافر فتعب واخذ وقت ولولا الله ثم صديقه كان تورط بزياده الله يهديه ويصلحه ماياخذ بكلامي ابد كنت اوصيه وكل يو م اقوله أحجز من قبل نسافر لان من خلال قرايتي للتقارير كثييير يوصوا بالحجز قبل السفر بس هو رافض يقول لما نوصل هناك نحجز .المهم بالاخير هو تعب وندم .
    نمنا وصحينا وباقي ماوصلنا الساعه 3:07م زوجي يساله يقوله تعرف الجبل بونشاك ؟؟يقول ايه رايحين له بس هو بعيد مره وكل شوي يدق جوال ويكلم جات الساعه 6م وباقي ماوصلنا واضلمت الدنيا علينا زوجي سال السواق وش صار قال خبصت معليش انا رحت طريق ثاني ؟؟؟؟؟ويدق ويكلم مشيناها ومشينا وباقي ماوصلنا واحنا ننام ونصحى قمنا 7:56م زوجي ساله قال خلاص احنا ببونشاك نص ساعه ونوصل للفيلا ((السواق دلنا عليه جارنا وقالنا هو بيدبر لكم فيلا وجلس يمدح فيه))
    هذا المحل لفت انتباهي مادري هو فاكتوري اوليت اللي تقصدوووه ؟؟؟؟؟؟؟؟
    [​IMG] [​IMG] [​IMG] [​IMG] [​IMG] [​IMG]
    [​IMG]
    جعنا والبطن يصوصو كلمناه يشوف لنا مطعم وبعد ربع ساعه ودانا لمطعم اسمه النعيمه عطونا المنيو شفنا فيه جميع الاكلات العربيه طلبنا عشا ء برا سفري ب165.000روبيه انا ماعجبني منضر المطعم قلت ممكن اكله موحلو بعد؟؟؟؟؟؟
    [​IMG]
    شرينا من عنهم خبز ب15,000روبيه وتاخر العشاء ماجهز الا الساعه 8:15م
    السواق جابنا لعندهم لانه يعرفهم جلس يسلم عليهم ويسولف ويضحك .
    [​IMG]
    توجهنا للفيلا وقبلها مرينا على سوبر ماركت صغير حلو اسمه ALFA MARTشرينا ايسكريم –شطه (( ماعندهم شطه سايله رنا ابدا عندهم معجون سومطرا بس اللي يحب رنا يجيبها معه من السعوديه))-شيبسات-عصير –بيبسي –خبزكلها كلفت 120.000روبيه
    متواجد فيها كل شي ويوجد فيها خبز توست
    [​IMG]
    مواد تنضـــــــــــــــــــــيف انا اشتريت بالليمون قوي ينضف وريحته تهبل ثابته اخذت سايل للمواعين وصابون للملابس
    [​IMG]
    شبسات ادمنا الشبس الاصفر اللي بالجبن طعمه لذيييييييييييييذ
    [​IMG] [​IMG] [​IMG] [​IMG]
    مرينا التواليت دفعنا 1000روبيه ….دخول الحمامات بفلوس
    #
    الفيلا:GG4 كوتا بونقا
    وصلنا الفيلا الساعه 9:21م قابلنا الحارس لقيناه يكنس وينضف دخلنا ولقينا وحده شغاله اسمها سوسو عطتني رقمها وقالت لو تبي شغل تنضيف –كنس –غسل ملابس مواعين دقي علي انا بالفيلا المقابله اخذت رقمها ومشت .عطينا حميد فلوس المشوار500.000روبيه ونص من ايجار الفيلا150,000روبيه مع ان الفيلا ماعجبتني ابد ولا ارتحت فيها نبي ننام وبس تعبانين مرررررره حطينا العشاء واستغفر الله سيئ جدا جدا المصقعه كلها مويه-الرز يابس –السمبوسه زيييييييييييييت –الدجاجه يابسه . ماكلنا منه الاشوي والباقي رميناه. وبعدها نمنا الساعه 9:30 او 10 قبل انام ناضرت برا مع الشباك ضلاأأأأأأأأأأأأأأأأأأأأأم ولا نور بالشارع ولا بالفيلل وهدوووووووووء منضر مخيف جدابالقوه نمت .
    اليوم الثاني :الاحد26/6
    الساعه :8:20ص صحيت وجلست اتفحص الفيلا سيئه لابعد حد صغيره كلها حشرات- لايوجد غساله –الحمام غير نضيف ومليان حشرات والسخان على بطاريات ؟؟-الافرنجي مكسور-مزلاج الباب مسمار خخخخخ–الاثاث قديم والكنب مكسر-إلا الستاير ولحاف غرفة النوم جديده الضاهر ان تعمد ياخرنا عشان يضبطها التلفزيزن قنوات اندونيسيه لانها باين انها قديمه جدا ومااانسكنت لها مده من الزمن والادهى من هذا لما طلعنا الصباح مالقينا أي احد لا حارس ولاشغاله والدنيا ضباب ولا احد بالشارع ولاسياره ولادباب المكان مهجور……باين اننا انخدعنا ونصبوا علينا حسبي يالله عليهم
    [​IMG] [​IMG] [​IMG] [​IMG] [​IMG] [​IMG] [​IMG] [​IMG]
    الجزئيه هذي المفروض تكون حاطتها من امس بس الاب توب تعطل عندي وعلق وعصب وعنًد وشكله حالف علي مااحطها هههههههههه طفشني مرره وقفلته واليوم راح احطها استكمال للجزئيه اللي قبل ……
    المهم …….
    زوجي وبنتي صحيو الساعه 12:45 فطرنا و قال خلينا نطلع نشوف وندور الفلل ومنها نشوف لنا احد يدلنا على بقاله نشحن البطايق عشان ادق على صديقي ساكن باندونيسيا …….ومشينا ويامحلا الجو بااارد وهواء لطيف نضيف وجمال ومناضر اللي ترد الروح والخضره والاشجار والزهور واصوات العصافير واشكال الفلل واااو خيال وفيه فلل اوسع واحلا مره تهبل وهذا كله ماشفناه بالليل . الضاهر انه متعمد حسبي يالله عليه
    اترككم مع الصور
    [​IMG] [​IMG] [​IMG] [​IMG] [​IMG] [​IMG]
    [​IMG] [​IMG] [​IMG] [​IMG]
    مشينا ومشينا ومشينا ومازلنا نمشي وبالاخير لقينا حرمه ورجال على الدباب عايشين جو رومنسي وقفناهم سألناهم بالعربي وبالانجليزي عن سوبر ماركت مافهمو .ومشينا ولقينا حصلنا لفه ومشينا وحصلنا سكورتي حق الامن وجالس يتكلم ولافهمنا منه شي ولافم شي منا قلنا اطلعوا طلعنا معه وشكلنا غلط يضحك كننا سوينا مصيبه والناس يناضرون فينا المهم وصلنا لحديقه اوبحيرة فينيسيا شكلها روعه .هنا تذكرت تقرير احد لاخوان لما ذكر انه طلع الجندول ومدحها كثثثير حمسني لها .
    [​IMG] [​IMG]
    ولقينا واحد يتكلم عربي السكورتي اشر عليه وكلمناه وفهم علينا ودق على سواق وجاء وطلعنا معه وشرينا بطايق شحن ب105,000روبيه من محل قمه بالبساطه اهم شي يترزقون وناس رايحه وناس جايه شغالين مشاء الله شعب نشيط فعلا .
    كمان نبي نشتري افياش 3 فتحات للكاميرا والاب توب بالقوه حصلناها ب150.000روبيه. اذن العصر الساعه 3:15م وجلسنا ندور فيلا شفنا فلل كثييير اشكال والوان واحجام بس اكثرها مأجره وغاليه تعبنا واحنا نلف لان كان وقت اجازه

    التقطت بعض الصور
    [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG]
    لما ضلمت الدنيا دق زوجي على صديقه ودله على فيلا في بوقور وقله جهز اغراضكم وراح يجيكم سواق ينقلكم .جاء السواق وشلنا اغراضنا ومشينا وبالطريق قلنا السواق (((هذي الفلل اللي فوق بالجبل قديمه كهرباء ضعيفه و محد يسكن فيها بعيده عن الامن ومافيها حراس اش جابكم لها وحكينا له السالفه وجلس يتحسب يقول احمدوا ربكم ماصارلكم شي انتو مرره بعيد عن الناس الامن هذا نصب عليكم مايخاف الله وانا ايدي على قلبي خفت من كلامه وقلنا لو تبغو تسكنو اسكنو قريب من البحيره فينيسيا لان بيكون الفلل جديده وقريبه من الامن ومليانه سياح اكثرهم عرب وفيها حركه ناس رايحين جايين .
    وهنا انصح اي احد انه مايخلي السواق يوديه ويجيه على كيفه ولأماكن معينه هو يعرفها زي ماسوينا احنا انت قبل كل شي احجز الفيلا اللي انت تبيها وعارف مكانها وسامع عنها انها حلوه وفيها حركه وسياح واهم شي انها تكون قريب من الامن تبع المجمع وكمان لازم تكون عارف باسماء المطاعم وعارف جودتها واسعارها عشان ماتضيع فلوسك في شي سيئ لايستحق .
    رايحين بوقور
    شوفوا كيف مضلم

    [​IMG]
    الساعه 8 م وصلنا لبوقور ودخلنا الفيلا وكانت فيلتين جنب بعض اسمها فلل الجوهره سكنا بالدورالثاني لانه انضف وكمان خوف من الحشرات والوزغ الشلال جنبنا نسمع صوته فقط لكننا لانرى شيآ ضلام بها شرفه او بلكونه
    [​IMG] [​IMG] [​IMG]
    3غرف 2حمام صاله مطبخ قنوات عربيه الشي اللي يميزها وقوعها جنب شلال صغير وقربها من سفاري
    [​IMG] [​IMG]
    صوره من الدور الارضي
    [​IMG]
    يوم الاثنين :الحمدلله وبفضل من الله صحينا بعد نومه لذيذه هآدئه على الهواء النقي الطبيعي الساعه5:57ص صلينا الفجر وفطرنا الجو بااااااااااااااارد جدا جدا اصوا ت العصافير والشلال تملأ المكان والارض الخضراء تبهج النفس وتبعث النشاط لبدء يوم جميل .
    اترككم مع الصور
    [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG]
    الساعه 7:22بعد العشاء رحنا بقالة بريتانيا وشرينا منها اغراض ب300,000وبعدها رحنا فيلا الجوهره وشلنا اغراضنا وعفشنا وانطلقنا للفيلا بكوتا بونقا وصلنا وحطينا اغراضنا وسفطناها ونمنا الساعه 11:47م استعداد ليوم جديد .
    شغله مهمه جدالم اذكرها ببداية التقرير وهي حبة البركه الحمدلله هي السبب بعدالله اننا لم نمرض ولم نضطر الى اخذالادويه لان كل يوم الصباح ناخذ 7حبات ع الفطور ففوائدها جدا عظيمه.
    دعواتكم تعبت وهنا انهي التقرير اشوفكم علي خير ان شاء الله
     
    جاري تحميل الصفحة...
  2. ابوثامر Saudi Arabia

    ابوثامر مراقب عام

    إنضم إلينا في:
    ‏24 مارس 2015
    المشاركات:
    135
    الإعجابات المتلقاة:
    0
    أَعْجَبَ:
    0
    Dislikes Received:
    0
    نقاط الجائزة:
    16
    الوظيفة:
    مهندس
    الإقامة:
    المملكة العربية السعودية ( الشرقية)
    رد : رحلة بالتفصيل لبلاد الجمال الفاتن والطل اندونيسيا

    رحلة ممتعه جدا
    مشكور على التقرير


    ضروف العمل ابعدتنا عن المنتدى فتره