تجربتي اليوم في التقديم على التأشيرة البريطانية


اسعد الله مسائكم
من منطلق تقديم اقل شي تجاه ما تمت الإستفادة من هذا المنتدى

اعرض لكم تجربتي في التقديم على التأشيرة البريطانية

قبل اسبوعين كلمت المكاتب وقالوا لي نطلعها لك ب 900 اللي يقول ب 1200
قلت انا معي عقل واعرف اعبي النموذج
(148).gif
( قولوا ماشاء الله علي )

عبيت النموذج مع الشكر والتقدير لهذا المنتدى اللي استفدت منه في الخطوات
وحجزت الموعد واللي كان اليوم الصباح الساعة 9 ص

دفعت مبلغ 136 دولار رسوم الفيزا وحجز الموعد

توجهت اليوم الصباح لهم
الساعة 9 فتح المكتب الخاص بالتأشيرات البريطانية والاسترالية في زون A اتوقع
(90).gif


قبل الدخول شاف الامن الورقة الخاصة بالموعد
وختم عليها ودخلت

في الاستقبال الشخص دقق على الاوراق
من النموذج وكشف الحساب وتعريف الراتب

وعطاني رقم وقال مع الممر يسار او مكتب يسار ( لان حجزي سياحي مو درجة اولى
(47).gif
)

ما كان قدامي الا واحد وهي 3 موظفين يخدمون التأشيرة البريطانية
جاء الدور وجيت لموظف واخذ النموذج وكشف الحساب والتعريف وطلب صورتين وعطيته

وقال مستعجل والا عادي
المستعجل زيادة 780 ريال وفي 7 ايام يطلع
والعادي 3 اسابيع

قلت عادي وش انا مستعجل عليه
(88).gif


بعد ما قام يطقطق على الجهاز قال رساله يبقى زيادة 8 ريال قلت هاتها
وعطيته 8 ريال

وبعدها حط جوازي واوراقي في شنطة سوداء وقال تعال وراي
(49).gif

انا هنا قلت لا يقول مقابلة وانا ما ادري وش بقول

وداني لمكتب البصمة
واول ما دخلت قال شيل شماغ
(90).gif


وشلنا الشماغ وطالعت في الكاميرا اللي ف السقف مزروعه
(49).gif

وبعدها بصمة الاصابع كلها ثم صورة
وقال توكل على الله

انتظر الرسالة
(148).gif




بس هذي علومي وسلامتكم
(149).gif