فندق ( Abad-I New )جديد واقتصادي في طرابزون

الموضوع في 'فنادق تركيا' بواسطة نيفين, بتاريخ ‏12 سبتمبر 2015.

هوتيل فور ارب | Hotel For Arab

دليل ماليزيا

  1. نيفين

    نيفين Junior Member

    إنضم إلينا في:
    ‏5 سبتمبر 2015
    المشاركات:
    208
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    السلام عليكم ورحمه الله وبركاته
    أولا اشكركم جميعا على مساعدتكم ووقفتكم مع الجميع
    جزاكم الله كل خير ولا يحرمكم الجنة يارب..

    والحمدلله قضينا اجازتنا في تركيا وكانت من أجمل وأروع الأيام ( كانت رحلتي في بداية شوال )
    وطبعا أنا من عادتي دائما التخطيط مبكرا ( قبل موعد الرحلة ب 7 أو 8 شهور ) [​IMG]
    لكن هذه المرة وبعد حجز الطيران الدولي انشغلت مرررة وصارتلي ظروف ربي العالم فيها وماكنت أحصل وقت عشان اكمل حجوزات..
    ولمن رجعت اشيك طبعا كل شي ناااااار
    ومن ضمنها الفنادق في طرابزون شيكت ع النوفوتيل كان غالي ( تقريبا ما بين 900 و 1000 ) ريال في اليوم وبصراحة انصدمت مرة
    خاصة اني كنت ناوي أجلس ( 5 أو 6 ) أيام في طرابزون ... ورجعت أبغى احجز بهذا السعر لقيت الفندق فل ولا فيه مجال
    وكانت أغلب الفنادق فل... وحست في الفنادق كل مرة أحجز وألغي لأني مو مقتنع فيها وتعليقاتها سيئة.
    وكنت يوميا لازم أدخل واشيك.. وفي أواخر رمضان طلعلي فندق جديد في بوكينج وكنت متخوف منه ما اعرف موقعه ونظافته
    ومكتوب في بوكينج انه يبعد 1 كيلو عن المطار وشكله نظيف
    في بوكينج مكتوب اسمه Abad-I Nev 2
    لكن الفندق اسمه Abad-I New
    وبعد التفكير والاستشارة حجزت فيه ( خاصة انه معاي سيارة يعني قلت مو مشكلة الموقع )

    ولمن وصلت لطرابزون ارسلولي خريطة الموقع على الواتس اب وطلع موقعه في بوكينج خطأ..
    وكان موقعه قريب جدا من النوفوتيل على بعد كيلوين ونص تقريبا..
    مقابل فندق ساندال
    وبصراحة هو فندق صغير وبسيط مكون من 4 أدوار تقريبا وسعره رخيص
    لكن نظيييييييييف جدا وموقعه حلو بينه وبين الشارع العام تقريبا شارع أو شارعين يعني مو داخل في حواري
    من سلبياته ( مافيه مصعد وكانت غرفتي آخر دور بصراحة متعب وفطورهم بسيط ،،، مافيه صندوق أمانات أو ثلاجة بس ماكانت مشكلة بالنسبة لي)
    كان حجزي غرفة بسرير مزدوج مطلة ع حديقة وصلتهم العصر والمفروض غرفتي تكون جاهزة لكن كل شوي يقولون انتظر دقايق وانتظرتهم ساعة ولا فيه فايدة
    آخر شي عصبت عليهم لأني كنت تعبان وأبي ارتاح فدخلوني غرفة رباعية مطلة على البحر )
    وبعد يومين لمن رجعت الفندق من خرجتنا ما حصلت اغراضي في الغرفة ونزلت سألتهم قالولي انه الغرفة محجوزة لنزيل وبكرة موعد وصوله وانهم حطوني فيها لأن غرفتي كان فيها شخص وتأخر مرة في الخروج ورجعوني نفس الغرفة اللي حجزتها طبعا كانت مطلة ع مباني مو حديقة وأعطوني سرير لبنتي مجانا بدون رسوم..
    وبالنسبة للتوصيل من المطار طلبت منهم ( لأنه مكتوب في موقعهم مجاني ورحلتي الصباح بدري )
    واللي يوصلنا الظاهر راحت عليه نومه فطلبولي تاكسي على حسابهم [​IMG]

    وهذي صور للفندق ( طبعا اللي صورتها الغرفة الرباعية أما الغرفة الثنائية نسيت أصورها..

    [​IMG]



    [​IMG]




    [​IMG]




    [​IMG]



    [​IMG]



    [​IMG]




    وهنا صورة اللوبي

    [​IMG]