1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

رحلة الى لبنان

الموضوع في 'بوابة السفر إلى لبنان Lebanon' بواسطة نيفين, بتاريخ ‏14 سبتمبر 2015.

هوتيل فور ارب | Hotel For Arab

دليل ماليزيا

  1. نيفين

    نيفين Junior Member

    إنضم إلينا في:
    ‏5 سبتمبر 2015
    المشاركات:
    208
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    توكلت على الله وحجزت
    وكان مدة السفره 5 ايام مقسمه على 4 فنادق ووسيلة النقل هي سياره مستاجره

    اولا حجزت على طيران ناس وحصلت التذكره رخيصه جدا (600 ريال) رايح جاي بحكم الاوضاع الامنيه مافي طلب عالتذاكر لـلبنان

    وصلت بيروت تقريبا الساعه 11 ظهرا وحصلت مندوب مكتب التاجير ينتظرني واتجهت انا وياه للمكتب وسوينا الاوراق وخذيت السياره واتجهت على جونيه كنت حاجز فندق عن طريق بوكينج اسمه هوليود ان وصراحه الفندق ماعجبني
    ك ديكور ونظافه مقبول لكن خدمات سيئه والمكيف تعبان تتصل عليهم اسمع الكلام الحلو ع راسي وتكرم عينك ولا تشوف احد [​IMG] وللاسف ماصورت الفندق ولا اطلالته المهم ضبطت اغراضي وريحت شوي ورحت طلعت خط تلفون وعلى مطعم مانويلا واحلى غدا وهذي صوره من المطعم

    [​IMG]

    وبعدها رحت اخذ جوله في الجبل وصرت امشي يمكن حوالي ساعه على اساس رايح لبرمانه وضيعت وادخل في خطوط قشرا وضيقه

    [​IMG]

    بس صراحه المناظر حلوه وحصلت قريه فيها وادي وشلال وعجبني المكان صراحه للكن للاسف لا صورت لا الوادي ولا الشلال هه بس هذه صوره القريه

    [​IMG]

    وقفت السياره ونزلت اتفرج عالمكان طبعا القريه هادئه جدا والظاهر اهلها مسافرين مدري نايمين المهم مافي احد والمحلات مسكره واحصل فندق على النهر علطول وادخل وادور الاستقبال مافي احد
    يولد في احد وانا طالع ويدخل علي شايب يمكن عمره 80 سنه واشوف الغرفه قلت يمكن يجي على بالي واحجز عنده بكره صراحه مكانها حلو جدا ورخيص ونظيفه كلاسيكي نظامها خشب ورخيصه
    تقريبا 30 دولار الشايب يسال منوين وترى ما بعطيك الغرفه الا بالجواز لازم الجواز هه قلت ماهي مشكله اذا جيتك بجيب الجواز طبعا ماجيته لان المكان بعيد وماحوله خدمات ، طبعا بعد ماشيكت عالخريطه طلع محلي
    في منطقه اسمها الشاوية طريق حراجل فاريا مدري وش جابني لها [​IMG]،
    والحمدلله معي برنامج للجي بي اس عالجوال وحط الوجهه الفندق وحوالي ساعتين لين وصلته وتكيه عالبلكونه لساعه 1 ونومه وفطور بالفندق طبعا فطورهم متواضع جدا جدا وجهز غراضي وعلى برمانه


    [​IMG]

    وحصل فندق اسمه لو غريون وخذ غرفه مطله عالجبل احلى مافيه صراحه طلته خذيته ب 100 دولار وانواع التحقيق من العجوز الي برسبشن لووووحدك طيب مافي حدا بدو يجي لعندك وانا على نياتي هه قلت لا جاي لحالي شافتني مافهمت شي قالت شوف بنات ممنوع هههه قلت لا اعووز بالله انا واحد بتاع ربنا [​IMG] المهم هذي طلة الفندق رايقه جداا

    [​IMG]


    [​IMG]


    وصراحه مارحت ولاجيت لين طلعت من الفندق اللهم اروح اجيب اكل وارجع اتكي بالغرفه طبعا الفندق فاضي فيه حوالي خمسين غرفه مافيه الا انا وواحد عماني شايب معه اهله ..

    طبعا هنا وصلنا نهار اليوم الثالث واخذ اغراضي وعلى بحمدون ودخل فندق فور بوينت شيراتون انا اول واحد دخلته بعد افتتاحهم ومافي الفندق كله نزيل الا انا [​IMG]طبعاً الفندق يسكر بشتاء ويفتح بصيف والمواسم يوميه 130 دولار تقريبا

    وهذي صور من الغرفه والطله

    [​IMG]

    [​IMG]

    [​IMG]


    قمت من النوم وشغلت التلفزيون واقلب عالقنوات ومقتل 17 واحد في طرابلس وقطع طريق مدري وين يالله صباح خير المهم جلست فالفندق يومين وصراحه المنطقه مزعجه انواع الدبابات والشاحنات واغلب المحلات والمطاعم مسكره احلى مافيها الجو وهذا صوره مسجد قريب من عندي ناسي وش اسمه

    [​IMG]

    بعد اليومين ضبطت اغراضي النيه على بيروت بس قلت امر منطقه الشوف صراحه منطقه حلوه طبيعه رائعه لكن ماهي مخدومه سياحيا كفنادق ومطاعم المطاعم الي فيها عاديه غير انها مسكره ماعندهم زباين


    [​IMG]

    بعد ماخذيت جوله اتجهت لبيروت ورحت لفندق سيتي سويتز تقريبا يوميته ب 70 دولار مع انترنت فندق عادي جدا وغرفه ضيقه وهذي صوره للغرفه

    [​IMG]


    [​IMG]


    تكيت للعصر وبعدها رحت خذيت جوله حوالي الجامعه الامريكيه [​IMG] وبعدها على كورنيش المناره وقفت السياره ونزلت امشي شوي

    [​IMG]


    [​IMG]

    [​IMG]


    وبعد ماغابت الشمس عالفندق لبعد صلاه العشاء وقلت خلني امر السولدير طبعا الي راح لبنان اكيد يعرفه ويعرف الساعه الي يطوفون عليها[​IMG] لكن للاسف مافيه احد خلص موسم العمره استغفرالله هه

    [​IMG]

    صراحه كئيب المكان للي يعرفه بوقت عزه واركب السياره واخذ عشاء وعلى الشقه ونووووووومه لصبح وشيل اغراضي وعلى البتي كافيه وهذي صوره للروشه


    [​IMG]


    وكلها ساعتين وعلى المطار ومع السلامه لبنان وهذا وجهي ان جيتك مره ثانيه[​IMG]



    نصايح للي بيروح للبنان :
    1-بوقت غير المواسم لاتحجز من البوكينق الاسعار بالبوكينق اعلى من الرسبشن سواء بالموسم ولا غير لكن بالموسم الواحد وده ياكد الحجز عشان مايتورط.
    2-السياره لاتحجز من المكاتب العاديه او خارج المطار استاجر من المطار من شركه عالميه وافتك من مواترهم المكسره وحركاتهم النص كم وبهدلت اوراقهم.
    3-اسكن في بيروت واترك عنك التنقل جبالهم ممله خل سكنك في بيروت واذا نفسك تطلع للجبل اطلع ورجع متى ماتبي ورجع للفندق تحت.
    4-حاول تبتعد عن كورنيش الروشه كله نصابين ومتسولين واصلا الكورنيش سيء روح لكرونيش المناره احلى وانظف وممتع جدا وفيه حركه.
     

    جاري تحميل الصفحة...