التاريخ السورى

الموضوع في 'بوابة السفر إلى الدول العربية و الاسلامية الأخرى' بواسطة ابو فيصل 1, بتاريخ ‏26 سبتمبر 2015.

  1. ابو فيصل 1

    ابو فيصل 1 Junior Member

    إنضم إلينا في:
    ‏5 سبتمبر 2015
    المشاركات:
    335
    الإعجابات المتلقاة:
    0
    بدك تعرف ليش سمو سوريا "مهد الحضارات"... سوريا مليانة آثار : مدن قديمة - قلاع - جوامع و كنايس و معابد أثرية - أسواق و بيوت قديمة... و ما بيخلص الحكي عنها.

    الرحلة يللي طلعنا فيها انا و العيلة كانت رائعة... هالمرة ما اجينا صيفنا، بالعادة منروح على مناطق اصطياف متل صافيتا و بلودان و الوادي.
    هالمرة قررنا نشوف آثار سوريا.. لأنو كل مرة حدا بيقلنا بلدكون "مهد الحضارات" او بيقولو "مليانة آثار من كل حضارات العالم" و نحنا اهل البلد مو شايفينا.. قررنا ننزل عسوريا اجازة عائلية هالمرة و نعمل سياحة أثرية...

    الشام و كل شي حواليها: صيدنايا - معلولا - شهبا - بصرى - و طبعا سوق الحميدية. سهرنا انا و بقية صبايا و شباب العيلة سهرة كتير حلوة بمطعم بالشام القديمة.

    حمص و الوادي يللي حواليها: قلعة الحصن و دير مار جرجس و وصلنا بعدين على افاميا و كفينا عطرطوس لنشوف جزيرة ارواد و عمريت - يللي صرلون بحسب ما قالو 3 سنين عم ينقبو فيها - وتغدينا بصافيتا - ويا الله ما احلى صافيتا - وبعدين رحنا لنزور حصن سليمان، وعاللادقية.

    اللادقية: قضينا عالبحر يوم من العمر و سهرنا عالشط و بعدين كفينا على حلب - شو بدي احكي عن حلب: زرنا الاسواق و القلعة و الخانات القديمة و الجامع الكبير. والسهرة كمان كانت حلوة بحلب القديمة.
    تاني و تالت يوم كمان قضيناهون بحلب، طلعنا على ايبلا و معرة النعمان و عين دارة و المدن المنسية. متعبة بس تجربة حلوة.
    المهم وقت وصلنا على تدمر شفنا كل الآثار و تغدينا بالاوتيل و المسا تعشينا بالخيمة. الاجواء كتير حلوة بالخيمة و رقصنا و دبكنا لوش الصبح. كان مليان اجانب بتدمر متل العادة
    بس ما بتخلص الآثار شو ما شفنا... بحسب الموقع يللي اجينا عن طريقو هي كانت افضل مناطق و احلى مواقع أثرية لزيارة اسبوع واحد...

    بعد الاسبوع "الأثري" اخدنا 3 ايام اصطياف.. و طبعا طلعنا على البحر لأنو ما شبعنا منو باللادقية. و الغدا كان بكسب و خلصت زيارتنا و كانت من رحلات العمر

    كل اللي تاركين سوريا و مغتربين: يا جماعة بلدكون بيجنن تعو شوفوه...لا تخلو حدا يحكيلكون عنو، انتو حكو للعالم عن سوريا "مهد الحضارات"​
     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • المسافرون العرب العرب المسافرون السياحة في جورجيا المسافرون العرب منتدى المسافرون العرب المسافر السياحة في تركيا السياحة في دبي عروض سياحية hglshtv المسافرون العرب تركيا لنكاوي السياحة في البوسنة السياحة في الفلبين البوسنة سياحة السياحة في اسبانيا السياحة في المغرب السفر الى تركيا السفر الى جورجيا شركة المسافر السياحة في جورجيا السياحة في ماليزيا منتدى المسافر جورجيا سياحة مسافرون العرب السياحه في تايلند
جاري تحميل الصفحة...