1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

تقرير مصور انطاليا سحر الجنوب التركي

الموضوع في 'تقارير السياحة فى تركيا' بواسطة menna, بتاريخ ‏18 يونيو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    اسطنبول ذات الوجهين
    اقدم لكم هذه الرحله المتواضعه للجميله انطاليا الساحره الجنوبيه واسطنبول الباهره ذات الوجهين الاسيوي والاوروبي
    في شهر 9 من هذا العام 2010 كانت وجهتي مع احد الاصدقاء الى تركيا لمدة اسبوع قسمت كالتالي :
    6 أيام في انطاليا .. يوم واحد في اسطنبول قبل العوده الى الكويت لانها لم تكن في الحسبان لكن لظروف الحجز والطيران قررنا ان نحجز ليله واحده في اسطنبول …
    ملاحظه : اي شخص يريد ان يستفسر عن تذاكر الفنادق والطيران واجار السيارات وماخلافه يرجى وضعه في الردود .. لانني وبكل أسف ماسجلت الامور هذي على اوراق ولاشي .. اقط وامشي لكن ان اسعفتني الذاكره فمالكم الا طيبة الخاطر ماراح ابخل عليكم بأي شي اعرفه ان شاءالله
    الكاميرات المستخدمه في الرحله :
    نيكون D300
    كانون D10 Waterproof
    بداية الرحله ولحظات الانتظار في مطار الكويت الدولي استعدادا للرحله واحتساء القليل من الهوت جوكليت ويالها من لحظات جميله تبتعد فيها قليلا عن الروتين اليومي للعمل
    والـ والـ والـ …. ما أطول عليكم وبرجع اتكلم بالعاميه
    [​IMG]
    ركبنا الطياره وعلى متن طيران الجزيره الله يخليه لنا ان شاءالله ويديم الرخص دايم الدوم يارب طارت فينا الطياره من مطار الكويت الدولي متجهه الى مطار صبيحه في اسطنبول
    وهناك في مطار صبيحه التركي ركبنا على متن الخطوط التركيه للذهاب الى مطار انطاليا بـ 27 دينار رايح راد
    [​IMG]
    صديقي يضحك اخذ الامور ببساطه واستانس لما وصلنا بحمد الله ورعايته الى مطار صبيحه [​IMG]
    وبعد ساعه وربع من ركوبنا الطيران التركي متجهين الى انطاليا وصلنا ولله الحمد الى مطار انطاليا من مطار صبيحه في اسطنبول واجرنا سياره من مطار انطاليا واتجهنا بعدها الى فندقنا
    Hillside Su
    واللي حجزناه عن طريق النت عن طريق موقع بوكينغ Booking.com
    فكان نعم الاختيار ولله الحمد اعطيه تقييم 9.5/10
    واخليكم الحين مع بعض الصور للفندق
    [​IMG]
    الفندق من بره صوب حمام السباحه
    [​IMG]
    اللوبي مال الفندق …
    في شغله اول مره اشوفها الصراحه في الفنادق باللوبي مو حاطين كراسي او قنفات للانتظار لا حاطين سراير ياجماعه [​IMG] اهو مثل السرير تبي تنسدح تبي تقعد تبي تنشكح كيفك مالهم شغل فيك
    مثل ما اهو مبين بالصوره وحاطين لكم مخاد عشان تتسدحون عليها [​IMG]
    [​IMG]
    منظر اللوبي من تحت للاعلى
    والحين نروح للغرفه
    [​IMG]
    الغرفه سلمكم الله مافيها الا لونين الابيض والاحمر [​IMG]
    وكل شي حاطين لك بالغرفه لزاق جروح سيديات فاضيه يمكن تنسخ لك شي غير الاكل والكاكاو اللي حاطين امواس حلاقه شفرات قلاصات برايات اقلام كل شي يخطر على بالك تلاقيه موجود بالغرفه
    والحين اطلالة الشرفه خنشوف الاطلاله على وين
    [​IMG]
    فندق الشيراتون جيراننا
    ويمنا على طول نطل على الاكوابارك اللي يم الفندق ايضا من مميزات الفندق انك تدش الاكوابارك ببلاش
    نروح لمطعم الريوق يعني الفطور .. ماشاءالله المطعم كبير بشكل كبير ماتتضايق بالاماكن ولا تحاتي ماتلاقي مكان كلش واطلالته جميله
    واللي يخدمونك رايحين رادين عليك … والأحلى من هذا كله انهم ولايوم اسالونا عن رقم غرفتنا [​IMG] بس لاتخافون حاجزين الغرفه مع الريوق عشان لاتقولون ماكلين بلوشي [​IMG]
    يعني يمكن احد تسول له نفسه ويسويها ويجكونه ترا مالي شغل بعدين [​IMG]
    [​IMG]
    ذكريات يا هالمطعم
    [​IMG]
    اول مره مالقيت اومليت قزرتها على التوست والجبن والمرتديلا بعدين جان اطيح على الاومليت وصار ريوقي المفضل [​IMG]
    يازين اومليتهم
    بعدين سلمكم الله تعالوا نشوف الحمام السباحه والبحر والشاطئ الخاص في الفندق واللي يطردون اي واحد غريب يدش هالشاطئ بس شاطئ خاص للفندق
    [​IMG]
    حمام السباحه
    [​IMG]
    الطريق الى هناك
    الصراحه مو متعود في سفراتي السابقه ان اصور الفندق اللي اسكن يمكن بس صوره او صورتين وخلاص لكن هالفندق اجبرني ان اصور اكثر الاماكن فيه لجماله وخدماته اللي تقدم لك
    عاد سلمكم الله توني ماخذ كاميرا كانون D10
    تصور تحت الماي وضد الماي فقلت بجربها وهذي نتايجها لله الحمد زينه زينه انصحكم فيها [​IMG]
    [​IMG]
    صديقي ذكرني بالمارد اللي كان محبوس بالقمقم مع سندباد … ها بشر شلون القعده تحت الماي زينه ؟؟ [​IMG]
    يالله نروح البحر
    [​IMG]
    [​IMG]
    هذيل للتأجير اذا مالك خلق تاجرهم وتتمشى في الممشى المحاذي للشاطئ لأنه شوي طويل الممشى فاذا مالك خلق تاجر وتروح وترد
    [​IMG]
    وهذا الممشى اللي على الشاطئ
    وهذا البحر مالهم
    [​IMG]
    وتهور صاحبنا وطب على ويهه … يقولك من الوناسه ووده يتسبح ببحر نظيف طب على ويهه [​IMG]
    يالله وانا وراه
    [​IMG]
    شوي راسك يالطيب … الحبيب مسوي خوش تان
    من قوة الماي مالهم ماشاءالله قام يحذف على اليال يمين ويسار مو قادرين ناخذ راحتنا المايه حاميه عندهم شوي
    معركه مع الماي طقني واطقك [​IMG]
    ومن قوة الماي لقينا هالمسكينه
    [​IMG]
    سمجه تطالعني بنظره جنه مو عاجبها الوضع [​IMG]
    والحين اخليكم مع بعض الصور للشاطئ وراجع لكم
    [​IMG]
    [​IMG]
    حمام السباحه مساءا
    [​IMG]
    هالكيكه سلمكم الله فاجئوني فيها الفندق صادف بالرحله يوم ميلادي بنفس الوقت اللي كنت فيها بانطاليا
    فماتوقعت كلش انهم يذكروني بهاليوم يزاهم الله خير … والصراحه كانت خوش كيكه قضي عليها عن بكرة ابيها [​IMG]
    وبجذي خلص الجزء الخاص في اول يوم بالفندق والتعرف عليه شفيه مافيه [​IMG] فهل من متابعين لتكملة المشوار ؟؟
    وان شاءالله الجزء القادم راح يكون في جوله في انطاليا وغيرها من الاماكن
    ونروح لمدينة كيمير اللي تبعد عن انطاليا تقريبا 40 كيلو من فندقنا … مدينه صغيره وجميله كل شي فيها قريب من بعضه فيها شاطئ جميل وبالقرب منها منطقة شاليهات كيمير يأجرونهم بعد للي حاب يأجر شاليه خاص فيه بروحه مع اهله [​IMG] ويمها ايضا شاطئ بيلدبي ومدينة غوينوك وهي صغيره ايضا وتعتبر ريفيه وعلى امتدادها شاطئ وفندق كوين اليزابيث اللي على شكل سفينه كبيره
    وراح نقضي اليوم كله في مدينة كيمير ونركب التيليفريك مالهم اللي يوديك على ارتفاع 2365 متر ويعتبر حسب ماقريت انه ثاني اكبر تيليفريك بالعالم عاد صج جذب الله اعلم
    وقمنا في الصباح الباكر لنقضي اليوم كله في كيمير
    اكمل معاكم اليوم الجزء الخاص برحلة الشلالات في مدينة انطاليا وهي 3 شلالات رئيسيه :
    1- شلالات دودان : واحداثياتها بالجارمن كالتالي (N 36°57.892′ E030°43.589′)
    2- شلالات كورشينيليو : احداثياتها (N 37°00.190′ E030°49.053′)

    3- شلالات مانافجات : احداثياتها (N 36°48.788′ E031°27.221′)
    [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG] [​IMG]
    Advertisement 728
     
    جاري تحميل الصفحة...