أماكن سياحية لازم تقعد في قلب المدينة، والنهارده معانا هوستيل/ بنسيون رخيص ومكانه ممتاز وهو "كايرو إن – Cairo In

الموضوع في 'بوابة السفر إلى مصر Egypt' بواسطة menna, بتاريخ ‏11 يوليو 2016.

  1. menna

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    2

    {$title}

    القاهرة تعتبر من أكبر المدن، وبـ تضم كثير من الحاجات اللي تتشاف وتتعمل، وساعات علشان تحقق أقصى استفادة من زيارتك، لازم تقعد في قلب المدينة، والنهارده معانا هوستيل/ بنسيون رخيص ومكانه ممتاز وهو "كايرو إن – Cairo Inn".

    كايرو إن يجمع بين طابع البنسيون والبيت، وبـ يقدم غرف مريحة، نظيفة مع حمامات واسعة ووجبات إفطار لذيذة بـ توصل لك لحد غرفتك.

    سواء كنت وصلت من مدينة مصرية ثانية أو من بلد أجنبية، "كايرو إن" هـ يحقق كل طلباتك، لو وصلت في المطار، فريق موظفينهم اللطيف هـ يرتب مع أحد السائقين يقابلك في صالة الوصول ويوصلك للهوستيل من غير أي تكلفة إضافية، النقطة الوحيدة أنك لازم تحجز ثلاث ليالي على الأقل.

    رحب بنا رجل مصري طيب عجوز بـ يتكلم إنجليزي وشرح لنا عدد من المشاهد خلال المشوار اللي استغرق عشرين دقيقة للهوستيل، وبعدها ساعدنا في تنزيل الشنط.

    موقع "كايرو إن" يعتبر هائل لكل محبي المعالم السياحية واستكشاف الثقافة المصرية، المتحف المصري مافيش بينه وبين الهوستيل كام دقيقة، ده غير نهر النيل الرائع وعدد كبير من المطاعم، البارات والكافيهات اللطيفة. لو حبيت تطلع بعيد عن وسط البلد، القاهرة فيها أنواع مختلفة من المواصلات، ما بين خطوط مترو، باصات وتاكسيات، وتقدر تستفسر عنها من العاملين في كايرو إن.

    الموظفين في كايرو إن بـ يتغيروا على مدار الأسبوع، لكن الحقيقة أن كلهم مهذبين وودودين ومستعدين يساعدوا النزلاء بكل الطرق الممكنة، مجموعتنا كانت مكونة من أربعة أفراد وكنا حاجزين غرفة مفردة وغرفة ثلاثية، وبعد وصولنا بدقائق قليلة كنا فيهم، وقت لما حجزنا من على موقع www.hostelworld.com، سعر الليلة للغرفة المفردة كان 100 جنيه والثلاثية سعرها 150 جنيه.

    الغرفة نفسها كانت أجمل بكثير من توقعاتنا اللي بنيناها على الأسعار القليلة، الغرف كلها مكيفة، واسعة وديكوراتها تشبه أي بيت مصري تقليدي بأباجورات صغيرة، مفارش سرير عليها ورود وصور معلقة على الحوائط. السراير مريحة وكبيرة، لكن المفارش كانت لها رائحة مسك غريبة شوية. من الإيجابيات كمان وجود تليفزيون فلات كبير متعلق في كل غرفة، مع عدد كبير من القنوات العربي والإنجليزي.

    الغرفتين بتوعنا فيهم حمامين مزودين بدش فيه دائمًا مياه ساخنة، ده غير عدد من الفوط الملوّنة مترتبة بشكل شيك مع صابون وشامبو في جهاز الصابون السائل، المميز في المكان عن باقي البنسيونات هو الذوق العام للمكان ككل، زي الستائر ومفارش السرير المزينة برسومات الورد، فوط الحمام باللون الوردي، الأخضر والبنفسجي مع الصابون السائل وكمان البلكونات المجهّزة بترايزة وكرسيين مريحين بنفس تصميم الورد اللطيف، الموضوع ده عجبنا جدًا لأننا قدرنا نستمتع بوجبة الإفطار في البلكونة المطلّة على ميدان طلعت حرب.

    بالنسبة لنظافة كايرو إن، فيه سيدة كبيرة لطيفة مسئولة عن تنظيف الغرف كل يوم، وبتغير المفارش والفوط عند الطلب، ميزة ثانية بـ يقدمها كايرو إن وهي الإفطار المجاني كل صباح واللي ممكن يوصل لغرفتك، أو لو حبيت تختلط مع الزوار الثانيين وقتها ممكن تفطر في البلكونة الموجودة في الغرفة المشتركة. الإفطار هناك صحّي ولذيذ، ويحتوي على أكل يساعدك على رحلتك الطويلة طوال اليوم في القاهرة، الوجبة تتكون من أربع شرائح توست، جبن مثلثات، زبدة، مربى، زبادي، طبق كورن فليكس معاه شوية لبن دافئ ومشروب من اختيارك من بين قهوة، شاي أو عصير.

    أخيرًا، لازم تعرف أن كايرو إن بـ يقدم خدمات ثانية خارج البنسيون منها مكتب لخدمات السياح يقدر زوارهم عن طريقه حجز رحلة لزيارة أهم معالم مصر السياحية بـ تشمل زيارة الأهرامات وتكلفتها 200جنيه، عندهم كمان باقات لرحلات الأقصر وأسوان بـ تكون من تنظيم كايرو إن وتكلفتها 350$؛ السعر شامل الإقامة في فندق، السفر والجولة نفسها.

    أكثر عنصر سلبي في كايرو إن هو في الوقت نفسه أكبر ميزة، صحيح مكانه في قلب القاهرة يعتبر ميزة هائلة، لكن اعمل حسابك أن أوقات الإزعاج بـ يكون رهيب، خصوصًا أوقات الذروة المرورية.
     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • المسافرون العرب العرب المسافرون السياحة في جورجيا المسافرون العرب منتدى المسافرون العرب المسافر السياحة في تركيا السياحة في دبي عروض سياحية hglshtv المسافرون العرب تركيا لنكاوي السياحة في البوسنة السياحة في الفلبين البوسنة سياحة السياحة في اسبانيا السياحة في المغرب السفر الى تركيا السفر الى جورجيا شركة المسافر السياحة في جورجيا السياحة في ماليزيا منتدى المسافر جورجيا سياحة مسافرون العرب السياحه في تايلند
جاري تحميل الصفحة...