1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

أماكن سياحية ملاذ أخضر فى مدينة نصر:الحديقة الدولية

الموضوع في 'بوابة السفر إلى مصر Egypt' بواسطة menna, بتاريخ ‏12 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    [​IMG]


    أى واحد قضّى وقت ولو قليل فى القاهرة ما يقدرش ينكر أن المدينة ساعات بـ تكون متعبة شوية. ومع كل المواصلات والتلوث اللى بـ تزحف فى كل ركن، المدينة بـ تبلع أى حاجة لونها أخضر.

    الحديقة الدولية الموجودة فى أزحم مكان فى مدينة نصر، الحى السابع، تعتبر مثال لحديقة مش زحمة طوال السنة زى أماكن ثانية مشهورة منها حديقة الأزهر. تسميتها بـ "الدولية" علشان فيها حيوانات ونباتات من أماكن مختلفة زى الأرجنتين، والسعودية، والإمارات وحتى الصين. هـ تلاقى مدخل واحد عليه أعلام الدول اللى موجودة فى الحديقة اللى بـ تملكها وتشرف عليها الدولة.

    مع المساحة الواسعة الهادئة، المكان له مميزات كثير، اللى لما تكتشفها تستغرب إزاى المكان ما يكونش زحمة طوال اليوم.

    مكانها مباشرة جنب مول وندر لاند، والبوابة المشتركة بـ تخليك تدخل من المول على طول. المكان فعلاً مناسب جدًا علشان تقضّى اليوم فيه. بـ يفتح من الساعة 9 الصبح لحد الساعة 11 بالليل. تقدر تجيب معاك بطانية للرحلة وساندويتشات علشان تستمتع بالمنظر الرائع وقت الغذاء على النجيل الطبيعى. كمان هـ تلاقى كافيتريات فيها أماكن للقعدة وأكشاك صغيرة للمشروبات والوجبات الخفيفة. إضافة لكل ده مع مول وندر لاند، فيه مطاعم الوجبات السريعة هـ تكون خيارات ثانية للغذاء كمان.

    التمشية فى الممرات الواسعة فى الحديقة هـ تخليك تحس بالهدوء والسكينة وأنت بـ تستكشف المكان. أحيانًا ممكن تعمل كده وأنت راكب قطار الحديقة اللى بـ يلفها فى حوالى ربع ساعة. الاختيار ده ممكن ما يبقاش ممتع قوى علشان الدوشة، ده مع صوت العجلات المزعجة، القطر بـ يكون مفضل للشباب الصغيرين خصوصًا لو كانت رحلة مدرسية.

    لما نتكلم عن وسائل الترفيه، الحديقة الدولية واضح أنها محتاجة شوية اهتمام. فجأة ما نعرفش طلع لنا من فين، لاقينا مسرح، لكن حماسنا راح بسرعة لما عرفنا أن المسرح اللى تذكرته بـ 2 جنيه مش بـ يستضيف حفلات خلاص.

    نفس الكلام ممكن نقوله على حديقة الحيوان المصغرة، هـ نلاقى أقفاص فيها طاووس جميل ونعام أفريقى وطيور شكلها غريب، واضح من كومة الحجارة أن الحيوانات المسكينة مش بـ تشوف زوار كثير.

    رغم كده، داخل حديقة الحيوان، متحف صغير مثير جدًا فيه حيوانات مُحنطة وهياكل عظمية لحيوانات زى شيتا من أمريكا الجنوبية وسحالى وثعابين آسيوية عملاقة تقدر تفترس ضحية ثلاث أضعاف حجمها. رغم أن المتحف صغير شوية، كأنه مدخل ضيق، بس هـ نشوف معلومات مفيدة مكتوبة عند المعروضات.


    ومع أنه مهم جدًا أنك تدور وتشوف العظام والأجسام الباقية من الكائنات العتيقة دي، إدارة الحديقة شافت أنهم لما يحطوا موسيقى مقبضة ومخيفة هـ تكون إضافة للحالة الموجودة فى المكان.

    بعد خروجنا من قطار الرعب المسلى، اللى عبارة عن خيمة مظلمة وماسكات مخيفة بـ تظهر فجأة وأصوات ضحك رديئة متكررة، صوت المؤثرات الصوتية كان مسموع من أمتار. لو كنت خايف أنك تدخل المكان ده لوحدك، يبقى التطمينات من الناس اللى شغالة أن ما حدش هـ يلمسك مش هـ تخليك تغير رأيك.

    بعيدًا عن الحديقة الدولية فى مدينة نصر، وحديقة الطفل فى شارع مكرم عبيد، القاهرة محتاجة قوي لمساحات خضراء مع زيادة السكان والزحمة. الحديقة الدولية فعلاً تستحق زيارة لو بـ تدور على فسحة ممتعة ومريحة مع عائلتك أو مع مجموعة كبيرة.

    من السهل جدًا أنك تتوه فى الحديقة الدولية وما حدش هـ يضايقك أو يحاول يبيع لك حاجة وأنت بـ تتمشى فى الحديقة، ودى حاجة حلوة. لو الحديقة قريبة منك، هـ تكون مكان مناسب جدًا علشان تخلص فيه شغلك أو تقرأ كتاب تحت ظل شجرة.
     
    آخر تعديل بواسطة المشرف: ‏12 يوليو 2016
    جاري تحميل الصفحة...