1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

مطاعم ومقاهي جارز & جاز - Jars & Jazz

الموضوع في 'مطاعم مصر' بواسطة menna, بتاريخ ‏12 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    [​IMG]
    267 - شارع الجيش
    ستانلي, الأسكندرية, مصر.
    عالمي


    أكيد كلنا بنحب التغيير وبنحب لما نخرج نروح مكان مختلف عن المعتاد... طيب إيه رأيكم في مكان لما تقعدوا فيه وتبصوا حولكم تلاقوا برطمانات برطمانات!... ده اللي إحنا لاقيناه في كافيه "جارز & جاز - Jars & Jazz" وهو ستايل مختلف عن غيره من الكافيهات خاصة أنه بـ يقدم منيو أمريكي وكمان جديد في طريقة التقديم، وأهم حاجة بتميز المكان موقعه لأنه موجود على البحر أمام كوبري ستانلي على طول وطبعًا ده موقع رائع لكثير من عشاق بحر إسكندرية.

    أول ما دخلنا الكافيه حسينا أن مساحته صغيرة لكن عبارة عن دورين، وكان موجود في المدخل مجموعة من المنتجات والشوكولاتات المعروضة من الأنواع اللي نادرًا ما بنلاقيها في الماركت العادي لكن الكافيه بيوفرها وبيبعها لزواره، قررنا أننا نقعد في الدور التاني اللي طلعنا له بسلم من الحديد، وطبعًا اختارنا ترابيزة يكون المنظر أمامنا هو كوبري ستانلي والبحر.

    لاحظنا أن اللون الغالب على حوائط الكافيه والكراسي والترابيزات هو الأبيض والأسود، وأن كل اللمبات اللي موجودة في السقف على هيئة برطمانات، ولما سألنا العاملين في الكافيه قالوا لنا أن المكان ده استوحى فكرته من جنوب أمريكا "نيو أورليانز" في الديكور والأكل، وفعلاً لقينا مرسوم على واحدة من الحوائط صورة بنت أفريقية بتعبر عن الأصول الأفريقية لجنوب أمريكا وكمان بتعبر عن موسيقى الجاز في ستايل الشعر والماكياج، وكان مكتوب على حائط تاني مجموعة كبيرة من الكلمات بلغات مختلفة زي الإنجليزي والفرنساوي والأسباني والإيطالي.

    طلبنا المنيو اللي استغربنا شكلها جدًا أول ما شوفناها لأنها مختلفة تمامًا عن المنيوهات المعتادة، فهي على شكل صفحة جرنال واحدة وبنفس الحجم ومكتوب عليها كل الأطباق، كل أسماء الوجبات جديدة ومختلفة.

    بيقدم الكافيه وجبات للفطار بتتكون من البيض الأومليت، والفرينش توست، والكرواسون، والبيف بيكون (32: 58 جنيه)، نيجي بقي للتسخين Warm-up اللي هي عبارة عن الشوربات زي شوربة الجزر والبصل والطماطم (سعرها 36: 38 جنيه)، والسلاطات اللي اسمها From the Garden وأسعارها (40: 55 جنيه)، والأطباق الجانبية اللي اسمها Munch Around وهي عبارة عن بطاطس أو سبانخ أو سوسيس (19: 46 جنيه)، ولاحظنا أسماء الساندويتشات المختلفة Big Mouth Sandwiches زي فراخ المسيسبي، الساندويتش الكوبي، ساندويتش Po'boy ده غير الهامبرجر اللي بـ يقدموه بأشكال مختلفة (من 70: 85 جنيه)، بالنسبة بقى للأطباق الرئيسية Southern Feasts اللي بـ تتكون من أطباق فراخ، وأسماك وجمبري، ولحوم، وتونة، وأرز وباستا (65: 210 جنيه)، طبعًا ده غير جزء الحلويات Sweet Conclusion زي كيكة الجزر، الأوريو، التشيز كيك، والآيس كريم (32: 34 جنيه)، والمشروبات السخنة والساقعة (15: 35 جنيه).


    احتارنا شوية في الاختيار، بس في الآخر قررنا نطلب ساندويتش فراخ المسيسبي وهو عبارة عن فراخ مشوية متقطعة مربعات صغيرة معاها شرايح بصل وقطع صغيرة من الفلفل الأخضر والأحمر وأنواع جبنة مختلفة وصوص البيستو، كانت الفراخ مستوية كويس وكميتها كبيرة في الساندويتش، كمان المكونات كلها كانت كميتها مضبوطة، قُدم لنا على صينية من الخشب ومعاه برطمان فيه بطاطس محمرة وكانت معمولة بالطريقة البيتي العادية وبرطمان صغير للكاتشب (70 جنيه).

    طلبنا كمان طبق اسمه Nuclear Potato Wedges بـ (34 جنيه) عبارة عن بطاطس معاها صلصة فلفل حار وفلفل أخضر حار وجبنة أمريكية، بس كانت كمية الجبنة كتيرة على البطاطس وده خلى الطبق دسم شوية، وشوربة جزر بالتوابل (36 جنيه) قوامها كان حلو وتوابلها مضبوطة، وفكرتنا كثير بشوربة العدس، وكان معاها شريحتين من العيش المحمص عليه قطه جزر وفلفل أخضر وجبنة سايحة، الأكل ما اتأخرش خالص جاء لنا بعد ربع ساعة تقريبًا، وكان طعمه حلو ومختلف وده طبعًا بسبب الصوصات والتوابل وكانت كميته كبيرة يعني تاكل لحد ما تشبع.

    وعلى الرغم أننا كنا شبعنا لكن كان لازم نجرب حاجة من الحلويات، فقررنا نطلب أخف حاجة آيس كريم فانيليا وعليه صوص شوكولاتة وجاء لنا في برطمان طبعًا (32 جنيه)، وكمان لما طلبنا عصير ليمون (18 جنيه) وIce tea (35 جنيه) كانوا برضه متقدمين في برطمانات بس الميزة أن كميتهم كانت كبيرة، حتى لما جابوا المياه كانت الكوبايات هي البرطمانات، وطبعًا طول ما إحنا بناكل بنسمع موسيقى جاز.
     
    جاري تحميل الصفحة...