مطاعم ومقاهي أكالا - AKALA

الموضوع في 'مطاعم مصر' بواسطة menna, بتاريخ ‏13 يوليو 2016.

  1. menna

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    2
    عادتنا كمحررين المسافرون العرب بـ نحب نكتشف الأماكن الجديدة، فـ تخيلوا بقى حجم سعادتنا أول ما عرفنا أن في Courtyard فتح في المعادي، سعادتنا كانت مش طبيعية لأن ده معناه أن هـ يبقى فيه أماكن كثيرة نجربها متجمعة في مكان واحد، وقلنا نبدأ بمكان مختلف فاتح من فترة وبـ يتميز أنه عنده أكثر من مطبخ في المنيو بتاعه، بدأنا بمطعم أكالا - Akala واللي له فرع ثاني في هليوبوليس.

    أول ما بـ تدخل المكان بـ تطلع سلالم للدور العلوي وبـ تلاقي المكان مقسم لقسمين: قسم داخلي في التكييف وقسم خارجي في الهواء الطلق، طبعًا إحنا كان نفسنا نفضل في التكييف بس للأسف كان عددنا كبير والمكان كان صغير، الديكورات في المكان كانت حلوة قوي ومتناسقة من لوحات زخرفة إسلامية منورة وإضاءة منخفضة، والديكور كان بـ يميز بالبساطة بشكل عام، أما المنيو فكان متنوع ما بين برجر وأكل لبناني من مناقيش ومشويات، ومكرونة إيطالية، فـ حبينا نجرب على قد ما نقدر حاجات مختلفة.
    {$title}
    بدأنا بشوربة طماطم بـ 15 جنيه، وهي ما كانتش حسن شوربة طماطم أكلناها في حياتنا بس كانت معقولة، مشكلتها أن الطماطم ما كانتش متصفية كويس فـ بتحس بعصارتها في الشوربة، وكان ناقصها حبة توابل، بعد كده طلبنا Sweet Chili Shrimp بـ 50 جنيه، الجمبري كميته كانت معقولة ومتحمر كويس المشكلة الوحيدة كانت في الصوص اللي مالوش أي علاقة بالسويت شيلي، الصوص كان مالوش قوام وأشبه بالمياه بس لونها أحمر بالتأكيد كان محتاج طعم أكثر من كده.

    كمان طلبنا Mexican Spring Rolls بـ 42 جنيه، ودي تعتبر الاختراع الوحيد اللي كان طعمه تحفة وممتع لأقصى درجة، وننصح به لهوات الأكلات الحراقة، جاء لنا طبق كبير مليان حوالي 7 أو 8 سبرينج رولز جواهم خلطة مكسيكية حراقة جدًا وفي النصف فيه صوص زبادي علشان يبرد الحريقة اللي ولعت في فمنا بعد ثاني قضمة.

    ندخل بقى في الأطباق الرئيسة طلبنا Lemon Butter Chicken بـ 58 جنيه، والحقيقة أننا وقعنا في غرام طريقة التقديم اللي كانت في طاسة تيفال، وبـ يُقدم معاه أرز وبطاطس أو بطاطس بيوريه وخضار بـ تختار 2 بس منهم، وإحنا اختارنا بطاطس وأرز، البطاطس كانت مضبوطة تمام لا مزيتة ولا نصف سواء بالعكس مقرمشة من بره وطرية من جوه، المشكلة كانت في الأرز اللي نكهته شبه منعدمة للأسف، أما بالنسبة للدجاج فكانت قطع رفيعة ممتعة ونكهتها حلوة جدًا، كمان طلبنا Grilled Chicken Mushroom بـ 60 جنيه، وبرضه الصوص بتاعه كان حلو جدًا ومضبوط.

    كان لازم نجرب حاجة من قائمة المشروبات اللي فعلًا متنوعة جدًا، فطلبنا Smoothie كيوي تفاح، وكان مضبوط جدًا وطعمه منعش وممتع. بشكل عام الأكل هناك حلو بس محتاج يبقى متقن أكثر من كده لأن فيه تفاصيل صغيرة هي اللي بـ تميز المكان من أنه يبقى محترف أو مجرد مطعم،
     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • المسافرون العرب العرب المسافرون السياحة في جورجيا المسافرون العرب منتدى المسافرون العرب المسافر السياحة في تركيا السياحة في دبي عروض سياحية hglshtv المسافرون العرب تركيا لنكاوي السياحة في البوسنة السياحة في الفلبين البوسنة سياحة السياحة في اسبانيا السياحة في المغرب السفر الى تركيا السفر الى جورجيا شركة المسافر السياحة في جورجيا السياحة في ماليزيا منتدى المسافر جورجيا سياحة مسافرون العرب السياحه في تايلند
جاري تحميل الصفحة...