مطاعم ومقاهي شوكجوزال - Cok Guzel

الموضوع في 'مطاعم مصر' بواسطة menna, بتاريخ ‏13 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    المطبخ التركي غني جدًا بأكلاته ووصفاته، أكثر أماكن منتشرة في القاهرة تركية هي اللى بـ تقدم ساندويتشات الدونر كباب، والمطعم الأشهر في القاهرة "عثمانلي – Osmanly" في جاردن سيتي متخصص في المطبخ التركي، لكن ظهر مؤخرًا على الساحة مطعم ثاني اسمه "شوكجوزال – Cok Guzel" في ساحة ذا ستريب - The Stripأمام بيفرلي هيلز في منطقة 6 أكتوبر.

    مطبخ "شوكجوزال" بـ يرجع أساسه إلى 700 سنة، وقت الإمبراطورية العثمانية، في الوقت اللي كان فيه الطهاة في مطبخ السلطان في قصر توبكابي مكرسين نفسهم علشان يعملوا أكلات غنية ومنقطعة النظير علشان تكون أساس المطبخ التركي، وده اللى هـ تلاقوه في المكان هناك، ممزوج بتقاليد الضيافة الخاصة بالقصر.. علشان كده لما تدخلوا المكان هناك هـ تحسوا أنكم قاعدين في جانب فخم من قصر كبير بالنجف الفخم والشياكة والأناقة للروح التركية.

    معنى Cok Guzel بالعربي "جميل جدًا"، لكن هل كانت الأطباق اللى جربناها هناك اسم على مسمى؟.. ده اللى شدنا علشان نروح ونجرب، الجرسونات هناك مهذبين جدًا وهادئين، المكان ما كانش زحمة يمكن بسبب بعده ولأن أغلب اللى بـ يروح له من سكان مدينة بيفرلي هيلز، أول ما قعدنا جابوا لنا المنيو المكونة من شوربات، سلاطات، مقبلات باردة وساخنة، وحاجة اسمها "فرنميزدان" يعني أكلات بـ تتعمل فى الفرن، وقسم "من الشواية"، والأطباق الرئيسية، والساندويتشات، والأصناف الجانبية، والحلويات.. وفيه منيو منفصلة للمشروبات موجودة على الترابيزة.
    [​IMG]
    طلبنا من الشوربات شوربة اسمها طهراناTarhana Corbasi بـ (25 جنيه)، ومن "فرنميزدان" أخذنا بطاطسلي بيداPatatesli pide بـ (25 جنيه)، ومن الأطباق الرئيسية طلبنا دونر إسكندر كباب (65 جنيه)، ومن الشواية قلنا نجرب إزجارا كفتة (70 جنيه) ومعاها طلب جانبي خضار سوتيه (15 جنيه).


    نزل لنا زجاجة مياه صغيرة (9 جنيه)، وبعدها بشوية الشوربة المكونة من طحين القمح الشرق أناضولي والطماطم المجففة واللحم المفروم مع صلصة الفلفل الأحمر الحلو، طعمها حلو جدًا وجاءت لنا سخنة وكميتها كويسة جدًا، لازم تقلبها كويس علشان قطع اللحم بـ تكون مركزة في آخر الطبق، بعدها بفترة جاء لنا البطاطسلي بيدا ودي معجنات فيها بطاطس حارة، نزل معاها شرايح طماطم وليمونة، المعجنات كانت خفيفة جدًا على شكل قوارب والبطاطس مهروسة جواها، البطاطس كمان كانت شهية ولونها مائل للأحمر غالبًا ده لون الشطة، على الرغم أننا ما حسيناش بشطشطة جامدة أوى.

    بعد فترة طويلة جاء لنا الأكل، ومش عارفين ليه أخذ وقت طويل على الرغم أن المكان مش زحمة، نجم الترابيزة بصراحة كان الإزجارا كفتة، مكونة من كرات اللحم البتلو مع النعناع الطازة وبـ ينزل معاه أرز أورينتال، دي أحلى كفتة أكلناها من فترة، النعناع مع تتبيلة الكفتة وتسويتها كانت رائعة، بـ تقدم على عيش وبولة أرز كانت حلوة برضه، بس الكفتة كانت الكينج.. الطبق ده كله نواشف علشان كده طلبنا الخضار السوتيه اللى عمل توازن في فمنا..

    على عكس الدونر اللى قُدمت بطريقة تشبه الفتة بس من غير أرز، شرائح لحم رفيعة عليها صوص طماطم وتحتها مكعبات عيش محمص مقدمة مع شوية زبادي، الفكرة على الرغم أن اللحم وتسويته وطعمه كان حلو لكن مكعبات العيش كانت أكثر من اللحم فكنا حاسين أننا بـ نأكل عيش أكثر، كمان الصوص كان ثقيل شوية وكمية الزبادي قليلة.

    بعد ما خلصنا طلبنا واحد شاي تركي (12 جنيه)، ومن الحلويات كنافة بالجبنة مع الفستق (35 جنيه)، الشاي بـ ييجي بطريقة لطيفة أوى، أبريق شاي فضي شيك مع الكوب العثمانلي الصغير الشهير وبـ يتصب أمامك على طول، وكان لطيف جدًا فيه flavor بس ما كناش عارفين هو إيه. الكنافة بقى كانت خفيفة جدًا.. سكرها أو الشربات بتاعها قليل.. وبالتالي ده خلاها ناشفة، كان نفسنا تبقى طرية شوية كانت هـ تكون مافيهاش غلطة بس هي عامة لطيفة.
     
    الوسوم:

جاري تحميل الصفحة...