مطاعم ومقاهي ليلى - Leila

الموضوع في 'مطاعم مصر' بواسطة menna, بتاريخ ‏14 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    من أكثر الحاجات المحبطة أنك تنخدع في حقيقة مكان بعد ما تكون أخذت انطباع أول إيجابي عنه، المطعم اللبناني "ليلى – Leila" اللي عنده فروع كثيرة في القاهرة وكمان فرع في الإسكندرية أكيد يعتبر اختيار مثالي لو عاوز لقمة سريعة وأنت بـ تتسوق وسط مول زحمة، بس للأسف ما قدرش يحقق توقعاتنا.

    على يمين النافورة في مكان مميز، ليلى عنده قعدات داخل المطعم وفي الهواء الطلق. صحيح القعدة جوه هادئة، بس بره كانت ألطف، بحيث نقدر نستمتع بنسمات الربيع المنعشة، أول ما قعدنا، المنيوهات وصلت.
    [​IMG]
    منيو ليلى تشمل تشكيلة ضخمة من الأطباق اللبنانية الرائعة، منها متبّل دبس الرمّان (27 جنيه)، وهي بالبلدي كده باذنجان غرقان في دبس الرمان، وأطباق كفتة (77 جنيه)، مع اختيارك من الميكس جريل (99: 149 جنيه)، لحم بالعجين (42 جنيه)، معجنات لبناني (55 جنيه)، وكمان شوية أطباق فراخ مشوية وحلويات لبناني.

    اليوم ده كان عندنا شجاعة أننا نجرب حاجة جديدة، ومن هنا طلبنا اثنين بيتزا لبناني (55 جنيه للواحدة)، وإحنا وحظنا، علشان نسخن، طلبنا شاي أخضر بالنعناع مع شيشتين فانيليا، جوز هند وخوخ (40 جنيه للواحدة).

    المشكلة الحقيقة كانت أننا نقول لهم على الطلب أصلًا واضطرينا نطلب من كذا جرسون، مافيش جرسون معين بـ يخدّم على ترابيزتنا، ومن هنا طلبنا الأكل من واحد والمشروبات من واحد ثاني خالص.

    بعد حوالي ربع ساعة، كان انطباعنا الأول عن الشيشة أنها خفيفة بس نكهتها مميزة، بس المشكلة أن مافيش تغيير ولعة مستمر وده بوظ الموضوع كله، بعد عشر دقائق من الشيشة وصلت البيتزا البعيدة خالص عن شكل البيتزا التقليدية. البيتزا المقدمة على أطباق من الصيني فوق ستاند معدني كانت باردة شوية وفيها قطع موتزاريلا مش مستويِّة، مع جرجير وشرائح طماطم على العجينة الرفيعة.

    صحيح العجينة كانت أقرب لطعم المناقيش عن البيتزا، جبن الموتزاريلا كانت لذيذة، بس الطعم عمومًا كان محبط شوية.

    واضح أنهم ما افتكروش الشاي الأخضر بالنعناع، رغم أننا طلبناه مرتين، وقبل ما نخلص الأكل بحاجة بسيطة فاجئونا به! علشان نلخص الحكاية، ليلى يعتبر مزيج غريب من الموقع الرائع، الأجواء الهائلة، والخدمة الضعيفة.
     
    الوسوم:

جاري تحميل الصفحة...