مطاعم ومقاهي حارة 9 - Harah 9

الموضوع في 'مطاعم مصر' بواسطة menna, بتاريخ ‏14 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    شارع 9 بـ يتميز دائمًا بأن له مذاق خاص في محلاته والمشي جواه، بس مطعم النهارده مختلف بكل المقايس، لأن مطعم وكافيه "حارة 9" بـ يخطفك لجو الشارع المصري الأصيل أو الحارة المصرية.

    أول ما بـ تدخل المطعم، هـ تلاقي على يمينك صناديق صغيرة مطعمة بالأحجار الكريمة وسجاجيد ملونة عليها لوحات بـ تعبر عن روح الشارع، غير الترابيزات والكراسي الخشب القديمة اللي تحسسك أنك رجعت بالزمن لقهوة في عصر الثلاثينات.

    المكان كبير قوي، فيه حديقة صغيرة ملحقة به وفيها ترابيزات وكراسي، بعد كده مساحة مفتوحة ومكان مقفول فيه دور أول ودور ثاني، يعنى عاوز مكان مقفول تلاقي، مكان مفتوح تلاقي، كله تلاقي.
    [​IMG]
    المنيو كله أكلات مصرية ما بين كباب وكفتة وطرب وفتة وملوخية وفراخ، كل الأكلات المصرية اللي تحبها، طلبنا كمقبلات سمبوسك بالجبنة (أربع قطع بـ 25 جنيه)، والحقيقة أنها كانت طازة وسخنة وطعمها حلو. بعد كده طلبنا طاجن موزة بالأرز بـ 85 جنيه، واللي عرض علينا الجرسون بدل الأرز فتة بس إحنا فضلنا الأرز وكان طعمها تحفة بالخلطة بتاعتهم، بس كان فيه بعض القطع مش مستوية.

    طلبنا كمان طبق ريش بتلو وكفتة بـ 100 جنيه، واللي بـ تقدم مع اختيارك من الأرز أو البطاطس أو الخضار، الكفتة كانت تحفة، لكن الريش كانت مليانة دهون كنا نفضل تكون أخف.

    والحلو كان مختلف جدًا، برغم أننا طلبنا كريم بروليه واللي كانوا توقفوا أنهم يعملوه بس كان موجود في المنيو، بعد كده قلنا نجرب بطاطا حلوة بصوص الكراميل بـ 30 جنيه، واللي قدمت لنا في كأس جميل مع الكريم شانتيه، وطعمها كان تحفة وكانت سخنة، ولو أن طعمها أحلى وهي باردة.

    طبعًا ما نقدرش ما نطلبش حاجة نشربها، طلبنا ليمون بالنعناع بـ 20 جنيه، وكيوي بالليمون بـ 22 جنيه، وعصير برتقال بـ 22 جنيه، كان طعمهم حلو قوي ومناسب للجو ومنعش. الخدمة هناك ودودة جدًا، والجرسون كان صبور علينا جدًا الحقيقة، وبرغم بعض العيوب اللي شفناها مع الأكل إلا أنه بشكل عام أكلهم لطيف والقعدة تحفة، ننصح به ككافيه أكثر من مطعم.