مطاعم ومقاهي بريوش دوريه - Brioche Dorée

الموضوع في 'مطاعم مصر' بواسطة menna, بتاريخ ‏14 يوليو 2016.

  1. menna

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    2
    مش عارفين إيه الفكرة من وجود مكانين لمطعم "بريوش دوريه – Brioche Doree" في داندي مول، واحد فى مدخل المول الرئيسي (الدور اللى تحت)، وواحد ثاني في الدور اللى فوق وده رحناه قبل كده وكتبنا عنه مقال نقدي، ولأن بطبيعة الحال بـ نروح كل فترة نقيم مستوى المكان، جربنا المرة دي المكان اللى تحت واللى بـ يطل على الديكورات اللى بـ تبقى موجودة وبـ تتجدد على حسب المناسبات اللى بـ تعدي على القاهرة كل فترة.
    {$title}
    قعدنا وقدموا لنا المنيو، المكان ما يعتبرش كافيه أوي لأنهم بـ يقدموا أطباق رئيسية وكان شكلها مغرى جدًا، ولكن لأن وقت زيارتنا كان الصبح قلنا نجرب الفطار عندهم، خاصة أن ثلاجة العرض اللى كان فيها المخبوزات والجاتوهات الفرنيسة كانت مغرية جدًا وشكلها فريش.

    طلبنا من المنيو Omelette Espagnole بـ (45.95 جنيه) وده عبارة عن أومليت بالطماطم والبصل والفلفل والزيتون، وكمان Classiques بـ (43.95 جنيه) عبارة عن بيضتين مقليين أو Scrambled أو أومليت على حسب اختيارك معاها سلاطة، وكرواسون بالجبنة الرومي (15.95 جنيه)، وشاي باللبن (16.95 جنيه)، وعصير برتقال (24.95 جنيه)، وللتحلية اختارنا كرواسون بعجينة اللوز ومرشوش عليها لوز (17.95 جنيه) بناءً على توصية الجرسون اللى كان لابس طاقية الشيف الفرنسية المميزة اللى بـ نعشقها.

    بعد الطلبات نزل لنا لكل شخص سلة فيها عيش ومقرمشات ومعاها طبق زبدة صغير، العيش كان فريش والمقرمشات كمان اللى كانت مدهونة بزبدة وزعتر، العيش نفسه كان ناشف شوية في التقطيع بس كان طعمه حلو، الفطار أخذ وقت طويل شوية في التجهيز، أول ما بـ ينزل الفطار، الجرسون بـ ييجي معاه مطحنة الفلفل الأسود الكبيرة وبـ يسألك لو حابب تزود فلفل على الأكل.


    شكل الأكل قبل ما نخش في التفاصيل يفتح النفس، الكرواسون هش وفريش والجبنة الرومي طعمها واضح فيه رغم أنها مرشوشة بس من فوق، البيض اللى بالخضار كان طعمه حلو أوي واللى أحلى منه كمان الـ Scrambledمع السلاطة اللى كانت عبارة عن خس فقط عليه مايونيز خفيف أوى.

    اللى بقى كان حسن الختام الكرواسون باللوز، حلو حلاوة ما تتنسيش، قطع اللوز المقشرة والمقطعة شرايح من فوق من عجينة اللوز كمان وكرواسون هش، حاجة خفيفة وطعمها حلو تختم بها قعدتك هناك، وكمان مفيدة (طبعًا في الجزء المتعلق باللوز).
     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • المسافرون العرب العرب المسافرون السياحة في جورجيا المسافرون العرب منتدى المسافرون العرب المسافر السياحة في تركيا السياحة في دبي عروض سياحية hglshtv المسافرون العرب تركيا لنكاوي السياحة في البوسنة السياحة في الفلبين البوسنة سياحة السياحة في اسبانيا السياحة في المغرب السفر الى تركيا السفر الى جورجيا شركة المسافر السياحة في جورجيا السياحة في ماليزيا منتدى المسافر جورجيا سياحة مسافرون العرب السياحه في تايلند
جاري تحميل الصفحة...