مطاعم ومقاهي تورتينا - Tortina

الموضوع في 'مطاعم مصر' بواسطة menna, بتاريخ ‏14 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    شهر رمضان المفروض أنه شهر صوم وعبادة وعمل خير، لكن للأسف ساعات كثير بـ يتم عمل كل الحاجات اللي عكس دي بمسميات مختلفة، مالناش دعوة بهم خلينا مركزين مع نفسنا ويا ريت كل واحد يركز مع نفسه ويشوف ربنا هـ يقدره يعمل إيه من أعمال ربنا بـ يحبها، ولا مانع من فترة للثانية أو لو عندنا عزومة أننا نمتع نفسنا بطبق كنافة بالمانجو ولا كنافة نوتيلا، بس مش لازم ندبها قوي علشان الأنتخة دي مش حلوة بـ تيجي على دماغنا في الآخر.
    [​IMG]
    المهم كنا لازم نروح "تورتينا - "Tortina ونشوف محضرين لنا إيه، طبعًا على القائمة تورتة الكنافة بالمانجو الشهيرة، ولفت نظرنا الكنافة بالنوتيلا والكنافة بالبلاك فورست والكنافة بالكراميل والشوكولاتة بس الجديد بقى أن كان فيه كنافة بالنوجة والتوت وسعر الواحدة منهم بحوالي 165 جنيه. أما اللي لفت نظرنا جدًا، بايركس الكروكوند بصوص الفراولة والكريمة، واللي كان شهي جدًا، وكنا خلاص هـ نشتري واتحط في العلبة وسعره كان 190 جنيه، لحد ما موظف تورتينا اللي على الكاش نصحنا أننا نجرب بايركس كنافة بالمانجو لأنها حلوة قوي وبـ 210 جنيه، وفعلًا أخدنا بنصيحته علشان ندوق أجمل طبق كنافة بالمانجو في حياتنا. ده غير أن كان عنده كل أنواع الحلويات الشرقية الثانية من بسبوسة وقطايف وكنافة بأحجام مختلفة الصغير منهم بـ 55 جنيه، ثم الوسط بـ 65 جنيه، ثم الكبير بـ 75 جنيه. ده غير أنواع التارت العادية بتاعة تورتينا اللي لازم تغرينا كل مرة نروحها، وطبعًا الميني كنافة نوتيلا وميني كنافة مانجو.

    لو عاوزين تأكلوا حاجة خفيفة جدًا ومنعشة ومبهجة، يبقى لازم تجربوا الكنافة بالمانجو من تورتينا، نبدأ بالطبقات من فوق الكنافة لونها أصفر على برتقالي زي لون المانجو وفي نصف طبقة الكنافة دي فيه صف قطع مانجو صغيرة في نصف البايركس، بعد الطبقة دي في طبقة كريمة منعشة وخفيفة وآخر طبقة بـ نختم بها الاختراع ده، وهي اللي خلت الطبق ده مختلف عن أي كنافة بالمانجو في أي مكان ثاني، هي طبقة البيناكوتا، والبيناكوتا للي ما يعرفهاش مش أي حد بـ يعرف يعملها لأن قوامها بـ يبقى أشبه بالجيلي أو الكريم كراميل وهي معمولة من الكريمة وجوز الهند بس كان خفيف ما تحسش بطعمها قوي وده من جمالها، البيناكوتا يا جماعة كانت ساحرة وخفيفة وبـ تدوب في فمك من غير أى مجهود، حولت طبق الكنافة بالمانجو من أن أي حد ممكن يعمله في البيت زي ما شفنا في الفترة الأخيرة في بوستات الفيسبوك وفعلًا مش هـ يكلفك الطبق كله أكثر من 30 جنيه، لطبق أو بايركس بقى بمعنى أصح كنافة بالمانجو ممتع من أول فتفوتة لأخر معلقة بنمسح بها البايركس. فعلًا تستحق كل جنيه دفعته فيه وأكثر. ما يعيبوش بس إلا أن قطع المانجو قليلة كان نفسنا تبقى أكثر.

    نصيحة أخوية يا جماعة لو بـ تحبوا حد قوي وعاوزين تكرموه في العزومة هاتوا الكنافة بالمانجو بس البايركس مش التورتة العادية أو البولة، غير كده استمتعوا بها في البيت هـ تخلص في يومين بالكثير جدًا ده لو عددكم قليل. وما تنسوش أن الحاجات اللي زي دي لما تتاكل كثير في الشهر الكريم بـ تتعب وتتخن، فحاولوا تقللوا منها على قد ما تقدروا، إحنا مش مسئولين عن اللي هـ يحصل على آخر الشهر لو حليتوا كل يوم بحاجة زي دي.
     

    الوسوم:

جاري تحميل الصفحة...