أدلة سياحية متحف الطفل

الموضوع في 'بوابة السفر إلى مصر Egypt' بواسطة menna, بتاريخ ‏14 يوليو 2016.

  1. menna

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    2
    الطفل:

    فى الأول كده لازم نكون عارفين أن الطفل هو الأمل، مش شعارات والله لكن بجد، هو الأمل فى الحياة، هو البسمة اللى بجد، هو الأولى بالاهتمام والرعاية من أى حد ثانى، علشان هو رحمة ربنا على الأرض، ولما نعمل حاجة للطفل اعرف أنك كده بـ تبنى للأمام، بـ تبنى للمستقبل، بـ تبنى علشان تعرف تقول أن البلد دى هـ تقوم.
    {$title}


    المتحف:

    فكرة المتحف قديمة جدًا سواء المتاحف الطبيعية وهى الأماكن المفتوحة اللى ربنا أعطاها من عنده مجموعة مناظر خرافية زى تقسيمات الصخور أو الكهوف أو الترسبات البركانية أو الزهور الطبيعية وغيرها، فبـ تتحول لمتحف طبيعى يزوره الناس.


    ومن هنا جاءت فكرة تجميع أيقونات مختلفة مرتبطة مع بعض تحت موضوع واحد وعمل متحف، والتحفة هى الشيء الأصيل اللى مالوش زى فى أى حتة يعنى نادر.. ولما نيجى بقى لفكرة المتاحف المتخصصة يبقى لازم أول حاجة نفكر فيها هى الطفل.



    سؤال لحضرتك عزيزى القارئ: لو فكرت تعمل متحف لطفل هـ تحط فيه إيه؟

    الإجابة: الإجابات كثير باختلاف البشر، يعنى فيه اللى هـ يقول نعمل حاجة ترفيهية واللى هـ يقول العقل أهم حاجة واللى هـ يقول الاختراع والاكتشاف، والتاريخ و..



    الحاجات:

    حاجات كثير هـ تعدى على بالنا وإحنا بـ نتكلم عن متحف الطفل لأنه بجد أيقونة مختلفة تمامًا، فكرته بدأت من سنة عام 1985 في حي مصر الجديدة بالقاهرة على مساحة 1200 متر مربع تقريبًا، وكان جزء من مشروع مشترك مع المتحف البريطاني، وشارك في إعداده خبراء من مصر وجميع أنحاء العالم في كل المجالات لمساعدة الأطفال.

    المتحف اللي تم افتتاحه في يونيو 1996 عبارة عن مركز تعليمي وترفيهى بـ يقدم المعلومات والخدمات اللي بـ تكمل التعليم المدرسي وهدفه تعريف الأطفال المصريين بالظواهر التاريخية الطبيعية وعلاقتها بالبيئة الطبيعية والثقافية المصرية.

    وبـ يهدف المتحف لرفع مستوى الفهم وحب الطبيعة والاهتمام بحمايتها والحفاظ عليها وده بقى من خلال حاجات كثير، يعنى المساحات الواسعة ومعامل العلوم والتجارب والاستكشاف والقبة السماوية اللى فيها معلومات كاملة عن الكون والسماء والقمر والأرض والفضاء، وكمان فيه السينما اللى بـ يشوفوا فيها أفلام تعليمية مبهرة ومناسبة لسنهم، ده بقى غير الحاجات الترفيهية اللى بـ تشد الأطفال والألعاب التعليمية الكثير، ومبنى المتحف عبارة عن 4 أدوار:

    الدور الأول: فيه نموذج للحضارة المصرية القديمة بكل تفاصيلها ومعلوماتها، والدور الثانى: بـ يتكلم عن الحضارة المصرية كأسلوب حياة عن الكتابة والبيت الفرعونى والاحتفالات والزراعة والملابس، والدور الثالث: بـ يتكلم عن البيئة المصرية والصحراء الشرقية والغربية وعن الصحراء البيضاء، والبحر الأحمر وعن القاهرة وعن كمان معالجة مشكلة المرور فى القاهرة.

    أما الدور الرابع والأخير: فعن العلوم والفلك وتأثير العلوم من أول الحضارة المصرية القديمة لحد وقتنا الحالى والأدوات الفلكية والمراصد المشهورة من زمان لحد مرصد حلوان وفيه كمان نموذج لمركبة فضاء مصرية (الأمل يعنى).
     

مشاركة هذه الصفحة

  • ماذا تقدم لكم منتديات المسافرون العرب ؟

    منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
  • المسافرون العرب العرب المسافرون السياحة في جورجيا المسافرون العرب منتدى المسافرون العرب المسافر السياحة في تركيا السياحة في دبي عروض سياحية hglshtv المسافرون العرب تركيا لنكاوي السياحة في البوسنة السياحة في الفلبين البوسنة سياحة السياحة في اسبانيا السياحة في المغرب السفر الى تركيا السفر الى جورجيا شركة المسافر السياحة في جورجيا السياحة في ماليزيا منتدى المسافر جورجيا سياحة مسافرون العرب السياحه في تايلند
جاري تحميل الصفحة...