أدلة سياحية الربع

الموضوع في 'معالم مصر' بواسطة menna, بتاريخ ‏17 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    أستاذ 1: آه والله يا أستاذ.. فاكر أيام زمان لما كانت الناس بـ تتجمع فى مكان واحد أو فيه مكان للتجمعات السكنية والمحلات، فاكر كانوا بـ يسموه إيه؟
    [​IMG]
    أستاذ2: بـ يسموه إيه يا أستاذ؟ بـ يسموه إيه؟.. ما تقول يا عمنا هى فزورة ولا إيه؟

    أستاذ 1: يا سيدنا لا فزورة و لاحاجة كانوا بـ يسموه "الربع".

    أستاذ 2: استنى.. استنى..أنا سمعت الاسم ده من قريب.

    أستاذ 1: ما هو علشان كده أنا جايلك.. فيه حفلة لمولانا الشيخ زين محمود.



    هنا تدخلت كايرو 360 وقررت تكمل الحوار ده ونكلمكم عن مكان فتح جديد اسمه "الربع".. هو مركز ثقافى موجود فى شارع من أهم شوارع القاهرة "المعز لدين الله الفاطمى".



    الشارع:

    شارع المعز واحد من أهم الشوارع الموجودة فى القاهرة الفاطمية وكان اسمه زمان شارع النحاسين وهو مليان بالمواقع الأثرية.. اختيار أصحاب الربع للمكان عبقرى ومهم جدًا لأنه مفعم بالثقافة والأثرية وله عبق كده ورائحة مختلفة وده بـ يخلى المكان أصلًا له طعم مختلف.



    الفكرة:

    اختيارهم لاسم الربع اختيار تراثى باقتدار وهو ماشى مع فكرة التجمع الموجودة حول المكان وفكرة الأثرية كمان وهما مجموعة شباب قرروا يشاركوا جمعية أهلية فى المكان علشان يحولوا المكان لحالة ثقافية مختلفة.



    مختلف:

    لكن لما سألناهم إيه المختلف اللى هـ تقدموه قالوا لنا أنهم بـ يحاولوا يعملوا أحداث بأفكار جديدة.. "فاكر لما".. وهو ده الجديد واللى ماشى برضه مع القديم ومع الفكر التراثى، يعنى هو حدث بـ يخلوا الناس تيجى وتلعب الألعاب بتاعة زمان.. شد الحبل والاستغماية والكورة والمسابقات والليدو والسلم والثعبان والمنديل.



    الشباب:

    هما مجموعة شباب قرروا يعملوا مركز ثقافى وبـ ينحتوا فى الصخر وهما المدير التنفيذى إيمان صبحى.. ومساعد المدير التنفيذى ندى سعيد، ومنار سعيد ومصطفى مجدى وأمير مظهر.

    بـ يفتحوا المكان من 12 الظهر لحد 11 بالليل والمكان أصلاً عبارة عن ساحة متوسطة لكنها كافية لعمل حدث ومسرح من دور واحد بـ يتم فيه عمل الحفلات وكمان فيه قاعة فى الدور الثانى بـ يتعمل فيها الورش.. وبـ يتم عمل حفلات مختلفة زى شعر ومزيكا وحفلات غناء وإنشاد دينى.

    والحالة العامة هناك لازم تخليك مركز فى المكان وحاسس أنهم هـ يبقوا مكان كبير قريب.



    أستاذ 1: ها.. هـ تيجى حفلة الشيخ زين؟

    أستاذ 2: صراحة بعد الكلام اللى اتقال لازم نروح نشوف الشيخ زين ونشوف الربع.
     

    الوسوم:

جاري تحميل الصفحة...