أدلة سياحية مكتبة فلك - Falak Bookstore

الموضوع في 'معالم مصر' بواسطة menna, بتاريخ ‏17 يوليو 2016.

هوتيل فور ارب | Hotel For Arab

دليل ماليزيا

  1. men

    menna رحالة

    إنضم إلينا في:
    ‏18 يونيو 2016
    المشاركات:
    874
    الإعجابات المتلقاة:
    1
    أَعْجَبَ:
    0
    Dislikes Received:
    0
    نقاط الجائزة:
    18
    الجنس:
    أنثى
    الإقامة:
    cairo
    عم جوجل:

    أول حاجة عملناها لما سمعنا عن المكان موضوع الكتابة، دورنا فى جوجل عن "فلك" ولما لاقينا الإجابات: مراكز فلك فضائية فى الدول العربية والعالم، وقفنا شوية وقولنا: "الله.. مش إحنا بـ ندور على مركز ثقافى؟ طب إيه موضوع الفضاء ده؟
    [​IMG]


    البتانى:

    قولنا خلاص طب ما نشوف علماء الفلك العرب طالما الموضوع ماشى فى سكة الفلك، على طول برضه عم جوجل رد علينا بالبتانى، والبتانى هو واحد من أهم علماء العرب فى الفلك وكان بـ يمتاز بقياساته الصحيحة جدًا والدقيقة قوى فى علوم الأرصاد وحساب قطر الأرض وحركات النجوم.



    الدقة:

    المهم خطفنا رجلنا ورحنا لحد "فلك" أول حاجة لفتت انتباهنا هناك هى الدقة فى كل حاجة، المكان دقيق فى وصفه اللى على صفحته على الفيسبوك، مايتوهش يعنى.. انزل أمام مسرح السلام، خش الشارع اللى أمامه هـ تلاقى "فلك" والمكان دقيق كمان فى تنظيمه وترتيبه، كل حاجة ماشية بالساعة، طب إيه هو فلك؟



    فلك:

    شوف يا سيدى مبدئيًا هو مكان واسع، واخد الدور الأرضى فى عمارة كبيرة، وده أعطى له مساحة كبيرة ومهمة، أما عن استغلال المساحات فـ تقدر تقول أنهم "فنانين" بجد، قادرين يستغلوا كل ركن فى المكان، كل حاجة معمول لها تصميم خاص وديكور هايل بـ يجمع بين العصرى والقديم، يعنى عادى تلاقى "ترابيزة" أحدث موديل، وجنبها كنبة مريحة جدًا وعلى الأرض مفروش "كليم"، فاكرينه الكليم بتاع زمان ده اللى كان بـ يبقى فى البيوت الشعبية، وكمان من ضمن التصميم هـ تلاقوا لوحات كثيرة.



    اللوحة:

    اللوحات من تصميم مجموعة من الفنانين منهم مديرة وصاحبة المكان وهى فنانة تشكيلية (شيماء كامل) ولها ذوق خاص فى رسمها واخد الطابع المصرى ومعتمد على طرح الهوية المصرية بشكل كبير، ومن اللوح تقدر تفهم أن المكان بـ يخدم الفن التشكيلى عن طريق جاليرى كبير منتشر على كل حوائط المكان، وكمان فيه ندوات بـ تتعمل فى المكان فى الصالة الواسعة اللى بـ تتحول علشان تبقى قاعة بانورامية هائلة، وفيه شغل إكسسوارات يدوى لو حابب تشترى حاجات مش هـ تلاقيها إلا فى "فلك" وفيه كتب لو عاوز تشترى، وواضح من انتقاء الكتب أن اللى مختارهم له فى القراءة بشكل كبير.. وكل شهر فيه معرض وتم افتتاح المكان لأربعة فنانيين وهم: ميرفت شاذلى، هشام نوار، إبراهيم البريدى، وشيماء كامل.. وفيه ورش رسم للأطفال، وورش خزف، وصناعة أفلام الكارتون بشكل بسيط ومغرى.. وهما بـ يركزوا على ورش الأطفال أكثر لأن ده من أهم أهدافهم.



    فى النهاية:

    المكان هـ يبقى فيه مكتبة خاصة بالقراءة بس، يعنى تقرأ وترجع الكتاب ثانى، وده مهم جدًا للمكان لأنه هدف من أهم أهدافهم، يعنى لو عاوز تشترى كتب.. تشرب قهوة تحفة.. تقعد قعدة جميلة.. تسمع مزيكا.. تتفرج على لوحات مختلفة.. تستمتع بمكان له جوه الخاص.. روح فلك.
     

    الوسوم:

جاري تحميل الصفحة...