رحلتي لتايلاند استمرت 22 يوم من غير يوم...

A

ALi AmEr

رحلتي لتايلاند استمرت 22 يوم من غير يوم المرواح و المشي
باش وصلت لتايلاند حوالي 24 ساعة من ليبيا لتركيا لدبي لتايلاند لو معبي ورامورك طيبه مع الدولار تدكره دركت من تركيا 14 الساعه
انزلنا في بانكوك اقعدنا فيها ليله في الليله هادي اندمت اني جيت لي تايلاند العاصمة لا تطاق مش نظيفة و زحمه و روائح الاكل التايلاندي كريهه قعدنا فيها ليله من التعب الله غالب
تاني يوم الصبح بكري طلعنا لبتايا و يالهوي على بتايا
موجود فيها كل شيء و تحت كل شيء دير اكتر من خط
ميزتها فيها مطاعم عربيه و فيه مطعم ابو سعيد خونا ليبي من بنغازي مقيم في بتايا مطعم ليبي نظم امورك كسكسي امبكبه رز اللي تبيه فيه
موجود في شارع العرب مقابل هوتيل VC
اغلب الاوقات قعدنا في بتايا لانها المدينه التي لا تنام كل الوقت موجود كل شيء مفتوحه 24/24
بعدها طلعنا لجزيرة بوكت رجعنا للمطار الرحالات الداخليه و طرنا لبوكت و تعتبر اغلى بنسبه بسيطه على بتايا لكن امورك لوز و طلعنا منها رحالات للجزر و هلبه حاجات و قعدنا فيها 5 ايام و رجعنا لبتايا
المهم صعب نشرح لكن اللي ماسافرش الى تايلاند ماعمراش سافر في حياته
 

K

Kemo Ofe

انا ف كندا واظن الرحلة من ليبيا أرخص ب واجد ومش فاهمة تايلاند احلى من ماليزيا قصدك والأماكن الهادية وين ف تايلاند ممكن نعمل ب نصيحتك ونطلع من ليبيا بعد زيارة لها طبعا
 
H

Hanady Abojareda

شن الأماكن الحلوة الي فيها والجزر الي تنفع لي شهر عسل؟
 
G

Ghida Alsaety

انا مشيت لبانكوك وبوكت وبتايا
بس انا نسجمت في العاصمه فيها رحلات جميله بكل السوق العائم و سيام بارك ودريم ورد وسفاري وغيرهن الرحلات بعيده شويه عن وسط المدينه
وبالنسبه للأكل في شارع العرب مطاعم سوريه ولبنانيه ومصريه

وطبعاً حتى الجزر خياليه خصوصاً بتايا
 
A

Amira Burrgaya

قاعد في بتايا ،،،،،الله اكبر و النعم ،،،،،،كويس روحت منها طيب ما خطفوكش
 

أعلى