السلام عليكم، سؤال للخريجين اللي قد تخرجوا او...

W

Waleed Alrasheedy

:: مسافر ::
السلام عليكم، سؤال للخريجين اللي قد تخرجوا او بيتخرجون،،

انا خريج هالترم ان شاء الله، وما عندي الا كلاس واحد ينتهي يوم ٨ ديسمبر، وموعد حفل تخرجي يوم ١٨ ديسمبر،

عندي عدة أسئلة وأتمنى منكم إفادتي لا هنتم،
١- متى تنصحون أطلب موعد التذاكر؟ كلمت بعض الشباب وقالوا لي لا تطلب إلا لما تخلص أمورك كلها، لكن انا ودي احدد موعد بدري عشان الحق ع كراسي جنب بعض لي ولزوجتي ولرضيعتي عمر ٦ شهور.

٢- متى تنصحون أقفل الملف؟ ولا أخليه مفتوح وهم يقفلونه؟ لأني بطلب مكافاة التخرج قبل المدة المحددة ومكافاة التخرج بمعدل عالي.

٣- هل هناك مكافآت أخرى غير المكافأتين المذكورتين فوق؟

٤- إذا فيه شي آخر أحتاج إني أعرفه، أرجوا منكم انكم لا تبخلون علي، لأني ما قد تخرجت من قبل :)

* على فكرة: ترى عندي سيارة للبيع، كامري ٢٠٠٥، بيضاء.

وفقنا الله وإياكم لكل خير وأبعدنا عن كل شر.
 
A

Abu Tulin

:: مسافر ::
الف مبرووك على التخرج مقدما
اسال الله لك التوفيق في الدارين
 
A

Abdulmajeed Alabdurazzaq

:: مسافر ::
انا ماعندي اجوبة والله واعذرني بس ابي اسالك عن الكامري
 
A

Abdullah Alsheibi

:: مسافر ::
الف مبروك التخرج
بالنسبة للتذاكر بما انك متخرج فالوقت مح يفرق معاك
اطلب التذكرة وقت ما تخلص كل امورك ولكن احرص انك ما تجلس بامريكا اكثر من ٦٠ يوم بعد تخرجك طبعا هذا نظام الاميقريشن
بالنسبة لإقفال الملف اول شي اطلب كل مستحقاتك وعادل شهادتك بعدين أقفل ملفك بنفسك
بالنسبة للمكافآت في مكافآت انت تطلبها وفي مكافآت تصرف تلقائيا مع اقفال الملف

لك مكافئة تخرج قبل المده اذا لسه باقي على بعثتك ترم عالاقل

لك مكافئة تميز اذا معدلك ٣.٥ للماجستير او ٣ للبكلوريوس بغض النظر عن عدد الساعات

لك مكافئة رساله للماجستير ومكافئة ونص للدكتوراه

لك مكافئة نقل عفش اذا أقفلت ملفك بالملحقيه

لك مكافئة تخرج بمعدل عالي اذا كان معدلك التراكمي ٣.٥١ الباكلوريوس وماجستير ودكتوراه بصراحه مني فاكر
 
أعلى