السلام عليكم بعد بدء برنامج وظيفتك بعثتك هل اصبح من المستحيل انضمام...

M

Mazin Kb

:: مسافر ::
السلام عليكم

بعد بدء برنامج وظيفتك بعثتك هل اصبح من المستحيل انضمام الطلاب الجدد الدارسين على حسابهم على بعثة الملك ؟

اخوي تخرج هذه السنه من الثانوي ويفكر بشكل جدي للدراسه خارج المملكه.للاسف لم تستوفه شروط وظيفتك بعثتك والان امامه خيار وحيد وهو الدراسه على حسابه

لكنه متخوف من عدم انضمامه عالبعثه بعد المشروع الجديد "وظيفتك بعثتك" وقضية انضمام الدارسين على حسابهم حاليا؟؟

اراكم وتعليقاتكم محل تقدير
 
H

Haidar Al Mai

:: مسافر ::
الحاق المبتعثين على حسابهم الخاص صار صعب
قبل كان الالحاق بعد اربع شهور الحين رجع ع شروطه القديمة لازم يكون بعد انهاء ٣٠ ساعه اكاديمية ( يعني سنة كاملة) هذا غير اللغه

اذا بيطلع ع حسابه الحاص بيكون جداً مكلف و يحتاج سنتين عشان ينلحق
 
M

Mazin Kb

:: مسافر ::
يعطيك العافيه اخوي حيدر

طيب هل فيه تعويض عن السنتين بعد الالحاق ؟
 
H

Haidar Al Mai

:: مسافر ::
ما عندي فكره الصراحه بس اذا في تعويض بيكون عالرسوم الدراسيه فقط ما في تعويض المصاريف الشخصية و سكن الطالب
 
T

Turki Alhazaa

:: مسافر ::
مافيه تعويض يالغالي :) شروط الالحاق الحالية اكمال دراسة ٣٠ ساعه اكاديمية وبالتوفيق
 
A

Alotaiby Faisal

:: مسافر ::
الله يوفقه صحيح ٣٠ ساعه بس ممكن تجيب المعدل مو مستحيل بس اهم شيء انه رايح يدرس ويشد حيله والله نصيحه من اخ لا يوقف خليه يحاول يروح وينظم ان شاء الله للبعثه هذا مستقبل ماراح يعيش الواحد اكثر من مره عشان يصنع مستقبله
 
A

Abdulsalam Alqarni

:: مسافر ::
يمشي ع المضمون
الطريقة القديمة انتهت
ما فيه انضمام زي السابق
 
A

Alotaiby Faisal

:: مسافر ::
انا اعرف كثير انضموا وجابوا المعدل بس اهم حاجه قبل مايطلع يعرف احد في نفس تخصصه ويكون ماشي في دراسته سابقه بسنه او اكثر
 
T

Turki Alhazaa

:: مسافر ::
اللي اقدر اقوله لك ان الوزارة تشددت بالشروط فلاتطلع الا انت ماشي عليها ولا بتنكب وبالتوفيق
 
أ

أحمد المكرمي

:: مسافر ::
الشروط تعقيدية ومحبطة حتى اذا جبت 30 ساعة لازم يكون معدلك مرتفع
الظاهر وغير متاكد 3.5 من 5 و 2او 2.5 من 4
 
A

Alotaiby Faisal

:: مسافر ::
ادري صعبه بس والله ممكن على حسب اخوك اذا بيشد حيله والله يجيبها بس تحط في بالك سنتين على حسابه لغه وسنه جامعه والله ممكن تجي هذا مستقبله وأنصحه يشد حيله لان العمر مافي مره ثانيه عشان يبني مستقبله
 
A

Adel Khatem

:: مسافر ::
لازم يخلص ٣٠ ساعه اكاديميه و في اللغة يغطون له ترمين فقط
 
K

Khaled Almasoud

:: مسافر ::
وحتى لو خلص ٣٠ ساعة اكاديمية ممكن ما ينضم الله لا يقدر ، الوزارة حالياً والله ما تدري عنها
 
M

Mode Mo

:: مسافر ::
خله يتوكل ع الله وان شاء الله بيتوفق
بس أولا لازم يدرس لغه بالسعوديه
سنه ولا سنتين أهم شي يتقن اللغه جدااا
وبعدها يختبر الايلتيس
ويتكل ع أمريكا يدرس ال 30 ساعه

وبامكانه يشتغل أي وظيفه ف السعوديه
خلال دراسته للغه منه يدرس ومنه
يدبر مصاريف الجامعه والمعيشه
لمن يطلع أمريكا
هذا حل من وجهت نظري

تقبل مروري
والله يوقفه ،،،،،،
 
M

Mode Mo

:: مسافر ::
وأهم شي التخصص تبع
الجامعه يكون حابه ومقتنع فيه
عشان يقدر يجتهد فيه أكثر
ويحقق الشرط تبع المعدل ،،،،،
 
A

Adel Khatem

:: مسافر ::
انا بالنسبة لي الدراسة في امريكا ما اضافت لي شي غير اللغة. انا انصحك انه يدرس في الجامعات السعودية لانه سنتين دراسة جداً مكلفة ممكن تقريبا تكلف ٢٠٠ الف ريال. هذا رائي و ممكن تسمع اراء غيري.
 
J

Joory Al Joory

:: مسافر ::
اخوي خليه يختبر ايلتس في السعوديه ويركز على الانجلش يصير يجيب له قبول نهائي ويطلع جامعه. بدل ما يدفع حق سنتين يدفع حق سنه
 
K

Khaled Alogbi

:: مسافر ::
اقترح ان يدرس فتره مكثفه للغه وبعد احنبار الايلتس ويبدأكليه مجتمع ولكن السؤل هل هناك اعتراض على كليات المجتمع في الضم للبعثه لانه رخيصه التكلفه ولا تتطلب ايلتس او توفل عالي
 
أعلى