السلام عليكم ورحمة الله وبركاته كيف حالكم و كل عام وانتم بخير سامحوني كثرت...

N

Nawl K A Taalhi

:: مسافر ::

السلام عليكم ورحمة الله وبركاته
كيف حالكم و كل عام وانتم بخير
سامحوني كثرت عليكم انا اسفه...
يااخواني و اخواتي... في احد منكم راحت بعثتها و معها اطفال عمرهم من 5سنوات و فوق اقصد سن الدراسه الابتدائيه
لاني مرة محتارة .. اخلي بنتي عمرها 5سنوات عند امي و تدرس التمهيدي الين اغلق بعثتي يعني تقريبا اجي القاها رابع ابتدائي.
او اني اخدها معي بعثتي ابي راح تكون على 2016 الى امريكا
ماني عارفه اخاف اذا اخذتها ..تضيع دراستها و ما تتعلم عربي و لمن تجي للسعوديه يقوموا ما يقبلوها
او اني اخليها و دراستها تكون منتظمة بس راح تتعقد على قوله زميله لي متخصصه في دراسات طفولة. ..
انصحوني..انا تعبت
 
H

Hessa Fahad

:: مسافر ::
من تجارب قريباتي و اطفالهم جدا استفادوا و اطفالهم اكتسبوا لغه بعمر صغير و لغتهم العربيه مستحيل تضيع لا تخافي
 
N

Nawl K A Taalhi

:: مسافر ::
يسعدك عالمشاركة...
ادري حلوة اللغه..
بس اخاف اني اخلص بعثتي و مثلاً بنتي تكون في عمر الرابع ابتدائي.. اجي اقدم لها في المدرسه يروحوا ما يقبلوها ..
 
F

Fatimah Sayed Ali Al-Sadah

:: مسافر ::
عادي عزيزتي يعادلوا ليها شهادتها اذا رجعت.. مافي شي اسمه مايقبلوها... تاكدي بس ان المدرسه معتمده من الملحقيه.. ارسلي استفسار اذا فتحتي ملف ..حاولي تواصلي تعلميها عربي قد ماتقدري ... اذا خليتيها في البلد بتتعبي جدا وهي ايضا بتتعب خصوصا انها كبيره وتفهم وبتفتقدش
 
N

Nawl K A Taalhi

:: مسافر ::
هي دحين 5 سنوات...
انا عقدني نظام نور...
اخاف اذا ما قدمت من دحين..
بعدين ماعاد تقدر تقدم في سنوات متأخره
 
B

Bayan Ali Shekiri

:: مسافر ::
ياقمر خدي بنتك معاكي ولمن ترجعي بالسلامه لها الف حل بس اهم شي تكون المدرسه في امريكا معتمده من الملحقية .
 
H

Hadi Alqahtani

:: مسافر ::
لا تشيلي هم العربي اذا رجعت بتلاقي كثير يسوون معها براكتيس
 
H

Hanan Umar

:: مسافر ::
لا تشيلي هم ماشاء الله الاطفال يستفيدو من البعثه اكثر من المبتعث نفسه عادي يقبلوها في المدرسه وراح تستفيد وتنشغل
 
N

Nawl K A Taalhi

:: مسافر ::
الله يوفقكم..
يعني ماراح تنرفض..
الله يوفقكم يارب
 
N

Nawl K A Taalhi

:: مسافر ::
يعني ما اقدم لها تمهيدي دحين..
لان رايحه عالسنه الميلاديه الجديده امكن نصها او اولها
حرام يجي ذي القعده الاطفال رايحين تمهيدي و هي في البيت
 
R

Reem Abdoh

:: مسافر ::
الدراسه هناك جدا ممتعه للاطفال واسهل من الدراسه في السعوديه
انا اعصابي كانت تصير مشدوده ايام ماكنت ادرسهم في السعوديه مرره كانو يتعبوني
ويعتمدو في التدريس عالام عكس امريكا
بالنسبه للتأسيس مرره مهم اذا تلاقي مدرسه اسلاميه او تدرسيها بنفسك
انا العام اخدت كتب من مدارس السعوديه وخليتهم يتطلعم عليها وادرسهم الاشياء المهمه فيها
 
N

Nawl K A Taalhi

:: مسافر ::
و المشكله انا سعوديه و زوجي كويتي بس نحن جماعه واحده
المهم.. اخاف ما يقبلونها اذا رجعت
 
R

Reem Abdoh

:: مسافر ::
روحي وزاره التعليم واسأليهم كيف الاجرأت مع الاطفال اللي بعمر بنتك
لان بنتي كانت سنه اولى وولدي سنه ثانيه وطالعين ثاني وثالث
ولما سألتهم قالو يعادلولهم المواد
يعني زي الرياضيات والعلوم بياخدو نفس المواد تقريبا هيه بس مواد الدين اعتمدي على نفسك في تدريسهم
 
N

Nawl K A Taalhi

:: مسافر ::
Reem Abdoh
بس صديقتي قالت الكويتين او الخليجيين بشكل عام يعاملون معامله السعوديين
 
L

Lola Al-hashmi

:: مسافر ::
فرصة بنتك تدرس في امريكا
وياريت تفيدونا من فين اقدر اجيب كتب مدارس للبنات؟
 
M

Maram Alabaih

:: مسافر ::
بنتك كبيره ماشاء الله تقدر تتعلم اللغتين بمجهود اضافي منك الان هيا عربي ابدئي معاها وجيبي كتب الابتدائي وداكري لها هنا العربي غير أن في مناطق فيها مدارس تحفيظ و لغه تابعه للمسجد تقدري توديها ولمن بترجعي بيختبروها وع حسب مستوها راح يحطوها لأسواء الاحتمالات لو نزلوها سنه عن مستوها وبالاغلب يكون بسبب ضعف التواصل باللغه العربيه اعتبريها كسبتها السنه دي تعلمت انقلش وتجربة واتعلم أشياء أكثر من اللي بسنها
 
W

Wafi Assiri

:: مسافر ::
أول وصولك لأمريكا تكون مستوى رياض أطفال ويقبلونها مباشرة في أقرب مدرسة من مقر السكن وبالنسبة للقبول في السعودية بعد الانتهاء من البعثة هناك نظام صادر من وزارة التعليم بقبول الطلاب مباشرة في نفس الصف الذي تركه في بلد الابتعاث وبطبيعة الحال وجودها معك أفضل ونظام التعليم في امريكا رائع وتفاعلي وتم تخصيص معلمه متخصصة لابني لتطوير لغته.
 
R

Reem Abdoh

:: مسافر ::
واللهي ماعندي معلومات عن دا الموضوع عشان كده بأقولك تروحي تسألي وتطمني بنفسك في قسم نسائي وان شاء الله يساعدوكي
وحابه اقولك ان المدارس مهمه ومساعد للتعليم بس في النهايه المهم ان بنتك تتعلم الاشياء المهمه يعني لا تشيلي هم انو يأخروها سنه وتتلخبط عليها المواد ماشاء الله الاطفال اذكيه ويتعلمو بسرعه اللي فاتهم
انا افكر اخلي اولادي يتعلمو لغه ثالثه كمان ان شاء الله
 
N

Nawl K A Taalhi

:: مسافر ::
مو مشكلة لو اخروها سنه..
خوفي لو ما قبلوها من الاساس
 
أعلى