ارسلت صورة من شهادة الدبلوم في ظرف مغلق ومختوم الى شركة wes عشان المعادله...

S

Saeed M Alshahni

:: مسافر ::

ارسلت صورة من شهادة الدبلوم في ظرف مغلق ومختوم الى شركة wes
عشان المعادله وطلبوا شهادة الثانويه والمشكله انه لما كنت في السعوديه الشهر الماضي ورحت لادارة التعليم قالوا انهم عندهم اوامر بعدم وضع صور في ظرف مختوم من قبل سنه
الان محتار وش اسوي عشان تكمل المعادله
هل ممكن السفارة او الملحقيه في امريكا تصادق على الشهاده و ترسلها لهم ؟
 
F

Fawziah Mohammed

:: مسافر ::
انا قبل في شهر تمنيه السنه دي رحت لادارة التعليم وحطوا صورة التانويه بظروف وختموها وقفلوها لي وعادي
 
S

Saeed M Alshahni

:: مسافر ::
أي إدارة تعليم رحتيها ؟
أنا رحت لإدارة تعليم جده
حسبي الله عليهم والله لايوفقهم إذا كانوا صرفوني
 
A

Abdoh Bakkari

:: مسافر ::
بنت اختي الجامعه طلبو منها زي كذا، أرسلت شهادتها للملحقيه مع دفع قيمة البريد المرسل للجامعه وصدقو لها الشهاده وارسلوها ع الجامعه ع طول، فأحس انت تقدر تسويها عن طريق الملحقيه واطلب استفسار وشوف
 
S

Saeed M Alshahni

:: مسافر ::
يعطيك العافيه وجزاك الله خير
وهذا اللي راح اسويه
 
A

Abdoh Bakkari

:: مسافر ::
الله يعفيك وان شاء الله تتسهل امورك وهذا الي مؤمن به بس ماابغي اوهقك بكلامي
 
A

Arwa AL-rehaili

:: مسافر ::
الملحقيه حتعملها بس WES ماحيقبلوها

انا سارت معايا والملحقيه رسلتها و WES رفضتها بحجة ان الختم من داخل امريكا وهما يبغوها من الجامعه في السعوديه سيدا عليهم..

طبعاً الجامعه ماترسلها دولي فاخدها الوالد الله يحفظه ووداها لفيديكس وارسلها على عنوان WES في امريكا ومهم دارين الجامعة ارسلتها ولا طرف اخر المهم شافوا الختم انو من السعوديه وسكتوا..

نصيحه لاتضيع وقتك وسويلهم الي يبغوه
 
A

Arwa AL-rehaili

:: مسافر ::
صورة واضحه من الاوراق الي يبغوها مصدقه كلها ومحطوطه بظرف مغلق ومختوم على مكان القفل
 
S

Saeed M Alshahni

:: مسافر ::
اخت أروى انا اتكلم عن شهادة الثانويه مو الجامعه لانه شاهدة الكليه جبتها في ظرف مختوم وراستها وقبلوها بس باقي شهادة الثانويه وهي اللي موقفه كل شي الان
 
A

Arwa AL-rehaili

:: مسافر ::
طيب انا فاهمه والطريقه تنطبق على كل الشهادات ماحيقبلوها من الملحقيه
 
S

Saeed M Alshahni

:: مسافر ::
كذا أجل ما في مجال غير أني أرسلها للسعوديه عشان اخوي يروح إدارة التعليم
المشكله أنني كنت عندهم في رمضان في شؤون الطلاب وقالوا أنه عندهم اوامر ما يحطوها في ظرف ويختموها
إذا فيه احد يفيدنا في اي قسم يسووا كذا في إدارة التعليم
 
S

Salem Alsaif

:: مسافر ::
سامحني اخوي بس عندي سؤال: ليش طالبين منك شهادة الثانوي؟ أنت لسه هتقدم عليهم جديد؟
 
F

Faisal Fahad Assas

:: مسافر ::
السلام عليكم
والله يا اخ سعيد انا أرسلت بي كل الطرق اللي ذكروها الاخوان مره ظرف مختوم من الملحقيه ومرتين عن طريق الجامعه
وللأن يرفضوها بحجة الأوراق غير واضحه ،
مع أني ارسلتها لهم ٣مرات مرتين ملونه ومره ابيض واسود ويرسلون لي نفس الرد ، ف الله المستعان بس
 
A

Arwa AL-rehaili

:: مسافر ::
Wes شركة معقده لو تلاقوا شي تاني معتمد زي Wes يكون افضل انا مره تعبوني 3 اشهر الين خلصولي اموري
 
F

Faisal Fahad Assas

:: مسافر ::
الجامعه طالبه wes
المشكلة أني أرسل لهم استفسار عن المشكلة
يردون ردود عامه .
السؤال هوا لو أرسلت لهم الشهادات الاصيله هل يردونها ليا؟ولا خلاص تروح عليا الشهدات
 
S

Saeed M Alshahni

:: مسافر ::
أنا سجلت ودفعت المبلغ وطلبوا الأوراق وارسلتها لهم قبلوا شهادة الدبلوم ورفضوا شهادة الثانويه وموفقين المعادله الين ما اسوي اللي يبغونه
 
S

Saeed M Alshahni

:: مسافر ::
لا ترسل لهم الاصليه
هم قايلين يبغوا صور
وما راح يردوها لك
 
أعلى