السلام عليكم المرافق يبغى يحول فيزته من اف ون الى اف تو، كيف نقدر نغيرها...

K

Kholoud Alharbi

:: مسافر ::

السلام عليكم
المرافق يبغى يحول فيزته من اف ون الى اف تو، كيف نقدر نغيرها ونروح لمين بالضبط؟؟؟

بانتظار ردودكم جزاكم الله خير
 
S

Sultan Mohammed

:: مسافر ::
انصحكم ترجعوا السعودية وتغيرونها من هناك لان اذا جئتوا تغيرونها تأخذ فترة ٤ شهور وإذا معزمين تغيرونها هنا مكتب الإنترناشونال في الجامعة او المعهد يقوم بنصف المهمه ( يتواصل مع الاميقريشن ويعبون النموذج معاكم ويرسلونه )
 
K

Kholoud Alharbi

:: مسافر ::
واذا خليناها زي ماهي وهو ماراح يدرس يصير مشكله؟
 
S

Sultan Mohammed

:: مسافر ::
تصير مشاكل
راح يكنسلون الفيزة وإذا المعهد بلغ الاميقريشن احتمال يطبون عليكم في البيت و ع المطار
 
K

Kholoud Alharbi

:: مسافر ::
مستحيل نرجع السعوديه الحين مافيه امكانيه، فاللي علينا فقط نتكلم مع المعهد تبعنا ونعبي ورقه وهم يكملون الباقي، وبس كذا؟
 
S

Sultan Mohammed

:: مسافر ::
أنا انصحكم تكلمون الإنترناشونال اوفس وتشرحون الوضع لهم وهم يعطونكم الحلول
بعض المعاهد تتغاضى اذا عرفت ان الشخص مرافق وماله خلق يدرس (يسلكون له ) ما يددقون بالحضور والغياب
 
K

Kholoud Alharbi

:: مسافر ::
اها لكن بتصير مشكله لو حبيت انقل الى معهد اخر فالافضل تحويلها على ما ظن
 
S

Sultan Mohammed

:: مسافر ::
آيه أنا انصحكم تحولونها أفضل علشان تبعدون عن المشاكل وفي غير ديرتك حاول قدر المستطاع تبعد عن المشاكل علشان تريح مخك
 
S

SaMir Al Qarni

:: مسافر ::
من واقع تجربه....الأمور سهاله لو تبغوا تغيريها من امريكا ..تجمعي جميع المطلوبات والسندات+شيك بي ٣٩٠ تقريبا ..وترسل بالميل الي عنوان الامقريشن..وخلال أسبوعين بالكثير راح يرسلوا لكم إيصال انهم استلموها ..وبهذا الإيصال يعتبر اخوك نظامي اخد مايجي الرد النهائي بعد ٣ شهور تقريبا ...والأمور سهاله
 
S

SaMir Al Qarni

:: مسافر ::
بس الأفضل تغييرها من السعوديه ...لانه لو غيرها من امريكا ..مارآح يقدر يسافر منها الا لمن يغير الفيزه من جديد ..لأننو تغيير الفيزه من امريكا مجرد ورقه فقط قانونيه تحميك ..لأمن في الجوار مارآح يغيرووا الفيزه فراح تضطري تغيريها بالسعوديه
 
K

Kholoud Alharbi

:: مسافر ::
طيب وبعدين لو جاب قبول وحب يدرس بعد سنه هل اقدر ارجع فيزته اف ون وللا بيكون صعب؟
 
S

SaMir Al Qarni

:: مسافر ::
اهم شي تأكدي من محرمك في راْسه دراسه او لا ...اذا راح يدرس ..فشوفي له اي معهد رخيص ع بال ماتلاقي قبول ..وإذا مارآح يدرس فغيروها من السعوديه أفضل او من امريكا
 
K

Kholoud Alharbi

:: مسافر ::
صح عليكم هو الافضل من السعوديه بس انا توي جايه ماقدر ارجع عشان بس تغيير الفيزا، فتنصحوني اعلم الانترناشونال اوفيس وخلاص؟
 
S

SaMir Al Qarni

:: مسافر ::
فيزه اف١ لابد يكون دارس مهما كانت الظروف والانترناشىنال مارآح يفيدك بشي...بس مايضر تكلميوهم...وإذا بالمره غيرو الفيزه من امريكا ولمن ترجعوا السعوديه قبلها بشهر اعملو موعد في للسفاره علشان تغيريها ويقدر يدخل امريكا مره ثانيه
 
أعلى