السلام عليكم ورحمة الله وبركاته انا ان شاء الله دراستي بعد شهر ويوم جيت...

O

Om Azoz Ana

:: مسافر ::

السلام عليكم ورحمة الله وبركاته
انا ان شاء الله دراستي بعد شهر ويوم جيت احجز التذاكر اكتشفت انو بعد ما اسافر لامريكا يكون باقي ع جواز بنتي ست شهور واسبوعين وينتهي
هل مسموح ؟ او ممكن تصير علي مشكله بالمطار
انا بحاول اجدده بس المشكله زحمه الجوازات واعطوني موعد بعيييد مره قبل سفرتي بكم يوم مالحل؟
 
A

Alhussain Alhamid

:: مسافر ::
مافي مشكله. اذا انتها وانته خارج المملكه. السفاره تعطيه ورقه ترجع فيها. بس لازم تكون داخل اي دوله قبل ما ينتهي الجواز ب ٦ شهور.
 
A

Ahmad Alabdali

:: مسافر ::
مثل ما قال اخوي الحسين ما فيه اي مشاكل ان شاء الله.
وايضاً لك خيارين اذا بغيتي ترجعي السعودية على خير.
١- تمديد لمدة ست أشهر وهو عبارة عن ختم في الجواز مكتوب فيه تمديد من اقرب قنصلية لك.
٢- وثيقة عبور او مرور
ادخلي موقع السفارة السعودية وتحصلي بالعربي "خدمات المواطنين" تلقي فيها كل المعلومات اللي تحتاجينها. رحلة موفقة
 
Y

Yaser Algabasani

:: مسافر ::
نصيحة لانروح الاونت مجدد جميع جوزاتك لو انتها جوازك اوتشيراتكم ونتا في امريكا لاتستطيع الخروج من امريكا لحين تجديد الجواز او التشيرة ونتا مسافر ماتدري اش يجد عليك في بلدك خلك في الوضع السليم جدد جميع جوزاتك وخذ تشيرات جديدة بي مدة الجواز ولله يسر امرك
 
A

Alhussain Alhamid

:: مسافر ::
اذا ما يمديك تجدد و رحلتك قريبه. سافر و توكل على الله. اي سفاره سعوديه تخدمك على طول ما تأخذ يوم او يومين
 
A

AL-Hamdan Mohammed Ali

:: مسافر ::
روحوا إلى مكتب الجوازات و اشرحوا وضعكم و بإذن الله سوف يتم تجديده في أسرع وقت.
 
A

Albeshi Jebryl

:: مسافر ::
احجزي تذاكرك عادي.. سجلي في نظام ابشر التسجيل ياخذ اقل من عشر دقايق وفعلي موضوع البصمه او الولي الشرعي... ويجدد الجواز ٧٣ ساعه و جوازك جاهز.... يمديك
 
O

Om Azoz Ana

:: مسافر ::
Albeshi Jebryl البنت صغيره ماعندها هويه لحالها ؟ كيف استخدم لها ابشر
 
A

Alhussain Alhamid

:: مسافر ::
هل هيا خارج المملكه ؟ ام في المملكه. اذا خارج المملكه اول شي تسجل في السفاره. و يرسل شهاده الميلاد و من ثم السفاره ترسل لها وثيقه سفر. الين ترجع المملكه
 
O

Om Azoz Ana

:: مسافر ::
لااا انا باجازة الصيف وان شاء برجع للدراسه واليوم اكتشفت ان جوازها قريب ينتهي عمرها خمس سنوات Alhussain Alhamid
 
A

Alhussain Alhamid

:: مسافر ::
اذا روحي اقرب سفاره سعوديه. و يعطوها وثيقه سفر.
 
A

Albeshi Jebryl

:: مسافر ::
Om Azoz Ana ابوها الي يسوي الموضوع هذا هي تابعه له.. مايحتاج هوية خاصه فيها
 
A

Albeshi Jebryl

:: مسافر ::
طيب ادري.. تجدده من هنا قبل تسافر وخلاص عندها شهر و الجواز يخلص في ثلاث ايام
 
A

Alhussain Alhamid

:: مسافر ::
ممكن يا اخوي اذا كان عندها وقت و الجوازات مهي زحمه في الصيف.
 
A

Albeshi Jebryl

:: مسافر ::
عزيزي.. انا اتكلم عن ابشر.. كل الموضوع اليكتروني ايش دخل الزحمه في الموضوع... فقط يروح الزوج او الاب ويستلم الجواز بعد ثلاث ايام عمل و انتهى
 
O

Om Azoz Ana

:: مسافر ::
ابشر مايسمح لي اجدد سبق وان جرب زوجي للاسف والجوازات مواعيدها فل مافي الا قبل رحلتي بكم يوم ع الشهر القادم يعني مو مضمون ابدا مافي الا نروح ونكلمهم نجرب
 
أعلى