نداء إنساني عاجل :) للي سبق لهم السفر لتركيا.. انا ناوي انظم رحلتي براحتي...

B

Bebo Ahmed

عضو

نداء إنساني عاجل :) للي سبق لهم السفر لتركيا..
انا ناوي انظم رحلتي براحتي واعمل التأشيرة والتصريح الأمني براحتي بارضوه...
انا شوفت على سكاي سكانر الطيران من الغردقة لاسطنبول
ذهاب 25/9 والعودة 5/10 السعر لفردين ومعاهم طفل 440 دولار، لو روحت اي شركة سياحة تحجزلي وادفع لهم؟ ولو لقدر الله حصل حاجه هل استرد فلوسي من بيجسوس؟

انا عايز فندق سعره كويس جدا ويكون أمن ممكن ترشحيلي اسم فندق يكون سعره رخيص؟ وهل الدفع بيكون هناك ولا اكلم شركة سياحة وادفع لهم +عمولة..
الفسح بقى مرحلة لسه بادري عليها اخلص الأول من المهم والباقي واضح انه سهل..
اللي يعلق بلاش يتوهني ارجوكم علشان انا لا أفقه شي في موضوع الحجوزات
 

K

Khaled Badry

عضو
اول شيء بلاش تحجز حاجة الا لما تمسك اوراقك في ايديك , يعني الفيزا اولا وبعد كدة لو ضامن التصريح ممكن تحجز , بيجاسوس مش هيدولك مليم لو كنسلت :D وشركات السياحة مش هتضيف اي شيء ولا تقدر ترجعلك فلوسك , لو هتحجز علي طيران تاني يبقي فيه كلام تاني .
 
A

Ahmed Abdelhalim Ibrahim

عضو
بيجاسوس مفيش مرتجعات ..بتشترى وزن مالكش غير شنطه ع الطياره 8 كجم ....خد الاول الفيزا ..وميزة فيزا تركيا انا لمد ستة شهر يعنى لو رحلتلك بعد 5 شهور ممكن تتحرك من دلوقتى وتطلعها وبعدين تحجز حجز موكد ...فيه شركات بتحجز فيها وليهم ابلكيشن بتحجز منه
بخصوص الفندق هناك الفنادق وى اكشاكوالبقاله فى مصر ...كل شارع فيه 10 فنادق وبيتكلموا عربى فى الرسبشن وممكن لما تروح هناك تقوله عايز اتفرج على الغرفه ومحدش هيعترض براحتك ...وقوله جاى بكره
وبصفه عامه فنادق اركيا كئيبه سواءىالغاليه او الرخيصه ....لو شاب لوحده هنصحه ينزل هوستل هارمونى او نيو وان هوتل
 
M

Mahmoud Ali Aldin

عضو
اسعار بيجاسوس من مصر لتركيا عامله ايه
 
B

Bebo Ahmed

عضو
انا شوفت سعر كويس شهر 9 ع طيران agean اليوناني، ترانزيت أثينا، هل لازم تأشيرة ترانزيت، ولو 8 ساعات ممكن ادخل أثينا الفسح شوية؟
 
N

Nody Metawe

عضو
اعتقد حضرتك تخلص الاول اجراءات الفيزا واستخراج التصريح الامني لانهم اصبحوا اصعب من ذي قبل
وفيه معلومة ان الفيزا اصبحت صلاحيتها ثلاثة اشهر مش ستة اشهر
وكمان التامين الصحي اجباري يكون ثلاثة شهور مش مده الرحلة وده عشان حضرتك تاخد بالك من النقاط ديه
وبالنسبه للحجوزات في فنادق كويسه ومناسبه كاسعار وكخدمة وكموقع
لكن نصيحة الحجز من النت بيحصل من وراه مهازل لاحصر لها
يعني المواقع اللي بتكون منزله الاسعار بتاعت الفنادق بيحطوا صور لاعلاقة ليها بالوقع في اغلب الاوقات وبيكون الاماكن لاتصح للسكن او بعيده جدا عن المواصلات وده بنسبة كبيره جدا
فرجاء حضرتك تحجز من مكان موثوق فيه
ودية مجرد نصيحة
 

المواضيع المشابهة


أعلى