لو سمحتوا مميزات وعيوب مصر للطيران يا جماعه من...

A

Alaa R. Ahmed

عضو

لو سمحتوا مميزات وعيوب مصر للطيران يا جماعه من ناحية الطياره والطيار والكرو اللي موجود ايه ، انا السنه اللي فاتت حجزت ع الجزيره وكانت حاجه قرف والله + انا رحلتي ان شاء الله هتبقى يوم ٧ اغسطس الساعه ١٢ ونص بليل لو فيه حد هنا على نفس الرحله
 

A

Amr Elfar

عضو
بص مافيش شركة طيران بتديك كل حاجة كل حاجة بتبقي باكدج
انا شخصيا شايف ميزه مهمة جدا في مصر للطيران انها بتديك وزن شنطتين ٢٣ غير اللي في ايدك
ومن مميزات مصر للطيران سهوله تعديل الحجز وبفلوس مش كتير
ومن المميزات التانيه انك ممكن تسافر بلد وترجع من بلد تانيه وساعات كتير لو حبيت اغير الحجز بسهوله بالتليفون او وانا برة مصر بالتليفون ببعت اي حد لمكتب مصر للطيران يدفع الفلوس ويغيرلي
 
A

Amr Elfar

عضو
بالنسبه للاكل والمعامله بصراحة الاكل مش حلو اوي بس لما ركبت علي شركات كتير مالقيتش فروقات فظيعه وساعات في شركات تانيه بيكون ذوقة مش حلو زي اكل الاماراتيه
 
A

Amr Elfar

عضو
انا بتبهدل علي الاماراتيه وبتمرمط في موضوع الوزن لان كراكيبي كتير وهما صعبين جدا في الوزن
 
M

Mahy Maria

عضو
الكويتيه طيارتها متوسطة بس واسعة والكرو معظمهم عرب وكويسين
 
D

Dr-samar El Shaer

عضو
مصر للطيران كويسه انا ركبت كذا طيران مفيش فرق فظيع يعنى بين مصر للطيران واى شركه تانيه
و زوجى ركب مصر للطيران مسافات طويله بيقول انها افضل من المسافات القصيرة
 
M

Mervat Amin

عضو
طالما حجزتى اتكلي علي الله وتفاءلي خير كل رحله ولها ظروفها عن تجربه يعنى مره ركبت علي الجزيره كانت ممتازه ومواعيد مزبوطه ومره القطريه اتعطلت ست ساعات وفي الاخر نزولنا وبعتوا لنا طيارات تاني يوم الصبح مع ان الطياره واسعه وعليها تاب والخدمه ممتازه ومصر للطيران مره كانت مزبوطه ومره تاني وزنا من الساعه8 الصبح والطياره اتحركت واحده الظهر والكويتيه كان لي معاها تجربه وحشه جدا بردوا فمفيش مقياس والرحله كلها ثلاث ساعات ويعدوا اهم حاجه السلامه
 
M

Mona Moussa

عضو
تقريبا اسوأ تجربة سفر في حياتي كانت على مصر للطيران...عليهم قلة ذوق ليهم وللزمن حتى المضيفات على الطيارة
 
M

Mostafa Mohamed

عضو
بصراحة مصر للطيران أحسن كتير من كل الطيران العربي ماعدا القطرية و الاماراتية
الاكل ممتاز الطيارين ممتازين
الكرو من الاخر حسب الشخص يعني لو انت محترم بيكونوا كويسين لو مزعج و كل شوية طلبات أو مفكر نفسك في كافيه معاملتهم بتكون مش حلوة
الطيارات بقي و ده الأهم بظروفها مرات كويسة و مرات زفت
إجراءات الأمان بالنسبة لباقي الخطوط تحت الصفر
 
M

Marwa Ahmed

عضو
بالنسبالى اسوأ شركة طيران هى مصر للطيران فى كل حاجة
 
A

Ahmed Badrul Radzi

عضو
كله بقي شبه بعضه الكويتيه زي ألجزيره زي مصر الطيران !!!! الفرق بس ف عدد الكيلوات !!! لكن نفس الشكل
 
A

Ahmed Magdi Elshafey

عضو
والله يا فندم هي حظوظ احيانا بتكون كويسه واحيانا بتكون سيئه بس بالمقارنه مع طيران الجزيرة فهو علطول بيكون سيئ . رحلة مصر للطيران من الكويت للقاهره بتكون في الاغلب سيئة وغير مريحة بس من القاهره للكويت بتكون افضل والتاريخ اللي حضرتك هتسافري فيه ده المطار مش هيكون زحمه ولا حاجه حضرتك اكيد شايفه الشوارع بقت فاضيه ازاي
 
S

Salwa Alex

عضو
هى كانت كويسة لكن مؤخرا بيتأخروا فى معظم الرحلات , والمضيفين اغلبهم معاملتهم وحشة جدا والطيارين حتى مختلفين عن قبل كدة كأنك راكب ميكروباص مش طيارة , بس فى رحلات قليلة بتبقى كويسة
 
M

Mohamad Elshafey

عضو
الجزيره طيران اقتصادي اساساً مينفعش تقارنيه بشركات كبيره زي مصر للطيران والاتحاد والقطريه وغيرهم
مصر للطيران مش حلوه اوي ومش وحشه برضه ،، متوسطه
 
R

Rehab Trahony

عضو
الطيارين في مصر للطيران ممتازين.. المشكلة في الضيافة هي اللي دايما عليها ملاحظات
انا كان ليا تجربتين مع مصر للطيران واحده منهم كانت مسافه طويله رجوع من اندونيسيا وكانت ممتازة جدا طقم الضيافة كان محترف واحسن من شركات كتير.. والتجربة التانيه كانت ذهاب واياب لجنوب أفريقيا وبصراحه مكانتش كويسه طقم الضيافة كان سيئ جدا بشهادة ناس كتير علي الرحله مش انا بس.. يعني الخلاصه ان الضيافة في مصر للطيران بتكون بالحظ انت وحظك في المضيفات " وخصوصا المضيفات مش المضيفين " اللي هيكونوا في الرحلة
 

أعلى أسفل