السلام عليكم و رحمة الله و بركاته يا جماعة...

M

Mohamed Khalil

عضو

السلام عليكم و رحمة الله و بركاته يا جماعة الخير، ، ايه رأيكم كل واحد يشارك بقصة اول وظيفة في بدايته في رومانيا او تغلبه علي صعوبة في ايجاد العمل لتعطي بعض النصائح و بصيص الامل لاخواننا الجدد في رومانيا او فكرة يستغلونها في بدء حياتهم، العمليه!!

وأبدأ انا بقصة اعتقدها ظريفة، مرت علي فترة تركت بها العمل لبعض الأسباب التقنية في مجال العمل، و وجدت صعوبة في إيجاد عمل سريع، ففكرت ماذا افعل و انا لدي طفل وبلا عمل، و بما اني من دارسي الكمبيوتر دراسة و هواية، قادني تفكيري، إلي أن معظم العرب هنا في رومانيا من ضعاف التعامل مع الكمبيوتر، فكتبت ورقة و طبعت منها 200 نسخة لإصلاح اعطال الكمبيوتر في المنزل و تركيب الويندوز و برامج تعليميه او كورسات لطفلك و بالفعل وقفت بالأوراق أوزعها علي المصلين بعد صلاة الجمعة في مسجد طيبة و الله الذي لا اله الا هو لم استطع الملاحقة علي الطلبات وكنت اركب الويندوز ب 80 الي 100 لي و كان رزقي يوميا حد ادني 200 لي إلي 400 و لله الحمد و من هذا العمل البسيط تمكنت من شراء سيارة استخدمها في تلبية احتياجات الزبائن و و لله كفيت بيني و استمريت مدة العمل عامين إلي أن من الله علي بوظيفة في شركة اوراكل بمرتب لابأس به ابدا و الحمد لله رب العالمين، المقصود من قصتي اولا إيجاد الأمل و ثانيا ابحث عما تحب بداخلك ربنا يحتاجه الناس
 

A

Alber Samir

عضو
كنت بروح اقعد مع واحد صاحبي في مطعم عربي ، وكنت مصاحب الناس كلها وفي مره اتفقوا مع مطرب يجي يغني في حفله راس السنه والمطرب ماجاش علشان كان عاوز فلوس اكتر علي ما اتذكر ، و كلمت صاحب المطعم قولتله انا هغني ومش هاخد منك فلوس وحط في بطنك بطيخه صيفي , ماكنشي مقتنع خالص اني هقدر اعمل كده كان فاكرني بنخع عليه ، بس سمع صوتي وقرر يديني الفرصه علشان يوفر ال ٣٠٠ ولا ال ٤٠٠ يورو اللي كان هياخدهم ، وانت استغليت الفرصه وكان قدامي ٢٤ ساعه بس اجهز فيهم الاغاني ، وروحت وغنيت والناس كانت مبسوطه فوق مانا توقعت وخدوا ارقامي وجالي ساعتها اوردرات كتير وفضلت اغني في كذا حته وحفلات خاصه والحمدلله , ولو اني مشيت من رومانيا كنت هطلع علي التلفزيون الروماني وكنت بدأت في أعمال مع ناس مطربين هناك بس مافيش نصيب , بجانب كل ده اتعلمت صنعه الشيشه من واحد هناك واشتغلتها فتره كبيره اوي كشغل جانبي ودخل اضافي ،
وده يادوب نبذه صغيره اوي من اللي حصل معايا هناك ،
 
E

Elexes Abdo Eglan

عضو
انا والعياز بالله من كلمه انا فضلت سنتين طبعا من غير شغل وده بسبب المكان الي كنت عايش فيه وكان بعيد عن المدينه وبعد كده ارسلت السي في لكل مكان ف رومانيا ولكن بعد سنتين من الطبيعي ميبقاش معايه فلوس حتي اروح لبوخارست مثلا عشان اعمل الانترفيو ده لو كان حد اصل اتصل وبعد كده تواصلت مع اصدقائي في خارج رومانيا ولي صديقه المانيه وكان ليها صديقه رومانيه شغال ف منظمه لحمايه الحيوان وبالفعل اتصلت بيها بس حتي الحيوانات رفضوني هههههههه وبعد كده قلت مش مشكله كلمت بعد شخص عربي عنده مزرعه اغنام وبعد ما اتصل بيه وحصل بيني وبينه مكالمه هاتفيه قالي انا اسف انت شكلك ابن ناس ومش هتعرف تشتغل قلتله ياعم شغلني جمب اي معزه ههههههه ومع ذلك رفض قلت مش مشكله وبعد كده رحت باريس واتعرفت ع ناس هناك جابتلي شغل في شركه حلال هنا و كان لي صديق من اول ما جيت رومانيا اتعرفت عليه ع النت وكانت ظروفه صعبه جدا ولما رئيس شركه الحلال اتصل بيه الحمد لله فضلت الشغلانه لصديقي عني وقلتله انا هستحمل تاني مش مشكله وخصوصا مر سنتين بدون عمل ومصاريف والحمد لله الراجل قالي انت شكلك جدع وتعالو انتو الاتنين ودي كانت اول شغلاننه طبعا مكنتش اعرف رومانيا خلال3 شهور اتعلمت اللغه وبقيت المتعاقد الرسمي للشركه الفرننسيه داخل رومانيا والحمد لله بقيت نائب رئيس الفرع برومانيا والحمد لله جتلي فرصه احسن بعد سنه وشويه ف بوخارست والحمد لله علي كل شيئ :) وللاسف مكنشي في جروبات للعرب ف رومانيا او اي سبل تواصل مع ابناء الجاليه او التواصل مع العرب ومن هنا جيت الفكره اني اعمل الجروب عشان نساعد بعضنا ان شاء الله ونقدم الدعم لبعضنا البعض وان شاء الله متواصلين المهم عدم اليأس ودائما خليك مع ربنا
 

المواضيع المشابهة


أعلى