ايه مميزات وعيوب العيشه في دهب؟ ولو ف بنات...

H

Heba Adham

عضو

ايه مميزات وعيوب العيشه في دهب؟
ولو ف بنات قدرت تستقر هناك تحكي لنا تجربتها سواء كانت تجربه ناجحه او لاء
 

E

Emad Hamdy Ebrahim

عضو
التجربة شيقة بس احساس انك وحدك جوا بلدك مع ناس مصريين كتير جدا شغالين ...بيخلي الدماغ تشطح بيهم ..تحسي انك مراقبة طول الوقت...انا كنت في السياحة كام سنة وعمري ما حبيت استقرار هناك...ربنا معاكي
 
A

Adham EL Shekheby

عضو
هي الفكرة أن العمل هناك محدود ودخله قليل
انا في زيارة لدهب حاليا وعندي فكرة لا بأس بيها عن الدنيا هناك
 
S

Shirin A. Rahman

عضو
صعب جدا تعيشي لوحدك هناك علي الأقل مجموعة بنات ،لانة حاجة غريبة في مجتمع شرقي و اول سؤال هيبقي رايحة لوحدك ليه طب ما تشتغلي في القاهرة جنب اهلك،ده غير المضايقات اليومية و متنسيش ان دهب مجتمع بدوي فمتتغريش بالاجانب اللي هناك و تفتكري ديه اوروبا
 
M

Mai Abbas

عضو
فيه حضانات أطفال هناك وبتقدم استضافة ومستواها كويس؟
 
O

Ossama Gamal

عضو
لو حد قرر يعمل رحلة استكشافية للموضوع ده انا معاه..
 
A

Ahmed Ali

عضو
انا عايش ف دهب احكي ليكم عن مميزات وعيون الاقامه في دهب من وجهه نظري
وطبعا كل إنسان هيكون شايف مميزات وعيوب غير التاني :
المميزات :
الهدوء والاستجمام وراحه البال
البلد صغيره ف مش محتاج مواصلات داخليه وزحمه وقله أدب سواقين ال مكروباصات عايش حياتي بالعجله
احنا هنا ف عالم متفتح شويه عشان عايشين مع أجانب يعني محدش بيدخل ف حياه التاني
وده لحد ما كويس عن باقي المحافظات
العيوب :
بعد المسافه عن القاهره
مافيش خدمات طبيعه وأقرب خدمات ف شرم الشيخ يعني لو محتاج تكشف هتسافر شرم الشيخ ساعه عشان تروح تكشف في مستشفي شرم
جو حر جدا ف بعض الأوقات ورطوبه عليه ف لازم تكيف يبقي كده دفع فواتير الكهرباء هتبقي غاليه
الروتين اليومي والملل في حاله لو مافيش حاجه جديده بتعملها أو بتخرج مع أصحاب أو بتتعرف علي أصحاب جدد
انك تعيش حياه مستقله وتعمل اكلك وشربك وكل حاجه دي شويه مش سهله
ولو حد عنده أي سؤال يسأل
 

أعلى أسفل