مين جرب يسافر بلغاريا يكلمنا عن العيشة هناك...

A

Abdallah El Fouly

عضو
#1

مين جرب يسافر بلغاريا يكلمنا عن العيشة هناك والأسعار؟
هل التأشيرة صعبة؟
لو بقارن بينها وبين تركيا .. مين فيهم أفضل في طبيعة الحياة؟
حد جرب ياخد جولة في البلاد دي بري/جوي منخفض التكلفة (بلغاريا- صربيا - تركيا- رومانيا - كوسوفو)
ايه الصعوبة اللي واجهته؟
مين جرب يسافر بلغاريا يكلمنا عن العيشة هناك... 341098 المسافرون العرب
 

H

Ha Ni

عضو
#7
كل الي اعرفه انهم امة بطبعها الغالب عنصريين ضد العرب والمسلمين خصوصا لكن عندهم مناطق سياحية حلوة جدا اسمها مش خاطرلي حاليا لللاسف
 
O

Omar AbdEl-Aziz

عضو
#11
و الله فعلاً انا مش عارف انتوا بتعملوا كده في نفسكوا ليه؟!!!
مفيش حاجه اسمها سفر رخيص في المطلق كده
انت بإيدك تخلي سفرك رخيص لو رحت سويسرا و بآيدك تخليه غالي لو رحت السودان
البلاد بتاعة اوروبا الشرقية بلاد زبالة الزبالة و لو اتدفعلي فلوس اقسم بالله العظيم تلاتة ما هروح تاني
اكبر كذبة الناس كذبتها و اتصدقت انها "رخيصة"
لو مشكلتك التأشيرات روح اندونسيا و تايلاند او حتي المغرب
بس بلاش والنبي تروحوا الاماكن ديه عشان دول زبالة البشر عن تجربة
 
ع

عبدالله بن خالد

عضو
#13
الدول اكتر دول عنصريه شرق اوربا عموما
 
N

Nour Tamimi

عضو
#18
مساء الخير، ده تعديل لبعض الاخطاء الشائعة و المتداولة عن أوروبا الشرقية و بلغاريا خصوصا .. انا زرت بلغاريا اكتر من 15 مرة الى جانب سفري ل17 دولة أخرى .. زرت بلغاريا ما بين 2009-2017 و حاليا مقيم هناك ما بين مدينتي بلوفديف و صوفيا .. بلغاريا لا توجد بها عنصرية او فساد كما ذُكر من الاخ الكريم .. كل ما في الامر ان اي شخص لو حصل له موقف صغير مش لطيف هيعمم و هيلعن البلد و ده مش صح لكن احنا كمصريين بطبعنا بنحب نهول و نكبر المواضيع و ده راجع لعدم نضج فكري للمجتمع ككل، عامة انا زورت بلغاريا اكتر من 15 مرة علشان اخد القرار ني استقر فيها و لا لا .. بلغاريا دولة منضمة للاتحاد الاوروبي في أول مايو 2007 و شعبها حوالي 6 مليون نسمة أو اقل .. بلغاريا حققت أكبر نسبة نمو اقتصادي في الاتحاد الاوروبي في 2015 طبقا لتقارير المؤسسات الاوروبية المعنية بهذا الشأن .. في ضوء خبرتي المتواضعة لم ألمس أي مظاهر عنصرية أو كراهية تجاهي مع العلم اني مصري - مسلم و اسمي نورالدين محمد يعني نورالدين و كمان محمد ده كفيل يشعل فتيل الكراهية و العنصرية و الروح العدائية .. الخ في نفوس الاشخاص المتعاملين معايا في المصالح الحكومية او الشارع او العمل .. لكن لم المس من الفترة بداية من 2009 حتى الان اي مظاهر من السالف ذكرها و انا مقين الان هناك .. لكن واحد زار بلغاريا 4 ايام و اتحجز برا لحاجات واردة جدا ان اسمه متشابه مع واحد ارهابي مثلا او واحد على قوايم الترقب أو حد شاف بوست لرحالة مشهور عن اوروبا الشرقية علشان حصلتله مشكلة خلاص يبقي بلاد وحشة و فلتسقط بلغاريا !! انا زورت بلغاريا مرات عديدة لم يستوقفني أحد بالرغم من اسمي و بلدي و كان ولازال مكتوب في جواز السفر طالب ! يعني و لا مستثمر و لا رجل اعمال و لا مدير مش عارف ايه .. الناس بيتعاملوا بإحترام و رقي المواصلات العامة حاجة فخمة جدا و سعرها بسيط ، الشرطة بتتعامل ب‘حترام و 90% منهم في المدن الكبرى بيتكلموا انجليزي .. المصالح الحكومية البتحتك بالاجانب او العقارات او اي شئ يمس مصالح الاجانب بيتكلموا اكتر من 5 لغات .. بالاضافة الي ان بلغاريا و بكل صدق و في ضوء تجربتي الشخصية تقدر تعمل فيها مشروع بتاعك و تأسس شركة بمبلغ هزيل جدا و تبدأ تشتغل و تدر ربح من أول سنة و ده انا مجربه مش بحكلكوا عن خيال او حاجة قريتها .. بلغاريا الدولة الوحشة الفقيرة الغجرية و الجربوعة ده احتضنت مصارع مصري مكسور و محتاج عمليات و صرفت عليه بعد ما تخلت عنه بلده بكل مؤسستها و وصلته انه ياخد بطولة أوروبا ! اخيرا انا بشبه كلام الاخوة المحترمين قبلي بكلام الرجل الفاضل رئيس اتحاد المصارعة المصري القال بالنص بعد ما بلغاريا جنست المصارع المصري و خد بطولة اوروبا : ايه بلغاريا ده ده دولة شيوعية فقيرة و احنا هنطالبها بالتعويض ! .. انا هكتب مجموعة بوستات في هذا الصدد لكن منعني و للأسف التحضير لزيارة بعض الاصدقاء من مصر الحبيبة ... في النهاية و بكل أمانة أحب اقول حرروا فكركم شوية و اتمنى التوفيق لكل الاعضاء و تحياتي و احترامي من مدينة بلوفديف البلغارية عاصمة الثقافة الاوروبية 2019.
 
H

Hmood Aljarba

عضو
#19
ممكن اعمل بيزنس بأوروبا الشرقية مثلا بولندا وهل ينجح؟
 
N

Nour Tamimi

عضو
#20
انا مقيم في بلغاريا و معنديش اي فكرة عن اجراءات و قوانين و تسهيلات بولندا اسف