بكتب تجربتي السيئة جدا مع شركة طيران Air Cairo...

M

Mazen Tarek

:: مسافر ::
بكتب تجربتي السيئة جدا مع شركة طيران Air Cairo
و تجربة العودة بالذات أسوأ من الذهاب بكتير أوي ..

في الاول كدا أنا كنت مسافر اليوم الجمعة 23 يونيو لجدة في السعودية لعمل عمرة كانت الطيارة المفروض الاقلاع يكون الساعة 9:30 صباحا من مطار برج العرب اكتشفنا في المطار بعد ما أخدت الBoarding Card على الساعة 7:30 صباحا و ختمت الpassport ان الطيارة اتأجلت للساعة 11:30 ! يعني هفضل متذنب في المطار اربع ساعات كمان المهم مش مشكلة و استحملت و ركبنا 11:30 ووصلنا الحمدلله ..

بالنسبة للعودة بقى السيئة جدا جدا العودة بقى أنا كنت حاجز عودة من الرياض لاني سافرت للرياض بعد العمرة عشان أقعد مع أسرتي في الرياض.. المهم الحجز كان ان العودة لاسكندرية هيكون يوم الأحد امبارح 2 يوليو الاقلاع الساعة 2:30 ظهراً من الرياض ف روحت للمطار الساعة 11 صباحا و وزنت الشنط و أخدت الBoarding Card و أنا باخده لقيت الموظف بيقولي ان الطيارة اتأجلت و الاقلاع هيكون الساعة 12:30 بالليل و انه آجي المطار تاني الساعة 10:30 بالليل طبعا حاجة تضايق جداً بس هنعمل ايه بقى المهم روحت راجع مع أهلي للبيت بقى و مستني لحد ما ارجع المطار تاني بالليل بقى التجربة موصلتش لنهايتها لسة..
ألاقي مكتب الشركة بعد صلاة المغرب بيتصل ب بابا بيقوله ان الطيارة اتأجلت تاني و ان الاقلاع هيكون الساعة 6:30 صباحا و التواجد بالمطار هيكون الساعة 4:30 فجراً .. روحت المطار الساعة 4:30 ومستني بقى الاقلاع الساعة 6:30 لحد الساعة 6:25 صباحا الطيارة كانت لسة واصلة من مصر !! على بال ما ركبنا و قعدنا الطيارة راحت طالعة الساعة 8:00 صباحا
وصلنا مطار برج العرب الساعة 10:30 بتوقيت مصر يوم الاتنين و أنا كان المفروض اوصل الساعة 5 العصر امبارح الأحد على معاد التذكرة الأصلي !!

و أنا كان لبسي و حاجتي كلها في الشنط اللي اتوزنت في المطار من الساعة 11 الصبح يوم الاحد و رجعت البيت مع أهلي و معيش لبس و كمان الأهم بقى ان عندي امتحانات يوم السبت الجاي في كلية الطب و الكتب اللي بذاكر منها في الشنط ده غير بقى ان كدا اليوم اتضرب ده غير بقى التكديرة اللي الواحد فيها..

طيب انا بحمد ربنا ان بيتي هناك في الرياض قريب من المطار لكن في ناس جاية من أماكن بعيدة اضطرت تقعد في المطار لمدة 16 ساعة و ناس نامت عالأرض و حاجة مسخرة و محصلش اي تعويض للناس دي على الأقل يحجزوا للناس في فندق المطار زي باقي الشركات الدولية ما بتعمل ....
و بعدين الواحد مش مسافر أمريكا و لا مكان بعيد مثلا عشان يحصل مشاكل و اصلا مبيحصلش مشاكل اوي للسفر للدول دي فما بالك بقى مصر اللي هي ساعتين و نص بس !!!

بالصدفة بقلب في تويتر
و بقرا اي تويتات عن الشركة دي لقيت فعلا كذا حد مشتكي من انها دايما بتعمل تأجيل لمواعيد رحلاتها عن الموعد الاصلي هحط صور للتويتات في الpost ..
و امبارح طلع لي خبر في الfacebook بالصدفة بيقول ان في طيارة عملت هبوط اضطراري في مطار القاهرة كانت طالعة من الغردقة رايحة وارسو في بولندا يعني معاها سياح !!
هبوط اضطراري بسبب عطل فني يعني حتى طياراتهم بايظة ،، شوف بقى سمعة مصر اللي اتضربت بقى بسببهم و احنا ما صدقنا نظبط السياحة !! الlink بتاع الخبر في اول كومنت ..
يعني انتم مش قد الدولي خليكم في الداخلي و يارب تعرفوا تبقوا عدلين فيه اصلا !!
#أوتوبيس_إير_كايرو_الجوي
#Air_Cairo
z5yObuJlhPzxKMZrS5YdBzAKm5Meq_g4.jpeg

z5yObuJlhPzxKMZrS5YdBzAKm5Meq_g4.jpeg

z5yObuJlhPzxKMZrS5YdBzAKm5Meq_g4.jpeg

z5yObuJlhPzxKMZrS5YdBzAKm5Meq_g4.jpeg

z5yObuJlhPzxKMZrS5YdBzAKm5Meq_g4.jpeg
 
M

Mohammad Elmaghrapy

:: مسافر ::
بس للامانه. اير كايرو دي و الناس و شركات تانيه كتير اسمها طيرات شارتر. بيبيعوا خدمة منخفضة التكاليف بشروط معقدة. اللي حصل ده من ضمن شروط التذكرة ان ممكن الكيارة تتاحل يوم بحاله. انا مش ببرر تعاملهم الزفت علشان هما سكعتهم فعلا زفت و طياران الشركات الشارتر الاجنبيه مختلف تماما و بيعوضوا الناس و بيقعدوهم في فنادق ساعات كمان. بس خسب قوانين الطيران المدني الي موضوع ده مسموح بيه. و لو الطيارة محجوز عليها كراسي قلبله اوي ممكن يلغوا الرحلة كمان و تسترد فلوسك. و هو ده الفرق في السعر بينهم و بين مصر للطيران مثلا و لا السعودية. لو طالع لوحدك علي الطيارة هتطلع.
 
M

Mohammad Elmaghrapy

:: مسافر ::
كل الخطوط ممكن يحصل عليها مشاكل. انا مرة طيارة مصر للطيران من بلد اوربي لمصر كنت قاعد و في ميه بتنقط عليا من فوق بعد الطيارة طلعت. و بقولهم في ميه بتنقط قالولي خنعملك ايه. استني لما نوصل. غيرولي الكرسي بس.
 

Similar threads

Similar threads