عايزين نكلم علي بلد من احلي بلاد العالم...

M

Mohamed Khattab

عضو

عايزين نكلم علي بلد من احلي بلاد العالم (المغرب ) المغرب عشان تسافرها مش لازم تاخد معاد في السفارة بتروح علي عنوان السفارة في الزمالك و بتقدم من غير معاد الاوراق المطلوبة (حجز طيران- حجز فندق- كشف حساب -خطاب عمل -تامين) المغرب العملة بتاعتها الدرهم تساوي ٢ جنية مصري المغرب علي الاقل اسبوعين لازم تقضيهم هناك المغرب فيها سياحة من جميع الانواع هنبتدي مثلا كازا بلانكا هي يمكن لما بتقول المغرب ييجي في دماغك كازا بلانكا بس هي مش مميزة اوي غير ان فيها اكبر مسجد في افريقيا مسجد الحسن التاني طيب في بقي مدينة اسمها طنجة و ما احلاها ❤ طنجة صيف و شتاء جميلة جدا امامها من الجانب الاخر اسبانيا بتشوفها من مكان عالي في طنجة اللي هو غالبا كافيه اسمة الحافة و طبعا كلنا عارفين ان مضيق جبل طارق بين طنجة و اسبانيا من طنجة ساعتين توصل شيف شاون (blue city ) او الجوهرة الزرقاء مدينة جميلة جدا بتقضي فيها يوم او يومين و تروح اكشور جنبها تشوف الشلالات و تقضي يوم جميل ، في بقي مراكش من المدن السياحية في المغرب مدينة جميلة هي مفيش فيها بحر بس سياحية جميلة فيها ساحة الفناء من اشهر الاماكن هناك ، في مدينة اسمها فاس من اقدم و اعرق المدن يوجد فيها اقدم جامعات العالم فاس تتمشي فيها كدة فيها عراقة و تاريخ علي بعد ساعة من فاس ممكن تروح افران مصنفة من انضف مدن العالم سويسرا المغرب و علي بعد ساعة من فاس في مدينة مكناس فيها مكاان سياحي اسمة الوليلي ، و طبعا احنا في المغرب يبقي مش هنفوت رحلة الصحراء مرزوقة بتروح تقضي يوم في الصحراء جميل و تنام فيها و تشوف الشروق و تمشي تاني يوم و في الطريق و انت رايح الصحراء بتعدي علي ورزازات و بتشوف الاماكن اللي بيتصور فيها الافلام العالمية زي فيلم (gladiator ) في مدينة اغادير دي مدينة سياحية فيها البحر جميل تقضي فيها كذا يوم حلوين ، الخلاصة لو انت في نيتك تسافر المغرب لازم تبقي في خططك بلد تستاهل ❤❤
uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg

uryHgEurryudVRwxROwqSgrfYWSpDTol.jpeg
 

Y

Yasmine Adly

عضو
تكلفة الاسبوعين تقريبا اد ايه؟ وحجز الفنادق او الهوستيل اما بوصل البلد ولا من ع النت من مصر؟
 
M

Menna Salem

عضو
ممكن تتكلم عن تكلفه الرحله و نزلت فين و الانتقالات ازاي ؟
 
A

Ali Ibrahim

عضو
مساء الخير
ازيك يا محمد ؟
كل عام وانت بخير
بعد إذنك عندى كام سؤال :
١- ياترى مواعيد السفارة من الساعة كام للساعة كام ، وياترى شغالين يوم السبت ولا لا ؟
٢- حجز الطيران والفندق مبدئي ولا نهائى ؟
٣- الورق لازم يترجم للأنجليزى او الفرنساوي ولا ينفع بالعربى ؟
 
A

Amine Baroon II

عضو
انت نسيت سيدي افني للي تمثل فيها فيلم ارنولد و سيلفستر escap plan
نواحيها بحور رائعة
 
N

Nawfal Douazi

عضو
هناك مدن اخرى تستحق الزيارة مثل اصيلة المشهورة بمهرجانها الثقافي الذي يقام سنويا منذ السبعينات و باللوحات الجميلة على جدران بيوت المدينة و هي غير بعيدة عن طنجة ، الصويرة كذلك على بعد ساعتين من مراكش ، مدينة جميلة مصنفة ضمن مواقع التراث العالمي لليونسكو و صورت فيها حلقات من game of thrones ، مدينة الجديدة كذلك بحيها البرتغالي المصنف كذلك من طرف اليونسكو كتراث عالمي و بمنتجع مازاغان القريب منها و كذلك تطوان و المدن الصغيرة المحيطة بها كالمضيق و الفنيدق و مرتيل .. الداخلة في اقصى الجنوب عاصمة الرياضات البحرية و الرباط كذلك عاصمة البلاد الخ ..
 
I

Imane Na

عضو
انا مغربية وانصحكم تزورو الداخلة حتى هي مدينة في جنوب المغرب رائعا جدا...
 

أعلى