لو سمحتوا هو ظابط الجوازات ف المطار بيشوف...

M

Mina Nosseir Uwk

لو سمحتوا هو ظابط الجوازات ف المطار بيشوف تذكرة العودة ولا التأشيرة وتذكرة السفر بس
 

H

Hassan Kamal

علي حسب البلد اللي مسافرها في بلاد بتحتاج زي الامارات لو تأشيرتك سياحه
 
H

Hassan Kamal

هيشوف حجز فندق وتذكرة عوده ويسألك معاك دراهم او دولار
 
H

Hassan Kamal

لكن لو رايح السعوديه مثلا.. ولا النيها مابيبصش علي اي حاجه
 
J

Jassmine Zaky

كل المرات اللى سافرت فيها ماحدش اتكلم عن العودة خالص ..
وكانت منهم تأشيرة سياحة
 
D

Deyaa Eldin Mohammed

ظابط الجوازات ما بيبصش ع التذاكر اصلا اللي المفروض يبص ع التذاكر الموظف اللي ع الكونتر
 
A

Amr Kamal Sallam

عمرو ما ظابط الجوازات شاف تذاكر اصلا و لا تأشيرة هو بياخد الباسبور و البوردينج و خلاص
 
J

Jassmine Zaky

صحيح هو الموظف بتاع شركة الطيران بس هو الى بيشوف التذاكر انا كنت ناسية
 
A

Ali Baba

علي حسب الفيزا و عدد المرات اللي اخدتها و حاجت تانيه كتير. بس اه ممكن اي ظابط جوازات لما تيجي تدخل بلده يسالك علي تذكرة العودة خزصوا لو سياحه. و ممكن يمنعك كمان من الدخول لو شك انك ناوي تكسر الفيزا و تقعد. و في ناس بيخليهم يحجزوا عودة و هو في المطار علشان يخليه يدخل. حصلت قدامي كتير . و في ناس مش بيسالها علي حسب حاجات كتير زي مقولت
 
M

Mohamed Ibrahim

ولا اي حاجة من ده
ده موظف الكاونتر اللي بيشيك على كل ده الجوازات بس بيختملك لو امورك امنيا تمام ومسموحلك بالسفر من جهة مصر
 
H

Hytham Hassan

موظف شركة الطيران هو الى بيعمل كده وبالذات فى التشنغن لازم يبقى فيه عوده قبل ميعاد انتهاء الفيزا
 
A

Adel Ramadan

طيب ياجماعة اللي فهمتة من كلامكم ان هنا في مصر وانت طالع الظابط اصلا مابيبصش ع العودة هو لية التاشيرة وتذكرة الذهاب والتصاريح والموافقات بس انما بتاع كونتر البوردنج هو اللي بيشيك ع العودة طيب لو هو مالقاش معايا عودة هل لية حق يرجعني او يعطلني ولا لا . وبالنسبة للبلد اللي انا رايحها اللي فهمتة واعرفة ان لازم يكون معاك خروج فعلا من البلد دبة علشان لو الظابط سالك فعلا هيرجعك او هيخليك تحجز قدامة . ممكن تاكيد ع كلامي ورد ع السؤال ؟
 
M

Mohamed Elbadry

علي حسب الشخص انا سألني قولتلو مش معايا رجعني لمندوب شركة الطيران و المندوب عدي الموضوع ..كان علي طيران الجزيرة
 
R

Refaat Hanna

ضابط الجوازات عنده الحق ( اللي هو مش حقه ) انه ميخلكش تسافر لو حتى حاجز زهاب و عودة و فندق و كله تمام و هو ده التعسف بتاع مصر لان مفيش اي قانون يقول كده فقط هو و مزاجه
 

أعلى