A

Amr Gamil Aly

ماليزيا واندونيسيا مع بعض
ازاي تسافر لمدة عشر ايام انت ومراتك ب عشرين الف جنيه دولتين وتتفسح كمان
هنبتدي بمشكلة اي سفر وهو التأشيرة
هنختار دولة من غير تأشيرة علشان مفيش حاجة تعطلنا ولا تسحب مننا فلوس بالاونطة وهنختار دولة ماليزيا
طبعا اغلب الناس تعرف يعني اية ماليزيا وسحر ماليزيا وجمالها
هتقطع تذكرتك وتختار توقيت مناسب هتلاقي التذكرة رايح جاي انت والمدام او انت وصاحبك مش هتفرق يعني
في حدود اقل من اربعتاشر الف جنيه بالتقريب
ورقة واكتب ورايا الفلوس عشان متتسوحش
وطبعا هما عشر ليال

أما توصل مطار كوالالمبور ارخص مواصلة من المطار هى الاتوبيس و دا بتحجز التيكت بتاعه من كشك جوا المطار و تكلفة الاتوبيس 12 رينجت للفرد يعنى 3 دولار بنا يعادل 54 جنيه تقريبا ... ساعة بالظبط هتبقى فى وسط البلد ... الاتوبيس مكيف و نضيف
هنيجي لنقطة السكن
بقي ودي مهمة وبتفرق من شخص لشخص لان مش كل الناس هتقبل سرير في صالة مشتركة ولا كل الناس تقدر تختار اوتيل خمس نجوم
فهنختار غرفة مزدوجة اول خمس ليال في كوالالامبور او بيجاننج
سعرها مش هيتعدي الالف جنيه للفردين بالفطار للخمس ليال
العملة في ماليزيا الرينجت
والدولار يساوي اربعة رينجت
تقدر تصرف في اليوم اللي يريحك
هتلاقي وجبات
سعرها عشرة رينجت وانت طالع
وبالبلدي هتقضيها علي أد ما تقدر الاكل مش كل حاجة
وياريت تاكل في الاماكن الشعبية وتجرب حياة اهل البلد
فلو قولنا ان الفرد هيصرف تلاتين رينجت بالتقريب يبقي الخمس ليال مجموعهم ٣٠٠ رينجيت يعني حوالي ١٢٥٠ ج تقريبا
انا ماليش دعوة بتشرب سجاير ولا شيشة انا بتكلم عن اساسيات قابلة للزيادة وقابلة للنقصان حسب شخصيتك وزي ما قولنا الاكل مش كل شئ
طب هنعمل اية في ماليزيا ؟ ماهو دة سؤال مهم مش هنروح نترمي في الفندق وخلاص
عندك يا سيدي ال توين تاور
او ال petronas twin towers
التذكرة زي ما الاصدقاء قالوا بحوالي 60 ج
ودول اطول برجين توام في العالم وتقدر تدخلهم وتشوف ماليزيا من فوق
في اتوبيسات قدام مدخل ال Twin towers اسمها GO KL بتعمل جولة City Tour بالاتوبيس و ممكن تعمل كل دا ببلاش!!!
وعندهم معبد باتو ودة معبد هندي موجود في ماليزيا ومشهور جدا جدا
مكان حلو ممكن تروحه بقي هو China Town
و المنطقة دي تقريبا موجودة فى معظم دول اسيا و بيكون عبارة عن تجمع للتجار فى شارع معين و بيبيعوا كل انواع الفاكهة و الاكل و الحلويات الاسيوية و خصوصا الصينية و كذلك المنتجات الالكترونية البسيطة و الملابس! و علشان تروحها ممكن بالمترو تحجز تذكرة من محطة KLCC لمحطة

المواصلات هناك رخيصة متخافش
تقدر كمان تخطف ليلتين في بينانج وهتاخد قطر ب ستين جنيه تقريبا يعني ماية وعشرين جنيه الفردين يعني مايتين واربعين رايح جاي تقريبا بالليل والصبح تكون هناك وهتطلع اعلي قمة في الجزيرة هتشوف اجمل المناظر الطبيعية اللي عمرك ما تخيلتها هتبات ليلة في اي هوستيل رخيص ب ماية جنيه وتاني يوم تروح غابة تمان نيجرا تتفسح وترجع بالليل علي كوالالمبور تبات والصبح تكون حاجز طيرانك لاندونيسيا
التذكرة للفردين علي الطيران الداخلي في اسيا في حدود الفين جنيه للفردين رايح جاي
في اندونيسيا الدنيا رخيصة جدا وبسيطة
اتفسحوا واتمتعوا وهتاخدوا اوتيل لمدة تلات ليال رخيص مش هيعدي كتير ابدا غالبا ٣٠٠ ج
باختصار سافروا واتفسحوا وانبسطوا وجربوا عيشة اهل البلد اللي انتم رايحينها
نسيت اقولكم ان المواصلات عموما مش غالية
كدة الفلوس حوالي ١٨٥٠٠
وفيه حوالي الف جنيه تاشيرتين اندونيسيا
تعديل : ناس كتير اكدت ان اندونسيا حاليا من غير تأشيرة وكدة مش هتدفع الالف جنيه بتاعة التاشيرتين
يعني اقل من العشرين الف اللي قولنا عليهم
خلي معاك من باب الاحتياط حاجة زي الفين تلاتة للزنقة
#اتفسحوا_وانبسطوا
هونج كونج ومكاو والصين قريبا
السياحة في ماليزيا واندونيسيا-357139

السياحة في ماليزيا واندونيسيا-357140

السياحة في ماليزيا واندونيسيا-357141

السياحة في ماليزيا واندونيسيا-357142

السياحة في ماليزيا واندونيسيا-357143

السياحة في ماليزيا واندونيسيا-357144

السياحة في ماليزيا واندونيسيا-357145

السياحة في ماليزيا واندونيسيا-357146

السياحة في ماليزيا واندونيسيا-357147

السياحة في ماليزيا واندونيسيا-357148

السياحة في ماليزيا واندونيسيا-357149

السياحة في ماليزيا واندونيسيا-357150

 

التعديل الأخير بواسطة المشرف:

المواضيع المتشابهة

S

Sami Mergdan

قلت أن حوالي الف جنيه ثمن تاشيرتين اندونيسيا ممكن رابط هدا العرض
 
التعديل الأخير بواسطة المشرف:
A

Amr Gamil Aly

استاذنا
الصور قدامك افتحها
هتلاقي ان الكلام بناء علي مواقع زي سكاي سكانر وويجو وبوكنج
وبالنسبة لتاشيرة اندونيسيا معروف انها بتلاتين خمسة وتلاتين دولار للشخص من المطار عند الوصول
 
التعديل الأخير بواسطة المشرف:
M

Malak Yaseen

ممكن لو فيه حد بعملنا بوست زى دا للسفر لتركيا واسم للفنادق المعقوله واهم المزارات هناك
 
التعديل الأخير بواسطة المشرف:
L

LuLu Saad-Eddin

شوفت الهنا..انا عايزة اروح ماليزيا هدية عيد ميلادي Ibrahim Barakat
 
A

Ahmed Maghraby

السؤال بقه ازاي اختار مكان للفندق استراتيجي عشان أكون في قلب الحدث
 
A

Amr Gamil Aly

كل فندق بيكون مكتوب في الوصف بتاعة قربه من وسط البلد او المعالم المميزة حواليه