المصريين بياكلوا بعض في الغربة :D مفهوم عند...

B

Basel Mohamed Abdelmawla

:: مسافر ::

المصريين بياكلوا بعض في الغربة :D مفهوم عند ناس كتير كنت بسمعه قبل ما اسافر أفريقيا في رحلة لمدة 35 يوم وسط 8 بلاد انطلاقا من مصر لجنوب أفريقيا بالطيارة والعودة عن طريق البر عن طريق زيمبابوي-موزمبيق-تنزانيا-كينيا-اوغندا-جنوب السودان-السودان-مصر... كل المصريين والعرب ال قابلناهم اكرمونا واحسنوا معاملاتنا لأقصى درجة والله كأننا وسط أهالينا ❤ بس الراجل الجدع ال في الصورة ده قصته مختلفة جدا وال عمله معانا مختلف جدا والله :) مصطفى البرلسي شاب مصري اتخرج من حقوق وقعد يشتغل في دبي 10 سنين بس لقى ان شغفه في التصوير وعمل حاجة جديدة برة الصندوق جدا :D سافر كينيا وبني كامب في Masi Mara National Park عشان يكون أول مصري يعمل كدة عشان كل ال camps هناك للألمان والإنجليز... الناس هناك بقت تعرف مصر من خلاله بمعاملته الطيبة وأخلاقه المحترمة ومساعداته في تطوير المنطقة وان شاء الله انا واثق ان بعد سنوات قليلة هيكون أكبر كامب في المنطقة أن شاء الله :) مصطفى رمز في الوطنية والأصالة و كرمه لينا خلانا عاجزين كلنا على الشكر ومركزين بس في الدرس ال بيعلمه لنا في ازاي ترفع اسم بلدك وتخلي الناس تحترمه وازاي تبقى شخص أصيل وتكرم وتخلي بالك من اخواتك :) الكامب اسمه Camp Talek والمكان من جوا روعة جدا تحس انك دخلت الجنة :) شكرا ليك وربنا يوفقك واي حد يسافر كينيا لازم يعدي يشوف الراجل الجميل ده ويتعلم منه ازاي ترفع اسم بلدك وتبقى حاجة مشرفة ❤
#المصريين_جدعان
#سفراء_أفريقيا
#كينيا
[HASHTAG]#HaveADream[/HASHTAG]
#Talek_Bush_Camp
hR-d3d5s1D9M3h3exDluxPgYCT49MLVE.jpeg
 
A

Ahmed Desouki

:: مسافر ::
لما تشتغل معاهم وانت فى الغربة بدل ما هتسمعة هتحسة
 
M

Mostafa Sasa

:: مسافر ::
الدنيا عاملة ايه فى جنوب السودان ؟! .. وايه من الدول ديه معجبكش او مش امان ؟
 
R

Ramy Yousri Ali

:: مسافر ::
لما تكون في رحله حاجه والشغل حاجه تانيه
لا مش مفهوم ولا حاجه دي حاجه اكيده
 
A

Ahmed Negm

:: مسافر ::
يا باشا انت رايح تتفسح أنا اللي قطع رزقي مصري و كل اللي خانوني هنا مصريين
 
D

Dina Zaki

:: مسافر ::
الشغل غير الفسحه!! للاسف المصريين وحشين مع بعض لو بيشتغلوا مع بعض! و ده بناء علي تجربتي مع كذا مصري! المصري بيحطك في دماغه و يعمل كل جهده انه ينافسك و يتفوق عليك باي طريقه و لو في ١٠٠ واحد اجنبي في نفس الشغلانه! المصري مش هيشوف غير المصري اللي ذيه و يكسر فيه
 
A

Aliahmaad Aliahmaad

:: مسافر ::
الذي اعرفةاناكانسان من سورياالحبيبةان واحدمهندس مصري اسمه احمددسوقي ساعدني كتيرفي دولةتشادكنت اعمل في فندق هيلتون انجمنياخمس نجوم كان قيدالانشاءواناكنت بشتغل سوبرفايزرمع شركةامريكية وكانوماسكين الادارةباكستانيين اعوذبالله من هكذاناس الامارحم ربي وسحبني منهم وحطني معاه وكغن جاي شهرواحد لكن هالشهررفع اسمي فوق وخلى الشركةكلهاتشاورعلي واثبتت مقدرتي في العمل ولماسافرحطني مع مهندس باكستاني محترم مش زي البقية ووصاه علي واشتغلت 3سنةونصف لماالفندق تسلم وانامن هنااحب اشكره والمصريين ايضا كاي شعب في المحترم وابن حلال وفية العكس وشكرا تقبلو مروري
 
M

Monsieu Mohamed Faris

:: مسافر ::
طب انا نفسي اعرف اية علاقة أن فيه نظرية المصريين بياكلوا بعض من أن واحد عظيم زي مصطفى
 
A

Ahmed Hamed

:: مسافر ::
اللي حصل ده الشواذ اللي بيأكد القاعدة ..
اي حد عاش بره عارف الحقيقة دي .. ان المصريين مع بعض .. اسوء شئ ممكن تشوفه
 
A

Abdelrhman M Alsaket

:: مسافر ::
على فكرة النظريه دى مش دايما صح انا اشتغلت برة وكان فى واحد.مصرى فى نفس ادارتى الباقين كلهم جنسيات تانيه الراجل ده ساعدنى ووقف جنبى والشغل وبرة الشغل وكان نعم الاخ ربنا يحفظه
 
م

محمد الفقى

:: مسافر ::
ياريت تكلمنا اكتر عن الرحله بالتفصيل والعقبات اللى قابلتك وانصرفت ازاى واتكلفت كام خلينا نعيش معاك اجواء الرحله بالتفصيل يمكن تقريرك يساعد حد نفسه يعمل نفس التجربه
 
M

Mustafa Mosaed

:: مسافر ::
يعني ايه الكامب يعني حاجة التخييم كده في قلب الغابة مثلاً ولا ايه؟
 
ع

عبدالله المصري

:: مسافر ::
السلام عليكم هل السودان محتاجه تاشيره للمصريين?انا بالخارج والمعلومه مش واضحه علي الشبكه
 
M

Mohammed Mohsen

:: مسافر ::
الكلام ده بيظهر فى الدول العربية علشان كل واحد خايف احسن يتفنش و يرجع تانى
 
أعلى