الناس اللى فاكرة انها هتسافر روسيا ذهاب وعودة...

A

Ahmed Samir

عضو

الناس اللى فاكرة انها هتسافر روسيا ذهاب وعودة ب٧٠٠٠جنيه بس، ده اشتغالة وياريت الناس متصدقهاش.
بلاش حد يوهم الناس ويعشمهم ع الفاضى.
مبدأيا التذكرة دى لموسكو ذهاب وعودة، ولو عايز تحجزها دلوقتى احجزها بس انت مش هتعرف مكان اول ماتش ف مدينة ايه الا يوم ١ ديسمبر
ووقتها ملايين هتخش تحجز الطيران والسعر ده هيزيد فجأة بسبب الضغط مش اقل من ٥٠% زيادة

فى ١١ مدينة هتستضيف كأس العالم، وبما اننا هنخش تصنيف تالت فمستحيل نلعب اول ماتش لينا ف موسكو(حسب الجدول الرسمى اللى نزل من الفيفا).

فلما تيجى تحجز متحجزش ذهاب وعودة من موسكو الا لو هتعمل حاجة من اتنين:
١- هتنزل موسكو وتاخد قطر لكل مدينة انت عايزها وترجع بالقطر على موسكو
٢-معندكش مشكلة تتنقل طيران بين ال٣ مدن اللى مصر هتلعب فيهم والتكلفة هتبقى عالية جدا.

- خلى بالك الانتقال بالقطر هيبقى طويل جدا وبيعدى ال١٥ ساعة بين كذا مدينة من ال ١١ مدينة؛ يعنى لو خدنا مثالين ف ٣ مجموعات مختلفين تماما:

1- لو مصر وقعت ف المجموعة التانية، هتبدأ ماتشاتها ف مدينة saint Petersburg وتانى ماتش لينا هيبقى ف مدينة moscow المسافة بينهم ٧٠٠كم
واخر ماتش هنروح من moscow ل Kaliningrad والمسافة بينهم ١٢٥٠ كم
2- لو مصر وقعت ف المجموعة التالتة هنبدأ ماتشاتنا ف مدينة Saransk وتانى ماتش هيبقى فى Eakterinburg والمسافة بينهم ١٣٠٠كم
واخر ماتش هنتنقل من Ekaterinburg ل Sochi والمسافة بينهم ٢٧٠٠ كم
3- لو مصر وقعت ف المجموعة الرابعة هنبدأ ماتشاتنا ف مدينة Kaliningrad وتانى ماتش فى مدينة Nizhny والمسافة بينهم ١٦٨٠كم
واخر ماتش هنتنقل من Nizhny ل Rostov on Don والمسافة بينهم ١٢٨٠كم.

- الانتقال بالقطر طبعا هيبقى ببلاش بس خلى بالك انك هتاخد يوم كامل غالبا ف السفر ف لو معندكش مشكلة ف المسافات دى كلها وتقدر ترجع موسكو بعد اخر ماتش يبقى احجز ذهاب وعودة من موسكو.
غير كده يبقى هتحجز ذهاب على مدينة والعودة من مدينة تانية خالص والانتقال بينهم هيبقى بالقطر و ده هيخليك تستنى يوم ١ ديسمير اللى ملايين الناس كلها هتبدأ تحجز فيه.

أخيرا الأمل الوحيد ان التذاكر تنزل شوية ان خط الطيران المباشر يتفتح تانى مع روسيا ومصر للطيران تنظم رحلة مباشرة لأول مدينة هنلعب فيها واخر مدينة هنخلص فيها ماتشاتنا
379420 المسافرون العرب الناس اللى فاكرة انها هتسافر روسيا ذهاب وعودة...

379421 المسافرون العرب الناس اللى فاكرة انها هتسافر روسيا ذهاب وعودة...

379422 المسافرون العرب الناس اللى فاكرة انها هتسافر روسيا ذهاب وعودة...

379423 المسافرون العرب الناس اللى فاكرة انها هتسافر روسيا ذهاب وعودة...

379424 المسافرون العرب الناس اللى فاكرة انها هتسافر روسيا ذهاب وعودة...
 

M

Mohamed Samy

عضو
انا شفت الحجز بتاع الطيران من القاهره امبارح لموسكو لاقيت اقل حاجه الخطوط التركيه بحوالي ٧ الاف فعلا بس ده لو حجزت النهارده و لو رجعت التذكره ممكن تخسر اكتر من النص كمان الظريف بقا ان تاني ارخص شركه الخطوط اليونانيه ب ١٦ الف و ده برضه لو حجزت النهارده و مصر للطيران ب تالت ارخص شركه بحوالي ١٨ الف و باقي الشركات اغلي كتير و طبعا مع مرور الوقت كله هيغلي تاني
 
A

Ahmed H. Ebrahim

عضو
وغير ان مش هتعرف تروح كالينينجراد بري لازم طيران لان حدودها مع بولندا وليتوانيا
 
A

Ahmed H. Ebrahim

عضو
وفِي مدن بعيدة عن موسكو بالايام لو هتركب قطر، ييكاترينبرج وسمارا وفولجاجراد مثلا رحلة القطر العادي من يومين ونص لتلاتة وهكذا
 
J

John Adel

عضو
اللي بيفكر يطلع فى الوقت ده محتاج ٤٠ الف بالميت تقريبا ٢٠٠٠ دولار الطيران و الاوتيلات و حتي المطاعم و المواصلات حتبقي غالية جدا. عشان كدة بضحك علي البوستات اللي بيحذروا فيها المصريين من التحرش و كسر الفيزا. مش اي حد حيعرف يطلع فى الوقت ده
 
Y

Yousab N. Shehata

عضو
ع فكرة انت لو معاك Fan ID المواصلات ببلاش .. ده اللي قريته
 
A

Adel Aly

عضو
انا سافرت من سان بطرسبرج ل موسكو بالقطار والمدة كانت ٤ ساعات بين المدينتين، والرحلة ممتعة وفسحة في حد ذاتها.
 
M

Mohamed Ragab

عضو
تعليق على البوست، ال 3 ماتشات لمصر في الدور الاول هتكون في مدينة واحدة مش 3 مدن، لان كل مجموعة هتلعب في مدينة وكل ماتشات المجموعة في الدور الاول بتكون في نفس المدينة.
 
A

Ahmed Abbas

عضو
اسلم حل ايه من وجهة نظركم ؟؟
اعمل حسابي في ١٠٠ الف ولا ايه
 
M

Muhamed Azzam

عضو
نسال بس الاسئله المهمه لازم احجز تذاكر الماتشات الاول قبل م اسافر مينفعش من روسيا
 
H

Hatem Reda

عضو
من شروط الفيفا ان جميع المدن الي هيتلعب فيها المتشات تكون قريبة من بعض و بيحسبوها باليكلو متر
 

المواضيع المشابهة