روسيا ٢٠١٨ بالنسبة للحجز و عشان ما نخليش حد...

A

Ashraf Awad

روسيا ٢٠١٨
بالنسبة للحجز و عشان ما نخليش حد يستغلنا ممكن كلنا نفكر مع بعض وتكون الخطوات مع بعض هيكون افضل كتير وارخص كتير
شركات السياحة بدات ترمي شباكها وتحط مبلغ زي ٤٥ الف جنيه و٣٠ الف جنيه والموضوع مش كدة خالص
الاكيد مفيش حجز تذاكر الا عن طريق الفيفا وموقع الفيفا وكمان والاهم نتيجة للتذكرة دي اللي باسمك هيطلع كارتfan id ... ده اهم من التذكرة حاليا لان روسيا والفيفا سمحوا لمواطني الدول اللي صعدت انهم يسافروا اليها بدون تاشيرة فقط ان الفيفا تديك الاي دي نتيجة شرائك التذاكر
يعني اي شركة تشتغلنا وتقولك هتروح ومتقلقش هم انفسهم مش هيقدروا يعملوا ده
ركزوا ع موقع الفيفا وفتح المرحلة التانية من بيع التذاكر مباشرة يوم ١٦ نوفمبر
نجي للنقطة الاهم
الطيران
حاليا هتلاقوا تذاكر طيران ف حدود ال٧٥٠٠ جنيه ع الطيران اليوناني وهتلاقوا الامارتية عاملة ب ٨٠٠٠ والاردني داخل ف الموضوع ب ٧٤٠٠
مصر لطيران عاملة العرض ب ١١ الف للاسف
لازم كلنا نجمع انفسنا مجموعات ومثلا الاردني عامل عرض مجموعات حد يتواصل معاهم ويجيبلنا تذاكر اعتقد ممكن توصل ل٥٠٠٠ او ٦٠٠٠ بالكتير وكذلك نعمل محاولات مع مصر للطيران
انما ف حالة الطيران الروسي رجع شرم والغردقة ممكن الاسعار تنزل
ياريت كل واحد ناوي يروح او دخل بياناته موقع الفيفا يشترك هنا ويقول ونتجمع مع بعض ونحاول نجيب عرض حاليا كايرو موسكو كايرو
البطولة هبدا يوم ١٤ يونيو قبل عيد الفطر بيوم ومنتخب مصر ممكن يلعب من اول يوم ١٤ الي يوم ١٨ واخر ماتشات المجموعات يوم ٢٨ يونيو يعني اللي يدور ع دييل مع شركة للمجموعة ياريت يفهمهم ان ممكن لو مصر صعدت ناجل رحلة العودة بعد ماتش دور ال١٦ يمكن
ماتشات منتخب مصر هتتلعب كل خمس ايام وممكن يروح تلات من يعني مالوش لزوم تحجز مكان الفترة كلها لانك ممكن تلف كعب داير ورا المنتخب وعشان كدة عاملين كل المواصلات مجانية لحاملي الي دي فان FAN ID ...
يعني يفضل نحضر الماتش وتاني يوم ع طول عف اتجاه المدينة التانية وتعمل سياحة ف الطريق براحتك الهوستيل شغال
نقطة تانية الفنادق اعتقد غالية يفضل تحجزوا شقق مع بعض
خلوهاسياحة وتشجيع
اعتقد ان الرحلة ممكن ان لا تزيد عن ١٥ الف جنيه كلها لو اتجمعنا فعلا ونرتب لها جيدا من الان
تحياتي
2xTE7_i6xYHh_zUGFvg3C3K3pe4WooJZ.jpeg

2xTE7_i6xYHh_zUGFvg3C3K3pe4WooJZ.jpeg
 

A

Ashraf Elgendy

صح جداااا وانا لي واحد صاحبي عندو شركه سياحه بحاول أقنعه ياجر طياره شارتر
 
M

Mahmoud Keshk

يا رب بس الاول نطلع فب القرعه وبعدين نعمل الخطوات دي
 
I

Ibrahim Ramadan

Ahmed Askoura Mohamed El Sokary DrAhmad Siam Ayman Ali Hussein Alafy Kareem Brakat Mohammed Zaki Moustafa Ahmed Ismail Hendawy
 
S

Shady Ezzat Mohamed

Shereef Shawky
Karim Yassin
بنقول اهو ان ماتشات المجموعة الواحدة هتكون في ٣ مدن
 
E

Emad Eldin Fouad

هو بس في تصحيح شركات الطيران متديش تخفيض على المجموعات بالعكس السعر بيزيد وكل مازادت المجمةعه كل مازاد سعر التذكرة
 
E

Ezz Abd El Kader

15 الف ده مستحيل .... تيجي ازاي التذاكر لو ٣ مباراه لوحدها ٦٥٠٠ جم و الطيران مثلا علي احسن الفروض ٧٥٠٠ جم .... يبقي كده المجموع ١٤٠٠٠ جم ... حا تقعد ب ١٠٠٠ جم ١٥ يوم في هوتيل ... ده غير الانتقالات الداخليه و معظمها طيران ... راجع نفسك
 

أعلى