مساء الخير عليكم هند ادمن الحروب كانت طلبت...

F

Fragalla Botros

عضو

F
 

M

Malak Mikhail

عضو
والله اللي اعرفه ان المفروض احترم الدولة اللي اديتني الفيزا و اقل حاجة ممكن اشكرهم بيها هي أني ادخل بلدهم الاول مش واخدهم كوبري علشان اروح دولة تانية !
 
M

Mohamed Elbahnasawy

عضو
يا جماعة للامور أصول
الموقف الى حصل مع المدام ده هو الأصل
الى صادف و مر ف دا الاستثناء

انا شخصيا مرة ظباط الجوازات طلعوا شيكوا على الجوازات على باب الطيارة فى فرانكفورت
و دا استثناء مش الأصل

و حتى الى بيدخل دولة نشر دولة الفيزا على اقلً تقدير يكون معاه حجوزاته إقامة و مواصلات مؤكدين
 
A

Ashraf Mansour

عضو
فى 2013 اخدت فيزا من سويسرا وكنت حاجز طيران لزيوريخ على الايطالية فنزلت ترانزيت مطار روما واتختم على الباسبور دخول وخروج من روما .. بعدها بكام شهر قدمت على الشنجن من هولندا فاخدت رفض واستغربت جدا بس عرفت ان سبب الرفض ان الفيزا كانت طالعة من سويسرا بينما الاختام من ايطاليا .. فرحت قدمت تانى على الشنجن من سويسرا فالموظف قالى ايه اللى دخلك ايطاليا وانت واخد الفيزا من عندنا .. قلتله انت اكيد متسجل عندك الطيران اللى انا كنت حاجزه وقدمت بيه على الفيزا .. قالى ايوة .. قلتله افتح وشوف هتلاقى انه كان ترانزيت روما .. بص فعلا وقالى عندك حق وسالنى هل معايا فواتير الاوتيلات اللى كنت قاعد فيها فى سويسرا قلتله لا مش معايا .. قالى طب استنى ثوانى ودخل للقنصل وشايفه بيتكلم معاه من ورا الحاجز الزجاج والقنصل بص عليا وقاله ياخد الورق .. وفعلا اخدت الفيزا
 
S

Sana Amine

عضو
أنا عندي فيزا فرنسا و كل مرة ادخل من بلد مختلفة و عمري ما توقفت غير مرة كان معايا فيزا ايطاليا و انا في مطار روما طلب مني الحجز و كنت حاجزة يومين بس علشان مسافرة أمستردام بعديها و عمل حكاية و تقريبا مكانش عايزني اعدي بس قعدت اتكلمت معاه و فهمته اني رايحة يومين و راجعة ايطاليا ثاني فالحمد لله . العبرة بقى على حسب البلد و اكثر الى بيخنق ألمانيا هولندا و ايطاليا
 
I

Ibrahim Elaidy

عضو
الموضوع مش معقد للدرجة دي ! الفكرة ببساطة طالما أخدت فيزا شنجن من أسبانيا يبقى لازم أكتر بلد تقيم فيها تكون هي أسبانيا .. ما ينفعش واحد يحجز شنجن من فرنسا مثلاً ويلف كام دولة أوروبية وبعد كدة يرجع من غير ما يروح فرنسا .. كدة يبقى مخالف ومش بتحترم البلد اللي واخد منها التأشيرة .. وناس كتيرة كانت بتستعبط في الموضوع ده ..

لذلك طالما رايح شنجن ممكن تخش من أي دولة .. بس لازم تثبت أنك رايح فعلاً أسبانيا (حجوزات فندق - تذكرة طيران .. الخ) .. ولازم برضه تحتفظ بإيصالات الدفع بتاعت الفندق أو أي مشتريات في البلد دي عشان لو ناوي تاخد شنجن تاني .. لأن باسبورك مختوم من دولة أخرى (طبعاً الانتقال داخل منطقة الشنجن بدون أختام أو تأشيرات كأنك في نفس البلد) وبالتالي الإيصالات دي تثبت أنك قعدت فترة كبيرة في البلد دي .. وشكراً ..
 
N

Nour Alshalati

عضو
انا اخويا كان واخد الفيزا من مالطا ودخل ترانزيت فرنسا وبعدين على ألمانيا طبعا بياخدو وقتهم على ما يدققو على الفيزا شوية بس مشو عادي وكنا سألنا قبلها السفارة الألمانية على الموضوع ده وقالو مافيش مشكلة خالص بما أنه معاه التشنغن يدخل عادي ،على كل الواحد قبل ما يسافر يحاول يتأكد من سفارة الدولة اللي عايز يروحها احسن من المغامرة لأنه على ما يبدو بتبقى حاجة مش إلزامية يعني هم ومزاجهم
 
K

Kævën Tæwêüqê

عضو
انا أتجرأت وسألت بنفسي الظابط اللي علي الشباك في مطار فرنسا
علي الموضوع ده قالي لازم تدخل من البلد المصدره للفيزا خصوصاً لو ليها طيران مباشر من بلدك تقديرا واحتراماً وذوقاً وقالي من حق الظابط يمنعك من الدخول لو الفيزا مش من بلده بس بنمشيها بمذاجنا مع بعض الناس...
 
K

Kævën Tæwêüqê

عضو
تخيل كده مرتضي منصور اداك تذكره هديه لحضور ماتش الزمالك ضد الأهلي
قووووووم ايه
انت تلبس تيشيرت الأهلي وتدخل بتذكره مرتضي وتقعد في مدرجات الأهلي وتشجعه ضد الزمالك
مرتضي يعمل فيك أيه؟؟؟؟؟؟؟
هايقولك سيدهاتك عندي وأدي دقني لو دخلت ماتش تاني بتيكيت من عندي
 
H

Hesham Hassan Osman

عضو
انا باخد الشنجن كل مرة من بلد و بعدين ادخل بلد تانية و بعدين اروح بلد تالته و بعدين اروح البلد اللي واخد منها الفيزا. الكلام ده اتكرر في التلات سنين اللي فاتوا و ببقي واخدها سنة مالتيبل انتري ولا الهوا ولا حد عمره علق في الجوزات بتاعه البلد اللي داخلها ،،، تفسيركم ايه
 
A

Alshalati Wisam

عضو
بالنسبة لحاملي الفيزا الأوربية السياحية المتعددة السفرات يمكن للحاصل عليها السفر مباشرة من بلده الام الى اي بلد اخر ضمن منطقة الشنغن بغض النظر مكان صدور الفيزا تابع لاي دولة ، ولحاملي التاشيرة السياحية لمرة واحدة يفضّل التوجه الى البلد التي صدرت منها الفيزا ومن ثم التنقل الى بلدان ثانية
 
D

Diaa Mahfouz

عضو
مع احترامي لحضرتك بس طبعا رد حضرتك عليه ان كله شنجن غلط ..
ثانيا الناس دى بتمشي بالقوانين والقواعد ..
وقاعده الشنجن :
- لو مسافره بلد واحده يبقي لازم تاخدى الشنجن منها .
- لو مسافره اكتر من بلد بمدد متساويه يبقي لازم تاخديها من اول بلد هتنزلي فيها .
- لو مسافره اكتر من بلد بمدد غير متساويه .. يبقي تاخديها من اكتر بلد هتقعدى فيها .

لو الثلاثه الاشتراطات اللي فوق متوافقه مع ظروف المسافر ، فهو في امااااااان .. لكن غير كده يبقي حقهم يرجعوا اي حد
 
G

Ghada Fathy

عضو
طب لو انا قدمت لفرنسا وكنت ناوية فعلا اروح باريس وبعدين برشلونة وبعد مااخدت الفيزا عكست ودخلت برشلونة وبعدين رحت باريس فى مشكلة
 
T

Tarek Mohamed

عضو
انا واخد شينجن 8 مرات
ولما بحب اروح بلد معينة وواخد التأشيرة من سفارة تانية
لازم انزل في بلد التأشيرة الأول ومنها اخد طيران للبلد اللي عايز اروحها اول ما انزل فيها مباشرة بعد ختم الدخول .. وبتكون الطيران الاقتصادي رخيص وبيكون أفضل بدل البهدلة ويمكن يضايقوني فيها
 

أعلى أسفل