نسيت كلمة مرورك؟

شركة شحن في ميونخ pro service

شركة شحن في ميونخ pro service

السلام عليكم ورحمة الله وبركاته
امس شفت وحده من الأخوات منزلة موضوع بخصوص هالشركة حسبي الله ونعم الوكيل فيهم والصراحه تشجعت أتكلم بالموضوع هذا لانه استوا لي نفس سالفتها. نصب في التاكس فري وسيرفس خايس وفوق هذا ما عندهم اسلوب في التعامل.
حصلت الكرت مال هذي الشركة من السايق وقالي شركه روعه واسعار رخيصه ولو جربتهم مرة بتم وياهم على طول طبعا اعوذ بالله كانت مره وما بكررها أبد موووول.
طبعا اول شي ضيعولي جنطه الحمدلله أني كنت حاطه داخلها ملابس بس اشوا ما كنت حاطه داخل الكعوب وللجنط اللي خذيتها من شانيل وديور وثانيا كلا علينا تاكس فري تقريبا ٦٠٠ او ٧٠٠ يورو باقوه عيني عينك وانا ما انتبهت الا عقب ميارديت البلاد كنت مصوره الفواتير وحاسبتهم واعرف كم يأخذون الجلوبال والبريمير عمولتهم. صراحه انصدمت وصححححت معقوله كل هالمبلغ ماخذينه لا وفوقه بعد دفعت شحن يعني نصب واحتيال ما ادري شو أقول حسبي الله عليهم
لا حد يتعامل وياهم ابدا وانا اصلا قريت تجارب حق ناس بعد تضررو منهم لا بارك الله فيهم ولا في رزقهم الله كبير عليهم