تقرير مصور 

سجن قارا الغامض

سجن غريب جدا انا ذات نفسي استغربت من تصميمه وقصته ومعرفش ايه الهدف من التصميم ده، ده سجن قارا في مدينة مكناس المغربيه السجن موجود تحت الأرض واتبنى في القرن 18 في عهد المولى إسماعيل.
طب ايه حكاية السجن ده وليه اتسمى بسجن الرعب ومختلف عن بقية سجون العالم كله؟
هقولكم حكايته بالتفصيل السجن ده ب يتميز انه مالوش باب على غير العاده في الدول التانيه اللي مليانه أبواب حديد وأقفال ضخمه وجنازير كبيره منعا لهروب المساجين، لكن ده عكسهم تماما بس ماتفرحوش اوي كده لأن اللي بيدخل مابيطلعش ابدا ابدا داخله مفقود وخارجه مولود يعني بالبلدي كده دخول الحمام مش زي طلوعه ده إذا طلع أصلا منه.
كل اللي دخل السجن ده ماعرفش يطلع منه ابدا وده لأنه مصمم بشكل هندسي معقد ومليان دهاليز ومتاهات معقده كل ماتدخل اكتر ماتعرفش ترجع من مكان مادخلت.
مساحة السجن غير معروفه تماما لأن طبعا مفيش حد قدر ينزل يقيسه وفي أقوال بتقول انه بحجم مدينة مكناس كلها وفي أقوال بتقول ان المولى إسماعيل عمل فيه مخرج واحد اللي يكتشفه يبقى حر طليق وللأسف محدش اكتشفه
طب خلي كلامك صح يالبنى ومصدقينك لحد الآخر المساجين دول بيدخلوا ازاي وبيدخلهم اكل وشرب ازاي ماهو اللي بيدخل مابيطلعش؟
زي ماقلت انا السجن تحت الأرض فاتعملت ثقوب في السقف بينزلوا المساجين منها وبيرموا برده الاكل والشرب منها.
المكان ده كان نتيجه طبيعيه انه ينتشر عليه الشائعات انه مليان جن وعفاريت وأنه سجن الرعب
في التسعينات حاولت بعثه فرنسيه انها تكتشفه وحضرت كل المعدات اللازمه وللأسف دخلت ماخرجتش واضطرت السلطات من بعدها انها تقفل السجن بجدار من الأسمنت وسابت قاعه واحده بس كمزار سياحي.
السؤال هنا بقى ايه الغرض من بناء سجن زي كده؟ ويبقى مكان للرعب والتعذيب النفسي اكتر من الجسدي؟

سجن قارا الغامض-394333


سجن قارا الغامض-394334



سجن قارا الغامض-394335


سجن قارا الغامض-394336



سجن قارا الغامض-394337



سجن قارا الغامض-394338



سجن قارا الغامض-394339