تقرير مصور صور للاجمل مدينة اسطنبول

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35

السلام عليكم ورحمة الله وبركاته


احب ان اضع بين يديكم هذا التقرير البسيط عن رحلتي الى تركيا ( بورصه يوم /انطاليا اربع ايام/اسطنبول خمس ايام ) وكانت الرحله في شهر رمضان الماضي يعني في السنة الحاليه 2018


بسم الله نبدا...
العدد 8 بالغين 1 طفله 1 رضيع (عشر اشخاص)
مدة الرحله 10 ايام من تاريخ 20 مايو الى 30 مايو المصادف 3 رمضان الى 13 رمضان
سبب السفر في هذا الوقت التوفير في اسعار التذاكر


حصلت التذاكر في بداية رمضان ب900 ريال سعودي تقريبا على طيران بيقاسوس من البحرين دايركت

من نصف رمضان ترتفع اسعار التذاكر الى 1600 ريال الى نهاية عطلة المدارس والاسعار ماتنزل عن هذا السعر ... لا من الدمام ولا من البحرين كله ب1600 واعلى وهذا طبعا ارخص طيران حصلته والباقي اغلى منه ... مستوى الطيران جيد



طبعا انا حاجز التذاكر قبل الرحله ب4 شهور


فقررنا نروح في رمضان والله يعينا...


طلعنا البحرين ووقفنا في منطقة مواقف قلالي التابعه للمطار ( سعر الوقوف 10 ريال لليوم الواحد) وفيه باص تابع للمطار يوصلك من المواقف الى المطار هذا الكلام الساعه 12 بالليل وطيراتنا الساعه 3 الفجر ... كان التوقيت مناسب ولله الحمد

 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
نكمل ماتوقفنا عنده...


وصلنا مطار صبيحه على الساعه 7 الصباح

رحنا لمكتب الفيزا ( الواحد ب60 دولار)


بعدها الجوازات وبعدها استلمنا الشنط


بعدها طلعنا من صالة الجوازات والجمارك وكان في انتظارنا شخص ماسك لوحه مكتوب عليها( 3جي ) هذا تبع شركة تاجير الكونكت ( بطل الكونكت ) .. استلمت منه الكونكت وعلمني كيف استخدامه وقالي بتستاجر سياره؟؟

قلت له اي نعم

قال لي من اي شركه ؟

قلت له شركة سيزجي (cizgi)
picture.jpg



وصلني لمكتب الشركه وقال لي اذا رجعت السياره عطهم الكونكت ويادار مادخلك شر
قلت له تسلم


ومشى .....


وانا جلست عند مكتب تاجير السيارات


انا كنت حاجز سياره ( باص ) من النت من شركة سيزجي (عرفت عن الشركه عن طريق احد مشاهير السناب في تركيا ) طبعا الشركه رخيصه ومش موجوده على رينتال كار .... انا بحثت على الرنيتال كار عن ارخص باص كان سعره ب1800 ريال سعودي لمدة 6 ايام وعند هذه الشركه 1330 ريال باص من شركة فورد لمدة 6 ايام ( قير عادي وديزل وشامل التامين وشامل ضريبه شركة ال HSG ) بس ضريبه جسر عثمان غير مشموله... استلمناه مافيه ديزل ... قال لنا رجعوه مثل مااستلمتوه .... عبيناه فل ب470 ليره تركيه ويمشي 800 كيلو .. يكفي لتسع اشخاص... واتجهنا الى بورصه .. يعني تقريبا طلعنا من المطار الساعه 9 الصباح....
 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
نكمل ماتوقفنا عنده ...


توجهنا الى بورصه...
انا حاجز كوخ في جبل الالدوغ


بس قبل نروح .. كان عندنا خيارين ... الاول ان نذهب الى اعلى الجبل وناخذ قسط من الراحه في الكوخ وبعدها نرجع الى وسط بورصه الى اخر الليل وبعدها نرجع الى اعلى الجبل ولكن كنت متوقع ان الطريق صعب وفعلا كان كذلك



والخيار الثاني اننا نتسوق وبعدها نتوجه للجبل ولكن هذا الخيار متعب قليلا ولكننا استخدمنا هذا الخيار ولله الحمد وكان احسن بكثير جدا من اننا ذهبنا ورجعنا

الطريق الى اعلى الجبل لايطاق



توجهنا من مطار صبيحه الى ايه اس اوتليت في بورصه... (مكان رائع للتسوق )


picture.jpg



وبعده توجهنا للجبل ... الى الكوخ ... كان الجو والمكان اكثر من رائع..


توقفنا على الطريق لاخذ بعض الفواكه


picture.jpg



وبعدها اكملنا طريقنا الى الكوخ..




وهنا بعض الصور للكوخ.. واسف على قلة جودة الصور ولكن توجد صور اوضح على النت ...


picture.jpg

picture.jpg

picture.jpg

picture.jpg



picture.jpg

picture.jpg



picture.jpg



picture.jpg



picture.jpg



picture.jpg



طبعا قريب الكوخ في مطعم فاتح 24 ساعه وفيه مطاعم تغلق الساعه 6 المغرب والبقاله ايضا تغلق الساعه 6 المغرب


ومثل ماانتوا شايفين فيه مكان للشوي للي يحب يجرب ... (بس فيه لوحات تحذيريه من الدببه والذئاب) ماادري .... تتوقعون بيجون على الريحه مثل القطاوه ؟؟؟ بس هذا راعي المطعم يشوي ولا احد جاه
5.png





 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
نكمل ماتوقفنا عنده ...


بعد الاسترخاء والراحه والنوم بعد عناء السفر ... صحينا ثاني يوم وسلمنا الكوخ وتوجهنا الى انطاليا


مسافة الطريق سبع ساعات.. بس فيها توقفات والسبع ساعات صارت احدى عشر ساعه..


اول مانزلنا من الجبل وفي بورصه تقريبا وفي مزارع بورصه تحديد توجهنا الى مزرعه لبيع العسل..


picture.jpg




المزرعه بدائيه وليست مجهزه للبيع ولكن...
تعرفنا على هذه المزرعه من احد مشاهير السناب .. وعلى حسب مايقوله انه اخذ العسل من هذه المزرعه وذهب به الى احد المختبرات في دولة الكويت وقالوا له ان هذا العسل من اجواد انواع العسل... تحمسنا وقلنا يبي لنا ..

عنده اربع انواع من العسل ..
كستناء ب 100 ليره للعلبه اللي تشوفونها في الصوره وزهور سوداء ب80 ليره وهذا النوعين يقول انهم علاج تشربهم على بطن فاضي يعني تشربهم على الريج من الصبح ...


وفيه نوعين ثانين نسيت اساميهم بس اذكر اسعارهم ... فيه نوع ب50 ليره وفيه نوع ب30 ليره ويقول هذا النوعين للاكل .... شرينا منه تقريبا ثمان علب من كذا نوع ... وفيه عنده بيض للبيع وعشان حنا اخذنا منه كميه من العسل عطانا بيض مجانا ( اكرام ) وبعدها توكلنا على الله ومشينا ..الى انطاليا ...

wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



وفي الطريق ... توقفنا عند اوزدليك اوت ليت.. قريب من مدينة اسكي شيهر ...


wol_error.gif
هذه الصورة تم تصغيرها . الحجم الافتراضي لها هو 1110x781.
picture.jpg



مكان جيد للتسوق خصوصا للي بيكون قريب من ذيك المنطقة ...تقريبا اخذنا ثلاث ساعات في ذاك المول... وبعدها واصلنا الطريق الى انطاليا...


picture.jpg





يتبع ...
 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
وصلنا على انطاليا تقريبا 11 فالليل .. وعلى الفندق الرائع قصر ميلدا





wol_error.gif
هذه الصورة تم تصغيرها . الحجم الافتراضي لها هو 1364x618.
picture.jpg



wol_error.gif
هذه الصورة تم تصغيرها . الحجم الافتراضي لها هو 1278x899.
picture.jpg



الفندق رائع ورخيص والغرف واسعه جدا... يعني تخيل شقة لاربع اشخاص تتكون من غرفة نوم ودورة مياه وصاله (مساحة الصاله 5*7 متر او اكبر) ب 180 ريال سعودي ... المهم بما ان اغلب المحلات مغلقه بسبب وصولنا المتاخر كان النوم هو المكان الوحيد اللي نروح له ... بس طلعنا خذنا لنا عشاء خفيف ورجعنا ننام للاستعداد لثاني يوم ...يتبع






 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
نكمل ماتوقفنا عنده ..
اليوم الاول في انطاليا...
كان التوجه من الساعه 12 الظهر الى شلال الدودان (المصب)



picture.jpg





wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



المكان حلو بس شوي حار بس انه يستاهل الروحه.. تقريبا جلسنا هناك نص ساعه...

وبعدها توجهنا الى شلال الدودان (المنبع)



picture.jpg



picture.jpg



wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



المكان حلو اكثر من المصب وابرد من المصب بس دخوله بفلوس ب5 ليره تقريبا للشخص ... تقريبا جلسنا هناك ساعه .. فيه جنب مدخل الشلال كوشكات تبيع اشياء شعبيه وغيرها وغيرها ... طلعنا ورحنا لشلال كورشنلو ...


picture.jpg



picture.jpg



وعند الشلال توجد مغارة ...


picture.jpg



picture.jpg



تنزل فيها عشان تشوف الشلال من تحت ...


وعشان تمشي الى المقهى ...


picture.jpg



مشينا الى مقهى عصمانلي ... (ماادري اسمه كذا او انا غلطان)


picture.jpg



طبعا المقهى مشهور وله فروع وهذا احد فروعه ... بس المشي الى ذاك المقهى طويل ومتعب بس حلو بسبب انك تمشي داخل غابه ...



واذا جلست في المقهى تشوف شلال كورشنلو الصغير



wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



picture.jpg



جلسنا وتقهوينا واكلنا وحنا نفكر في طريق الرجعه... نقول ان شاء الله فيه طريق اقصر ... بس للاسف نفس طول الطريق للرجوع بس من طريق مختلف...



طبعا تعتبر هذي الثلاث شلالات قريبه من بعض ... يعني ممكن يبعد الواحد عن الاخر نص ساعه بالسياره ... ويعتبر مكانهم في نص انطاليا ... ف حلو انك تروح اماكن قريبه من بعض عشان ماتضيع وقت ...



المهم طلعنا من الشلال الثالث ( شلال كورشنلو ) وتوجهنا الى ( ديبو اوت ليت مول )



wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



طبعا اوت ليت يعني اسعار مخفضه ..



حتى ان اهلي قالوا يبغون يرجعون له في اليوم الاخير ..



المهم اني حصلت عندهم محل يبيع سميت بالداندرما .. خطييييييييره



picture.jpg



picture.jpg

من فوق السميت ساخن شوي وتحته الداندرما بارده ... ( في النخااااااع )


طبعا تعشينا في المول وبعدها الى النووووووم ...




ونلتقي غدا مع مغامرة الرافتينج الرائعه ...






 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
نكمل ماتوقفنا عنده...


اليوم الثاني في انطاليا...( يوم الرافتينج )



انا كنت مجهز لهذا اليوم وفي الحقيقه اصلا جاي انطاليا عشان هذه المغامره ... بعد البحث على النت عرفت انه فيه اكثر من شركه تقدم هذا المغامره ويوجد ايضا اكثر من مكان تقام فيه هذه المغامره ....

اتصلت على احد هذه الشركات وانا في السعوديه وعرفت منهم انه يبغى لك تحجز قبلها بيوم عشان يجون ياخذونك من الفندق وانهم ينطلقون في رحلتين .. وحده من الرحلات تبدا الساعه 1 الظهر والثانيه من الرحلات تبدا الساعه 3 العصر وان سعر الشخص ب50 ليره شامله الغداء وان مدة الرحله ساعتين.... قلت حلو اذا جيت بحجز ... وفعلا في اليوم اللي قبل هذا اليوم عندما كنت في شلال الدودان سالتهم عن الرافتينج واني ابغى احجز .. قالوا لي ب50 ليره ومدة الرحله ساعه وانه ماعندهم مواصلات (يعني مايجي ياخذك من الفندق ) وبدون غداء ... قلت اجل هذا مش خوينا اللي كلمته من السعوديه قبل اجي ... فا اتصلت عليهم على الرقم اللي موجود على موقعهم وهذا اسم شركتهم (Raftingo)...



picture.jpg





وقالوا لي نفس التفاصيل اللي سالتهم عنها من قبل... قلت طيب حنا سبعه اشخاص هل يحتاج حجز .. قالوا لي سبعه مايحتاج لهم حجز تعال اي وقت وينطلق فيكم القارب بس لاتتاخر عن الساعه 3 العصر .. قلت حلو ... بكم ؟؟ 50 مع التوصيل يصير ب80 ليره لكل شخص .. قلت له انا عندي سياره .. قال اوك بدون التنقل ب50 ليره لكل شخص شامله الغداء ولمدة ساعتين .. قلت حلو .. بكره انا عندكم .. قالي اوك بنرسل لك الموقع على الواتسب .. قلت ممتاز (تمام تمام) ...


وفي الساعه الحاديه عشر انطلقنا من الفندق متوجهين الى هاك المكان وبصراحه بعيد شوي .. يعني ممكن اخذ منا بالسياره ساعه ونص ... المهم وصلنا عندهم وعطونا التعليمات وقالوا لنا فيه جزمه للايجار ب10 ليره واذا تبغى تشتريها ب20 ليره .. اخذنا شي بالايجار وشي شراء كل على حسب رغبته ... وركبوا معنا شخصين من عندهم .. واحد منهم هو القائد حقنا ( سوري الجنسيه .. وبصراحه هو ملح الطلعه ) والثاني عشان يرجع السياره ... لان مكان الانطلق يبعد 14 كيلو ومكان النهايه يكون عند مكتب الشركه ... المهم ان حنا وصلنا الى مكان الانطلاق ونزلنا ونزل معنا القائد والشخص الثاني رجع بالسياره حقتنا الى المكتب اللي هو مكان النهايه وهنا بعض الصور


picture.jpg

ومن هنا يبدا الانطلاق..


picture.jpg



قاربنا ...


picture.jpg



طبعا ممنوع تاخذ الجوال عشان لايطيح عليك .. قلت لهم انا باخذه وعلى مسوؤليتي .. قالوا بكيفك بس اذا طاح لاتقول جيبوه وترى كذا واحد طاح عليهم .. قلت لهم مو مشكله انا مجرب من قبل الرافتينج في اندونيسيا في بالي وعارف الوضع... وهذا بعض مناظر النهر..



picture.jpg





وفي ثلث الطريق توجد محطه توقف لاخذ قسط من الراحه ..


picture.jpg

وتوجد ايضا بعض الالعاب .. واحده منها هي الحبل المعلق ...


picture.jpg



ماركبنا فيها ... كان سعر الواحد ب10 يورو يعني تقريبا 40 ليره ...
وتوجد العاب اخرى مجانيه ولكنها مكسوره ...
picture.jpg



وبعدها انطلقنا وفي الثلث الثاني توجد منطقة توقف اخرى وهي للسباحه ...



الطريقه كيف ؟؟؟ نصعد فوق شجره ونقفز في النهر ... ارتفاع الشجره عن الماء تقريبا 6 متر وعمق الماء تقريبا 6 متر والماء بارد ...


هذي انا جربتها ... ممتازه جدا بس يبغى لها واحد يعرف يسبح وعنده لياقه لو قليله ...


picture.jpg





picture.jpg



picture.jpg



مافيه واحد كان بيسحبه النهر
17.png




picture.jpg



المهم .. كانت تجربه حلوه واتمنى اعيدها ...


كملنا طريقنا الى نقطة النهايه وكان فيه بعض الشلالات الصغيره جدا .. قال لنا قائدنا السوري انه في هذه النقطه يقلب القارب اذا كانوا معاه اجانب بس عشانكم سعوديين ماراح يسويها ... قلنا كويس .. عجبتني الفكره بس قلنا خلنا نرجع سالمين ..



وصلنا الى نقطه النهايه وبصراحه قائدنا السوري ماقصر جاب لنا الغداء على طاوله لحالنا ...



picture.jpg



picture.jpg

الاكل كان حلو ...



الحلو في هذه الرحله هذا القائد السوري ... كان مرح وكان يتحرش في المجموعات الثانيه ... لانه فيه شركات كثيره ... وكل شركه طالع معها مجموعه او مجموعتين ... فا تشوف قارب روسيين وقارب اوروبيين وقارب كوريين وغيرهم وغيرهم .. المهم ان حنا اذا قربنا من اي قارب من القوارب يقول لنا السوري يلا تجهزوا نرشهم بالماي ... واذا قربنا نبدا نرشهم ويرشون بالماي .. وكانوا يضحكون وحنا نضحك وماخذين الوضع بسعة صدر ... طبعا فيه تعب خاصه للي ماعنده لياقه مثلي ... في الليل وينك ياكريم العضلات ... بس يستاهل انك تروح له ومثل ماقلت سابقا انا اللي حمسني اجي انطاليا هو الرافتينج .. بعدها رحنا الفندق واخذنا الوالد والوالده ورجعنا مره ثانيه الى ديبو اوت ليت مول ..
تذكروا كم شغله ورجعوا ياخذونها ...
wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg




وبعدها رجعنا الفندق .. ووينك ياكريم العضلات ووينك يالنوم ...

 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
نكمل ما توقفنا عنده ..
اليوم الثالث في انطاليا ....
كان الجو جميل وممتاز للاماكن المفتوحه مثل الشواطى ... وبدينا في شاطى كونياليتي


picture.jpg



picture.jpg



picture.jpg

ماجلسنا ... يعتبر مرينا مرور الكرام...



وبعدها توجهنا للتلفريك ...
picture.jpg

التلفريك كان قريب من شاطى النساء ... وكان سعر الشخص 15 ليره



picture.jpg

لما وصلنا فوق الجبل .. كان فيه مقهى ومطعم للبلديه ومكان يبيعون فيه خبز بالجبن وباللحم وبالبطاطس ... نسيت وش يسمونه باللغه التركيه.. المهم انه كان لذيذ والمكان حلو





wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



بعض الصور قبل النزول..


wol_error.gif
هذه الصورة تم تصغيرها . الحجم الافتراضي لها هو 1280x720.
picture.jpg



وتوجهنا بعدها الى شاطى النساء الملاصق للتلفريك اللي ركبناه ...


picture.jpg



شاطى النساء الغير مختص بالنساء .. بس اعتقد له قصه...


picture.jpg



كان في جانب الشاطى بعض الاماكن للجلوس والطاولات للشواء



picture.jpg

picture.jpg




ويوجد ماء للغسيل .. بصراحه المكان مرتب ولكن اتمنى لو كان انظف مما كان عليه ...


بعدها توجهنا الى مطعم في مدينة كيمر ..( اسم المطعم ... Ulupinar Kayalar )



اترككم مع الصور ...


مدخل المطعم ...
picture.jpg


اول مادخلنا شفناهم توهم فاتحين التنور ..


picture.jpg



ومطلعين ذا اللحم الزين ...


picture.jpg



توجهنا الى الطاولات ...


picture.jpg



فيه طاولات تحط رجولك في الماي وانت تاكل وفيه بدون ...


picture.jpg



picture.jpg



بس المناظر حلوه اللي في المطعم ...


picture.jpg


picture.jpg



خصوصا مع وجود بعض الحيوانات الاليفه
29.png




picture.jpg




بعدها رجعنا الفندق للاستعداد للتوجه الى اسطنبول ... ولكن قبل الذهاب للفندق توجهنا الى المدينه القديمه المسماه ب (كاليتشي) ولكن للاسف كان الوقت قد تاخر واغلقت اغلب المحلات .. بس شكلها كان يشوق ... تمنينا لو ان حنا جينا بدري لهذاك المكان .. بس نقول الحمدلله وان شاء الله خير ..



رجعنا الى الفندق وبهذا يكون قد انتهى هذا اليوم الاخير في انطاليا ... ونلقاكم في الغد للتكمله باذن الله ...







 

المواضيع المشابهة


أعلى