تقرير مصور رحلة الشتاء الى اسطنبول

سندريلا

:: الأعضاء ::
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35

السلام عليكم ورحمة الله وبركاته


صباح الورد / مساء الفل


رحلتي إلى إسطنبول كانت حلم واخيراً تحقق


جت اختي تقولي ليش ما نسافر نحن وانتوا في اجازة عيد الاتحاد طبعا ع طول وافقت​


وحجزت الفندق بنفس اليوم وكان CVK Hotels & Resorts Park Bosphorus Istanbul​


5 * وكان راااااااائع بمعنى الكلمة الحجز لمدة 5 أيام 4 ليالي غرفتين​


بسعر 3152 درهم إماراتي للغرفة الواحد​



" ع فكرة ابا اسوي فيها شاطرة راسلت الفندق شخصياً وحاولت اخذ سعر احسن
عطوني اسعار اعلى من بوكينق بكثيررررررررر قال شاطرة قال"
cool.gif


اخذنا تاكسي كبير من المطار إلى الفندق ع طول بـ 50 ليرة بعد طلوع الروح​


ولما وصلنا قال لاااااا مين قال 50 انا قلت 55 قهرني من اولها كذب​


ع طول الوالد وزوج اختي عطوه قلت لهم مرة ثانية لا تعيدونها الاتفاق اتفاق
mad.gif






اجواء ماطرة​




وصلنا الفندق الساعة 10 بتوقيت إسطنبول و 12 بتوقيت الإمارات​




صورة ليلية للفندق " ما لقيت الصورة النهارية"​


نسينا نسوي طلب تسجيل مبكر كلمناهم وقالوا عطونا ساعتين بس​


وبندرب الغرفة باسرع وقت ممكن ...​


حطينا شناطنا ورحنا نتريق في سميت سراي​












ذكرتني الكروز بالغالية بنت مكة​









ع كل دخلة تفتيش .. قرأت ملاحظة ذاكرها اخ سعودي في بوكينق​


ممنوع جلب الطعام والشراب إلى الفندق منعاً باتاً حتى الماي ..​


بس ما عليكم دخلنا درزن غرش ماي بالتهريب والله ولا دروا خخخخخخ​


الغرشة الوحدة عندهم بـــ 18 ليرة وايد
mad.gif




بعض الصور للفندق ليلية اكثر منها نهارية "هذي الصور اللي عندي"
rolleyes.gif








المفاجأة نحن طالبين الغرفة في الطابق العلوي​


عطونا غرفتين تحت في السرداب​


قالوا مؤقتاً لانكم يايين من وقت لو ما عيبتكم​


اول ما تفضى غرفة بنغيرها فليل او باجر الصبح​


هيا بنا إلى الغرفة​


















قال الغرفتين مطلات ع الحديقة .. هذي هي الحديقة حشيش مركب
biggrin.gif


سبق وقرات هذي الملاحظة في بوكينق كاتبها اخ كويتي جزاه الله خير​


وايضا كان كاتب عن الضمان .. دفعنا ع الغرفتين 200 دولار​


وشرطنا ناخذ الفلوس دولار .. وفعلا رجعوا المبلغ مثل ماهو​




دورة المياه ... الله يعزكم​










بعد محاولات في تحسين الخط ...​


(شكرا من القلب العرب المسافرون _ عناقيد الربيع)​


هذي كانت غرفتنا انا .. الوالد .. اخوي​


الغرفة الثانية 1 سرير مزدوج ع قولتهم​


" نسيت اصور غرفة اختي وزوجها .... الصراحة استحيت "
biggrin.gif


هذي تفاصيل الوصول​


وللحديث بقية​


دمتم بحفظ الرحمن​







 

سندريلا

:: الأعضاء ::
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35

اسعد الله اوقاتكم ..

نكمل اليوم الاول ...

بعد استلام الغرفتين وبعد المناقشات

الكل اتفق ع النوم ساعتين يريحون شوي

الا انا وابوي قلنا حشى ما نضيع هالجو الحلو

براحتكم ناموا وفعلا طلعنا

رحنا لشارع الاستقلال مشي من الفندق 5 دقايق فقط لا غير

وهذي بعض الصور ..

اعذروني الصور قليلة و جودتها سيئة لانها تصوير

جالكسي وايفون "اصلا انا ما اعرف اصور"
biggrin.gif


الكام "كانون فضت تركتها بالفندق





الشوارع نظيفة البلدية شغالة صح عندهم ...








الوالد الله يحفظه كل شوي يعطيني ايفونه صوريني عشان الانستغرام
rolleyes.gif






متجهين إلى برج غلطة .. "اول حركات النذالة"

المتفق عليه نروحه كلنا سوى ...
cool.gif












تذكرتين الدخول كانت بــ 34 تقريبا















كان في رذاذ والبرد مش طبيعي فريزر شوي ادخل وشوي اطلع اصور وارد

دخلنا وشرب الوالد شاي بـ 6 ليرات











شفت مطاعم السمج من اعلى البرج قلت خل نروح لها بس حرام الجماعة نايمين

نرجع الفندق اتصلت عليهم بس محد رد فرجعنا الفندق

صح نسيت اذكر ان خذينا شريحتين موبايل من شركة avea

اخذنا وحدة بـ 50 ليرة دقائق محلية والثانية بـ 90 تقريبا مع نت ...

كان اختيار سيي تعذبت وانا ادور رصيد ما حصلت الا بمنطقة اورتاكوي ...

في طريق العودة الى الفندق ... تخلخلت عظامي من كثرة المشي

وحسيت بجوع قاتل وشفت هالمطعم ...





" ديكوره يشبه ديكور برجر فيول فرع الـ جي بي آر بدبي



طلبت شاورما 70 جرام والوالد 100 جرام .. للاسف ما عندهم عصيرات فرش

انا وحدة ما تحب المشروبات الغازية الا قليل جدا كل ست شهور مرة لو لو فكرت

الطعم جيد جداً والخدمة سريعة والمكان نظيف ... وهذي الفاتورة



اول ما ردينا غرفتنا شفنا هالضيافة



وطلعوا جايبنها بالغلط مفروض تروح ع غرفة اختي ليش؟!

اخبركم ليش .. كنت راسله طلب قبل سفرنا باسبوع

وهو ترتيب الغرفة الثانية "غرفة اختي " لان وقت سفرتنا

يصادف عيد زواجهم ... وردوا عليا بالقبول وامحق ترتيب

طلعت هالفواكه وحبتين الكاكاو هم الترتيب
cool.gif


المهم حصلنا الناس مصحصحين ويبون يطلعون

وانا هلكااااانه ابا ارتاح شوي يادوب صلينا وطلعنا ع طول

ع جواهر مول رحنا بالمترو بعد مناقشات طويلة اقتنعوا يجربونه

دورنا كرت اسطنبول ما عرفنا من وين ناخذه فاخذنا فيش

الوحدة بــ 4 ليرات

انا مسويه فيها ام العريف قلت لهم ثاني محطة شيشلي ننزل فيها

بنشوف المول قدامنا ع طول .. وصلنا ونزلنا وطلعنا فوق

وكانت المفاجاة وين المول
confused.gif
ألف يمين يسار احاول اشوف شيء

والكل يضحك ها منتداج قالج اهني المول
mad.gif
قلتلهم والله اهني بس دقيقة

خلوني اسأل سألت راعي السميت ما فهم علي طلعت موبايلي راويته

صورة المول " خزنت صور لكل الاماكن اللي ابي اروح لها للاحتياط"

قالي امشي سيده ولفي ع يسارج بتلاقين المول

والحمد لله لقيناه ودخلنا و ع التفتيش ...









الحمص ماله طعم ..



الاكل لذيذ والسعر ممتاز 120 ليرة " ارخص من مطاعم الإمارات"

و جابوا الشاي ... اكرام ع قولتهم







المول كبير بس ممل جدااا ما عجبنا يدوب تعشينا فيه وطلعنا



اول ما نزلنا قال الوالد ها نفق المترو عيل ليش طلعتينا هناك
biggrin.gif




في عز البرد هالبنت تدق ع " الدربكة" الطبلة .. ربشة دقها

ورجعنا بالمترو شيشلي - تقسيم

وقالوا توبة ما نبا مترو نبا تاكسي انتي بضيعينا وزحمة ما حبيناه ...

ومن محطة مترو تقسيم ع شارع الاستقلال " إلى مادو بالتحديد"











موكا شكل بس طعم لااا ..

ملاحظة ع مادو .. المكان مكتوم في ريحة كريهة بالمكان خاصة

الاصنصير حتى لما تيجي تمشي من عند دورة المياه الله يعزكم

الريحة فضيعة والموظف لما جاب الكنافة ريحته استغفر الله

حطيت اكس ع مادو ... حتى فروعه الثاني ما قدرت ادخلها

ورجعنا الفندق ... مشي المسافة زوينة

وفي طريق العودة شفنا هالفرقة الرااااائعة






"اعتقد بنفس اللحظة كان في حد من الاعضاء لاني شفت حد غرد بصورة الفرقة"

صورتهم فيديو بس ما اعرف كيف انزله
confused.gif


بعد الاستمتاع بسماع الفرقة ردينا للفندق





احلى شي في الفندق وجود محطة الباصات عنده ع طول وتوافر التاكسي

ع طوووووول بعضهم مكتوب عليهم اسم الفندق .. وفي كشك قريب

انتهى اليوم الاول ع خير

ان شاء الله سأكمل التقرير باسرع وقت ممكن

دمتم بود








 

سندريلا

:: الأعضاء ::
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
السلام عليكم ورحمة الله وبركاته


عدنا إليكم


اليوم الثاني


2 ديسمبر " اليوم الوطني " بدولتي الحبيبة الإمارات


صحينا شوي متأخر الساعة 8


مشينا ع حسب الجدول اللي سويته قبل السفر واللي كنت مجهزته


من شهووور منذو بداية تسجيلي معاكم
smile.gif
كل ما قرأت تقرير


خزنت الاماكن وطريقة المواصلات " جزاكم الله خير جميعااا "


بالاستعانة بجدول عاشق اسطنبول جزاه الله خير


جدولي ملخبط واصلا ما مشيت عليه حرفيا كان المهم عندي اسماء الاماكن


حملتهم ع الموبايل








صحينا و ع طول نزلنا ندور مكان نتريق فيه


ويا كثر الاماكن .. كل شوي نختار مكان


بس قبلها رحنا عشان نغير الغرفتين


زي ما قالوا لنا لو ما عجبتكم عادي


نغيرها .. ع طول اخذونا لطابق علوي


غرفتين مفتوحات ع بعض بس ما اخذناهم


لان فيهم ريحة خفيفة وبعدين اريح


لنا نكون بغرف منفصله ..


الاب وعياله لحالهم .. والزوجين لحالهم ..


وكذا كذا مافي اطلاله غير العشب المركب
biggrin.gif








شفنا هذا الكوفي شوب فرنسي مطلع ع الميدان ع طول


وجبة الافطار عنده نص نص ما عجبتنا


"كنا نشوف المنيو قبل ما نجلس"


فرحنا ع الاستقلال واخترنا هذا الكوفي شوب






نسيت اصور واجهته ولا اعرف اسمه
biggrin.gif
مقابل مطعم المدينة تقريبا


عنده نظام بوفيه ونظام اطباق


سعر البوفيه 23 ليرة للفرد


وسعر الطبق ما يجي اقل من 23 ليرة


فطبعا كلنا اخذنا بوفيه اوفر
biggrin.gif


الغريبة ما عندهم كورسون
frown.gif




اختي الفالحة تحط شنطتها باي مكان وتروح ع بالها بالإمارات محد بيسرقها ...




ع يمين طاولتنا المطبخ و دورة المياه عزكم الله


" بمنتهى النظاااافة "






صحن اخوي




صحن مشترك
biggrin.gif


اكلهم حلو وسعرهم احلى


بعد هالريوق رجعنا مشي للميدان عشان نروح لـ دولما باهتشه سراي


ع حسب جدولي كاتبه نروحه بالمترو ونمشي مسافة 100 متر


للوصل للقصر .. بس الجماعة قالوا لا تاكسي ... قلتلهم قدامي مافي تاكسي
biggrin.gif


المترو سريع يا عالم حرام نضيع وقت


وركبنا من تقسيم إلى كاباتاش


مرة ثانية 4 ليرات لكل فرد ...


سألنا اكثر من حد عن الكرت محد فهمنا ولا فهمنا حد
biggrin.gif














برج الساعة امبين .. ماشين صح الحمد لله






وصلنا الساعة 10 وشوي عند القصر والناس طوابير




احلى طلاب الله يحفظهم
smile.gif






قصينا التذاكر اعتقد 30 ليرة لشخص


جولة عامة بدون الحرملك







من اهني لزق فينا واحد من جنسية عربية الا بشرح لكم


يا عمي حل عندي مابا مرشد انا مرشدة نفسي
biggrin.gif


قال بس 400 ليرة ..... تخيلوا بس 660 درهم إماراتي ع كم كلمة ..


تم ورانا ومسك في ابوي قاله انتم عيال زايد اهل الكرم "كيف عرف؟!"
eek.gif


عطوني بس 300 ليرة وتم ينزل بالسعر ...


يالله يالله تركناااا ...











حتى زرعهم حلوووو










كنا مع المجموعة رقم 2 المرشدة كانت تتكلم إنجليزي بطلاقة


اتذكر قالت اخر شخص سكن هالقصر هو أتاتورك


والقصر استقبل زوار من مختلف الجنسيات والاديان


وان في القصر اكبر ثرية بالعالم كانت اهداء من الملكة إليزابيث اعتقد
biggrin.gif


وفي قسم تم انشاءه فترة اتاتورك


















هذي نتيجة التصوير بالسرقة
biggrin.gif










وانا اصور من اهني ياني السكيورتي معصب


ممنوع ممنوع التصوير ... استهبلت عليه


قلتله التصوير داخل ممنوع بس انا اصور المناظر الخارجية


ضحك وقالي صوري بسرعة
biggrin.gif












للاسف كل هالبذخ من خزينة الدولة العثمانية .. مو من شي طاحوا




ابدااااااااااااااااع








من الصبح يتصورون في نفس المكان بطوا جبدي


رحت عندهم وقلت حق اختي تعالي صوريني خليهم يولون
biggrin.gif
















فديتهم مروحين






كان قريب من هالمكان متحف الزجاج شي جذي .. مهدود حيلنا ما دخلناه









اهني ضريح وحدة اعتقد اسمها فاطمة من السلالة العثمانية ظنتي واذا غلط تراني ما قلت شي
rolleyes.gif








وبعد هالجولة في القصر اخذنا تاكسي لمنطقة اورتاكوي


اول شيء قال 25 ليرة قلت له لا 10 بس قال لا انتوا 5 اشخاص


15 ليرة ... ركبنا








مزيج غريب كنيسة ومسجد بنفس المكان ..










اسعارهم بشكل عام ممتازة .. احسن من الاسواق الثانية


اخذنا من المحلات اللي قدام شوية هدايا ..


4 " مشط + منظرة" البوكس الواحد بـ 10 ليرات











فندق ذا هاوس اللي نزل فيه اخونا مكة وكتب عنه تقرير ... مكانه رااائع​
















قناديل البحر مو ؟












يلسنا في كوفي اللي طلب شاي بـ 3 ليرات


واللي طلب هوت شوكليت "انا" بـ 8 ليرات


وحد قهوة


وبعض الناس شيشوا الله يهديهم ...
mad.gif


اعتقد الوحدة بـ 23 ليرة مش متأكدة بس اللي اذكره


ان ابوي وزوج اختي علقوا ان اسعارهم وااايد ارخص من دبي







واخيرااا رحت المكان اللي شفت لميس واقفه عنده تصيح ع يحيى
biggrin.gif




صيانة خارجية في بيلار بيه سراي














البطاط عندهم مش طبيعي " كمبير "


وبعد ما قضينا ع البطاط ركبنا تاكسي من اورتاكوي الى برج غلطة


لان ال3 الباقين ما راحوه
cool.gif


بـ 20 ليرة والاخ نزلنا بنص شارع الاستقلال


" عيب التاكسي تتفق وياه ع مكان ينزلك بمكان ثاني


يتحجج بالشرطة ممنوع وممنوع يقصون ع الاوادم "




















طبعا انا والوالد ما طلعنا البرج وهذي الصور من تصوير اللي طلعوا
biggrin.gif


يلسنا بالكوفي مقابل البرج شرب الوالد شاي بـ 3 ليرات


وانا رحت للمحلات المقابلة






شريت منهم برج غلطة بــ 10 ليرات


"قص علي الحرمة تبيعه بـ5 بس مالها فيه العين الزرقاء"
mad.gif


واخذت برج الساعة من محل التذكارات في دولما باهتشه سراي بــ 16 ليرة


بعد ما نزلوا من البرج كملنا مشي نزولاً لـ جسر غلطة " امينونو"


لمطاعم السمج










الوالد ورانا ويصورنا ... اهني صار لنا موقف مضحك


شرينا من واحد عصير رمان كان يبيعه في عربة طلبنا 5 عطانا اول كوب الا شوي يسمع الونان


الشرطة يايه ركض بسرعة البرق دورناه نبي نعطيه ليرة ما يصير نشرب بلوشي


ما لقيناه شوي الا ونشوفه ورانا نازل النفق يسأل عن ليرته
biggrin.gif


ودخلنا النفق شو النفق مول
biggrin.gif












اعتقد ها ياني جامي "الجامع الصغير"




الريحة اهني تذبح .. عشان خاطر اختي رحت هالمكان


ولا انا ما اداني السمج خير شر .. امشي وانا شافطه خشمي خخخخخخخ




يلست بعيد اصور من فوني ...


الغريبة كانت يالسه عدالي حرمة كبيرة وولدها فجأة يت يلست


ع يميني وخلت ولدها ع يساري كل شوي تقرب تقرب مني ويتكلمون بالمراسلة


انا خفت حسيت انها بتسرقني ع طول قمت ونزلت للنفق اشوف المحلات إلين يخلصون أكل


وبعد ما خلصوا اخذنا تاكسي لتقسيم بــ20 ليرة




ونزلنا بعيد شوي يتعذر ممنوع التاكسي يدخل داخل ..


مع ان شفنا كم وكم تاكسي دخل عادي




مشينا شوي في شارع الاستقلال ..


وانا كنت بموت من اليوع من ريوقي ما اكلت شي ..




دخلنا هالمطعم شفت عاشق اسطنبول مرة كتب عنه




نظامه كل صحن بـ 5 ليرات و العيران عنده 3 ليرات ظنتي او ليرتين







مادري كم الحساب بالضبط بس اعتقد ما اجاوز الــ 60 ليرة


وبعد هالعشوة الطيبة والسعر الرااائع


قلت لزم احلي بجرب حافظ مصطفى ما يصير
biggrin.gif


" كله اكل في اكل انفجعنا "














الكنافة حلووووة ... اما البقلاوة استغفر الله ابد مب حلوة تركناها مثل ماهي ...


سعره مناسب جداااا ارخص من جاره


بس اسم ع الفاضي جاره فاروق بقلاوته لذيذذذذذذذة جداااااااا


وبعد ما حلينا رجعنا للفندق واحلى نومه


وانتهى اليوم الثاني بسلام ولله الحمد


عذراً ع اللخبطة في الصور


ويمكن كتبت شيء غلط السموحة منكم


ترقبوا اليوم الثالث ..


دمتم بحفظ الرحمن

 

أعلى أسفل