اجمل اماكن تركيا بالصور

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35


أبدأ معكم بتقريري اللي اتمنى انه يحوز لو على 2% من رضاكم
(125).gif

وهذه صورة لشاشة جوالي ابدأ معكم بها


arabtrvl1443826241170.png

أدري مافيها اي شيء
بس اكثر من تقرير اشوفهم يصورون شاشات جوالاتهم يشرحون بعض الاشياء
فأنا مافيه شيء بس قلت اقلدهم
(157).gif

وانتم عاد دامكم بتشاركوني التقرير يالله كل واحد يصلي على نبينا محمد
ويعطيني حسنات << اجل تبون تشوفون تقريري ولا استفيد منكم شيء
(41).gif




^


^

^



بسم الله الرحمن الرحيم

والحمد لله الذي بحمده تدوم النعم

فاللهم لك الحمد والشكر حمداً يليق بعظمتك وعزتك وجلالك

وأسألك اللهم ان توفقني وتوفق كل من مر على تقريري هذا

^

^

^

^

تاريخ السفر الى تركيا كان 30/12/2014

تقريري عن تركيا وشهر العسل في تركيا طبعا شهر العسل ما احد يقدر يأخذه الا بعد الزواج
(39).gif


معلومة مهمة لازم تعرفونها عسى الله يخليني لكم
(125).gif
<< سجلو عندكم اول فوائد التقرير


وباقي التقرير مليئ بالمعلومات والفوائد

طبعاً ما اطول عليكم

قبل الزواج بثلاث ايام انا خالص ومجهز كل شيء مابقى الا انتظر يوم الزواج

وشوفوا هذا الدليل على فضاوتي







arabtrvl1443826598550.jpg


من الفضاوة رايح للقصر قبل الزواج بيوم وخذيت كم صورة

وزين اني صورتها وأكشخ بها في تقريري
(6).gif


arabtrvl1443826752670.jpg






المهم ما اطول عليكم الحمد لله تزوجت وخلصت هذيك الليلة بأجمل مافيها من احداث وذكريات ومواقف

** ** ** ** ** **

لكل منا وقفات وذكريات ولحظات

تمضي بها الايام ونتمنى لو تدوم معنا

كل شيء منتهي وكل شيء زائل فياترى ماهو الباقي؟

لن يدوم لنا الا جمال اخلاقنا وتعاملنا مع من حولنا

فسيذكروننا بها بعد ان تخطفنا عنهم الحياة اما لفراق او وفاة

فأحسن مابينك وبين الناس لتبقى ذكرياتك اجمل مايحملون عنك

** ** ** ** ** ** **

وان شاء الله عقبالكم ياللي ماتزوجتم تتزوجون وتعزموني
(40).gif


وبعد الزواج توجهت للفندق انا والعروس وكانت رحلتنا الى جدة بكرة العصر

طريقة رحلتنا جدة اسطنبول والعودة اسطنبول جدة الدمام

ويوم وصلنا الفندق احترت وش اقول لها وش اسولف لها عنه

فقلت استغل الفرصة ولازم اخبرها ان شهر العسل قطة بيني وبينها
(155).gif


واذا ماعندها فلوس للسفر اسافر واخليها
(41).gif


ماعليكم انسو السالفة ترى امزح معكم وسفرتها على حسابي هههه

تعالوا وخلوني اعلمكم انا وش سويت
(57).gif


طبعا انا يوم وصلت الفندق جهزت جوازي انا والمدام وبطايق التأمين الصحي فقط

وباقي البطائق حطيتها في الشنطة اللي راح اتركها في السعودية من ضمنها كرت العائلة
shutup.gif


وكانت هذي اول البدايات اللي شكلها بتخلي المدام تقول انا توهقت في زوج مثلك
(5).gif


المهم صحيت الساعة 2 الظهر وصليت ظهر وعصر جمع وقصر وطلبت لنا غداء

تغدينا وبعدها توجهنا للمطار سلمت سيارتي ودخلنا صالة المغادرة الساعة تقريبا 4 ونص استعداداً للسفر



في امان الله يامسافر في امان الله

مسافر وتاركني في دياري بعدك اعيش
(59).gif
<<< لا ماتنفع هالخاطرة


اصلا انا مسافر مع المدام وتوي عريس ليش اودع الدار والديرة بفراق وغرام
(155).gif




المهم اقلعنا من المطار ووصلنا جدة تقريبا 8 مساء

استلمنا العفش وأخذنا تاكسي الى فندق هلتون جدة << وهنا اول وجع الراس
dunno.gif


طبعا يوم وصلت طلعت له الورقة اللي طبعتها من موقع بوكنق

طلبني كرت العائلة
yolks00100.gif
<< هاه وشو ذا وش يعني كرت عائلة


تدرون اخوكم توه عريس مو متعود على هالشغلات هههههه

المهم قال لي لازم كرت العائلة عشان افتح لك الغرفة

قلت ياخوي انا مسافر بكرة الصباح على تركيا وانا بس بنام عندك الليلة والصباح طالع

قال مايهمني وين بتروح انا صعب ادخلك بدون كرت عائلة

قلت يالطيب هذا حجزي عن طريق بوكنق وهذا جوازي نفس الاسم

قال حتى ولو حنا مانقدر ندخلك وهذي مسؤولية

وقام يشرح لي قصة حياته ان صاحبة مفصول من العمل قبل اسبوع

لأنه دخل واحد مع وحدة وطلعت مو بزوجته اللي دخلها
(7).gif


المهم مالنا في باقي الاحداث اللي قالها لي عشان يبرر موقفه انه صعب يدخلني

انا هنا احترت وش اسوي وشلون اقنعه ان هذي زوجتي
surrender.gif


قلت يالطيب ترى انا توي عريس وهذي زوجتي وكرت العائلة انا ما احتاجه في تركيا ليش اخذه معي

في الاخير وبعد وجع راس اقنعني اروح اجيب ورقة من الأمن حق الفندق ويدخلوني

عاد ورقه من الامن تبي لها اقل شيء ساعة عشان اخلص اجراءاتها

قلت للمدام خليك هنا في هالكوفي وانا باروح اجيب لنا ورد واجيك
(125).gif




خلاص والله امزح قلت لها اجلسي وتقهوي وروقي وانا بخلص اجراءات الدخول

المهم الله رزقني واحد جداوي واتوقع انه ريئسهم وشاف انه الكشخة خربت

وشاف اني متنرفز قال لي وش فيك شرحت له الوضع

والحمد لله دخلني على مسؤوليته بحيث اني اطلع الصبح قبل الساعة 7

قلت له ياخوي انت بس دخلني واذا تحب اطلع قبل يأذن الفجر
(155).gif


الحمد لله دخلنا تقريبا الساعة 10 ونص وميتين جوع من ظهر ماكلينا شيء

طلبنا عشاء من مطعم والله مادري وش اسمه المهم اظطريت اطلب منه لأنه المطعم الوحيد اللي يوصل للفندق

حتى وجباتهم بس هبرجر وانا كنت مشتهي مشاوي
(7).gif


الحمد لله تعشينا ونمنا وصحينا من فجر احس اني نمت الف ساعة فل نوم

مع ان كل اللي نمته تقريبا 5 ساعات
detective2.gif


صلينا الفجر وجلسنا في البلكونه نسولف وبصراحة كانت الاطلالة ولا اروع

خذيت لكم كم صوره
(41).gif
<< الله يخليني لكم حتى هلتون جدة صورته


arabtrvl1441327148110.jpg


شوفو هالصورة اللي تحت دققو فيها وقولوا وش تلاحظون؟

arabtrvl1441405855350.jpg




اشكركم على التدقيق مافيها شيء

بس انا حبيت تدققون عشان تتمقلون زين في تصويري
(7).gif


المهم نكمل معكم بعض الصور << وين هاك الفيس اللي يعطي بوسات

تستاهلون دامكم جمهوري<< حسيت اني نادري الهلال
الا على طاري نادي الهلال من تتوقعون يأخذ كأس اسيا هذا الموسم ؟
والبلنتي حق الهلال صحيح او خطأ؟
لو كان يوسف الثنيان باقي يلعب في الهلال
صدقوني كان رشحت لكم بطل البطولة من عام 2000


طيب وش دخل سوالف الكورة في موضوعنا
(123).gif

ارجع للتقرير لا اتفاهم معك تفاهم ثاني
(123).gif





arabtrvl1441406026460.jpg


arabtrvl1441406119530.jpg




خلاص بسكم صور تعالوا خلونا نطلع من الفندق عشان نلحق رحلتنا

وعشان اخونا هذاك قال نطلع بدري

وبصراحة اصلا انا من زمان حاط في بالي اطلع بدري من الفندق

لأن رحلتي 10 الصباح وكان ودي اوصل بدري عشان اخلص كل اجراءاتي

وخلوني اختصر عليكم قبل تطفشون وتقفلون التقرير قبل أدخلكم تركيا
(41).gif


مااطول عليكم الحمد لله وصلنا المطار الساعة 8 قصينا تذاكرنا وسلمناهم عفشنا

ورحت اتسوق وفي طريقي اشتريت لي عطر << عطوني الفيس اللي يبكي بقوة

يامدير ظبطوني بالفسيات والا ترى ابيع تقريري هذا على منتدى ثاني
(56).gif


المهم خلوني اعلمكم ليش ابي ابكي

انا اشتريت عطري اللي تعجبني ريحته وانا قبل الزواج كنت ادوره وللأسف مالقيته

لكن في مطار جدة لقيته وسألت الكشير لو اشتريته يسمحون لي اطلعه الطيارة؟

قال اي مسموح ولاهو من ظمن الممنوعات

والحمد لله اشتريته بـ 316 ريال
yolks00640.gif


اشتريته وخذيته معنا ورحنا نفطر

وبعد ما افطرنا طلعنا ونسيته على الطاولة << ياليتني علقته في حلقي ولاضاع
(39).gif


العطر نسيته<< وهذي ثاني طعه اسويها

ونفسي اعرف وش كانت تقول عني العروسة بخاطرها

لكن لحظة الى اللحين باقي ماندري انه نسينا العطر

خلاص تعالوا نروح تركيا والله طولت عليكم يالله مشينا بسرعة



















لحظة باقي ماعلمتكم يوم صرفت فلوس
(158).gif


طيب اجلسوا شوي خلوني اعلمكم

انا خذيت 5 الاف ريال سعودي ورحت لبنك الأهلي وصرفتها ليرة تركي

وكان الصرف ليرة تركي = 1.85 ريال سعودي

وعطيته 500 ريال سعودي عشان اخذ 120 دولار امريكي

اتحداكم ليش خذيت 120 دولار؟؟

هذا سؤال الحلقة واللي يجاوب صح بكرة نسحب اسمه ونعطيه جائزة ايفون 6S



لا خلاص امزح معكم لا احد يصدق ويوهقني ادري انكم تعرفون
(125).gif


المهم خذيت 120 دولار عشاني تركت الفيزة التركية استلمها من المطار

كنت باطلعها عن طريق النت بس كان ودي اعرف شلون اجراءاتها عن طريق المطار

ما اخفيكم طلعنا الطيارة 10.10دقايق

لأن الاقلاع 10.40 دقيقة لكن للأسف يالخطوط السعودية ما اقلعنا الا 11.40 دقيقة

يعني اكثر من ساعة جالسين في الطيارة

لدرجة اني عديت كل الكراسي وتعرفت على كل الكاب اللي معي في الرحلة

ياشيخ من زود الطفش خلصنا كل السوالف وصرت اسولف مع الركاب عن مغامرات اجدادهم
(155).gif


لا خلاص امزززح والله ماسولفت مع احد

اقلعنا الساعة 11 وصلنا تركيا 4 العصر بتوقيتهم لأنهم قبلنا بساعة

وخلوني اختصر لكم الاحداث اللي صارت في المطار


المهم طلعنا مع السواق ابو عبد الرحمن

وكانت هذي اول صورة التقطها بجوالي الحبيب في تركيا

arabtrvl1441406265030.jpg


كانت صورة على السريع وانا في السيارة

مع اني اول ماطلعت من المطار صقعني البرد لدرجة ان راسي صدع

وصلت الفندق وانا مصدع

وللأمانه ماكان ودي اوضح للمدام اني صدعت او تعبت

لأنها هي خلقه خايفة من السفر لتركيا وخايفة من موضوع المظاهرات والشغب

وخذيت هذي الصورة ما ادري وين بالضبط او كيف او من *.*

لكن انا متأكد انها ثاني صورة وحنا في طريقنا للفندق

arabtrvl1441406166450.jpg


والحمد لله وصلنا الفندق وكان في استقبالنا طاقم الفندق بأكلمه

وفرشوا الارض بالورد الأحمر والأخضر والأزرق

وملأت الزغاريط ارض اسطنبول احتفالا بقدومي الكريم
(41).gif


ودامكم ماصدقتوا هذه النقطة خلاص انا اكتفي بهذا القدر من التقرير

وأتمنى اني وفقت في أختياري للصور حتى وان كانت جودتها ضعيفة

لكن انا استخدمت كل التصوير بجوالي الايفون 6

يوووه نسيت اعلمكم انه جاني هدية ليلة زواجي من أخواتي أسأل الله ان يسعدهم

لكن خلاص هذا انا علمتكم
(41).gif


واذا فيه بعض الأخطاء الإملائية فغضو البصر
(40).gif


وأول المشاركين في تقريري له جائزة 10 ريال سوى

خلاص اهم شيء عطيت جائزة مو لازم اعطيه بنتلي ^_^

وكما بدأنا التقرير بالصلاة على نبينا ننهي هذه الحلقة

بالصلاة على نبينا محمد صلى الله عليه وسلم

 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
وبعد ان خربشت خربشة مبعثرة تعالوا نكمل جلستنا وسوالفنا
خاصة انه صرنا داخل الديار التركية يعني الشاي التركي بيحلي الجلسة
الا تعالو على طاري الشاي التركي
انا قبل اسافر كنت اقرأ بعض التقارير والتعاليق تمدح في الشاي التركي
لدرجة اني تخيلت اني بذوق شاي خارق شاي ماله وصف
يعني قلت هالشاي التركي شكلة عسل اصلي مطبوخ
(59).gif


وعلى طول بس طلعت اول يوم من الفندق اول شيء سويته دخلت مقهى عشان اطلب شاي

وتفاجأت يوم جاب لي الشاي انه اقل من عادي

لدرجة ان شاي بوفية ابو علي احلى منه
(47).gif

لكن بصراحة اكثر الشاي هناك يعطي جو حتى لو مو بحلو​

يعني لازم تأخذ شاي عشان تحس انك بتركيا​


المهم ماعلينا تعالوا نكمل جلستنا ونطلب لنا شاي تركي
201.gif

بعد ماوصلنا الفندق وقابلني عزيز و ليلى
هذول اللي شغالين في الاستقبال وبصراحة اخلاقهم جدا حلوة
وهذا الشيء لاحظته في اكثر من فندق الاستقبال خلوقين مرة
سلموني الغرفة ودخلت تفاجأت ان الفندق اقل مما كنت اتوقع
يعني انا مختاره بالذات لأن توه جديد والاثاث جديد والصور في بوكنق كانت مغرية وموقعه كان عاجبني على حسب ماقريت عنه
خاصة الاطلالة اللي على البحر
اول مادخلت الغرفة تفاجأت مافيه اطلالة
(158).gif

وللأمانه بالفعل موقعه قريب من كل شيء
يعني يغنيك عن سالفة تاكسي او ترام
مثلاً السوق المصري رحلات البسفور مطاعم السمك تحت الجسر​

يعني كل شيء قريب وماتحتاج تاكسي​

وصلت مع المغرب صليت مغرب وعشاء جمع وقصر​

جوعان ومصدع ومرهق << بس اتظاهر قدام المدام اني قوي
(41).gif

خلصت الصلاة ودورت الجوال عشان اسوي لي جدول حق بكرة​

للمعلومية انا جيت تركيا وحاط جدول​

لكن يوم وصلت تغير الجدول 180 درجة وكثير من الخطة تغيرت​

يعني جزر الاميرات وتل العرائس كانت من ضمن الخطة​

لكن كنسلتها ما ادري ليش لكن هذا انا اخطط ولا امشي على الخطة
(7).gif

المهم دورت الجوال وكما ذكرت لكم في الموضوع السابق نسيته مع السواق​

وكما ذكرت احداث الطعة الفلم اللي صارت​

تداركت الموقف بشاجعة ورجعت الجوال​

نرجع ونقول الله يصبر العروسة على هالعريس
(39).gif
<< معذور ترى مصدع​

وهنا اوضح لكم الصور اللي اعتمدت عليها في تنقلاتي داخل اسطنبول​

وكنت راسم اغلب خطة السير منها​

والف شكر لزهرة نيسان اللي نزلتها في المنتدى القديم​

رغم ان الخطة تغيرت لكن استفدت منها في التنقلات




arabtrvl1441822436990.jpg

.............................
arabtrvl1441822514280.jpg

..........................
arabtrvl1441821940280.jpg

...............

هذي في السلطان احمد​

كنت ابي خزانات المياء وما احد فهم وش اقصد​

ثم طلعت الجوال وأشرت لهم عليها بالتركي << كم انا ذكي
(41).gif

arabtrvl1441822042640.jpg

ويالله اصبحنا واصبح الملك لله​

خلونا نبدأ احداث اول يوم بعد ماصحينا من النوم​

فتحت الشباك لألقي نظرة على الجو وعلى تراحيب تركيا بقدومي
(125).gif

ولكن ياللأسف الارض قريبة مني​

احس لو اعطس انطح الأرض من قربها وهنا قررت اطلبهم تغير الغرفة
(123).gif

المهم قالت المدام خلنا نطلع ونتمشى واذا رجعنا يصير خير​

هنا قلت في خاطري اي والله صح وشو له المشاكل
(157).gif

شوفوا الارض ياقربها كنت في الدور الثاني او الثالث ما اذكر​

واصلا انا مقهور ليش ما عطوني اطلالة على البحر
(58).gif


arabtrvl1441407328470.jpg

بسم الله يالله نبدأ وتلحفوا ترى الجو بارد​

يالله تعالو اقولكم على طاري الجو بارد​

وش احكي وش اقول
yolks00780.gif

بصراحة جوهم حتى لو انه بارد يجيب العافية​

يعني مجرد تلبس جاكيت تحس البرد بعد عنك وخلاك في حالك​

جو مطر ومو مطر قوي مطر يعطيك ابتهاجة تعيش فرحة قدومك​

طيب خلونا نرجع للموضوع واللي مو لابس جكيت رجاء يجلس في الفندق اللين نرجع له نغير الغرفة
(155).gif

طلعنا من الفندق وكان على يمينا البحر مباشرة بس تقطع الشارع​

الخطة كانت للسوق المصري وحافظ مصطفى​

لأنها قريبة منا​

وصلنا حول البحر وكان هذي اول صورة التقطها​


arabtrvl144140707550.jpg


بعد ماصورت الصورة اللي فوق التفت خلفي وكان خلفي مباشرة الفندق​

قلت لأجل عيونكم اصور لكم وقوفه الشامخ​

وكنت احسه يراقبني وين اروح وين اجي الفندق معجب في وجودي
(41).gif

وهذي الصورة​

حلو من هذي الصورة اكتشتفت اني كنت بالدور الثاني قبل اطلب تغير الغرفة << ماشاء الله علي
arabtrvl1441822960170.jpg

التهيت عن التصوير واكتفيت بالتلذذ بالعيش داخل انفاس ذاك الجو​

يزداد الجكيت ضماً لجسمي ليدفئني من برودة الجو​

وكلما ازدت دفأة كلما ازدادت سعادتي بجوك ياسطنبول
(60).gif

تعالوا كلمة ليدفئني هل انا كتبتها صح؟؟
(125).gif
احسها صعبة​

المهم اذا هي غلط فغضو النظر وانتبهو للبحر
(59).gif

وبعد ان عشت وقت بين اصوات ارتطام الأمواج وانتشار الناس من حولي​

ورذاذ المطر من حولنا رجعت لكاميرا جوالي العزيز والتقطت بعض الصور
arabtrvl1441407120230.jpg


.......................................

arabtrvl1441407274090.jpg


بعدها توجهنا لحافظ مصطفى​

كنت متحمس اذوق طعم الحلقوم اللي عنده وطعم حلوياته​

بصراحة بالفعل عنده حلويات حلوة واشتريت من عنده كثير هدايا​

وجبتها معي السعودية​

وعلى فكرة ابشركم الحلويات مانسيتها في تركيا
(40).gif

arabtrvl1441822104330.jpg


.........................................
arabtrvl144182215550.jpg

اكتفيت بهذي الصورتين من حافظ مصطفى بعدها توجهنا للسوق المصري​

لكن ماصورت فيه ولاصورة والسبب زحمة الناس ولافيه شيء يستاهل التصوير​

كلها محلات مقابله بعض وكل محل فارش بضاعته مقابل الباب​

يعني انا يوم دخلته تذكرت سوق المباركية بالكويت​

لأني زرت الكويت اكثر من مرة واحب سوق المباركية​

فلاينا في السوق المصري وقت طويل وبصراحة تعبنا من المشي​

السوق كبير وبواباته كثير​

يعني بغيت اضضيع بوابة الخروج اللي ترجعني على الفندق
(155).gif

وأتوقع لو ضيعتها كان رجعت العروسة للسعودية مشي​

وتركتني لوحدي اعيش فرحة تركيا
(59).gif

بعدها طلعنا صلينا الظهر في مسجد قريب من السوق المصري​

اتوقع مسجد السلمان او مادري وشو​

بصراحة ما عرفته​

لكن خذيت له عدة صور وبتشوفونها في الحلقة القادمة​

لأني صورته في اليوم الثاني​

بعد الصلاة قرر معالي السفير انا نروح نتغداء تحت الجسر​

وعزمت العروسة على غداء بحري على حسابي
(41).gif

يالله كم انا كريم جايبها تركيا على حسابي وبعد اغديها على حسابي​

الله يعطيك العافية يايبه اللي جبت رجل كفو مثلي
(41).gif

لحظة لحظة تعالوا وين رايحين​

خلاص هذي اخر مرة امدح نفسي لاتعصبون​

تعالوا نكمل واعلمكم بالاحداث اللي صارت في المطعم​

رحنا وتغدينا هنا​



arabtrvl1441407386340.jpg


جاب لنا المنيو​

لكن قبل المنيو جاب لنا السمك في عربية او في كرتون او في خيشة​

انا مادري لأنه صدمني السمك مافيه اي نظافة
(158).gif

زوجتي اول ماشافت القبقب كبير وكأنه عقرب​

صابته قرفه وطلبت نطلع من المطعم وماعاد تبي غداء
(155).gif

لكن مو على كيفها والله تتغداء لا اتفاهم معها تفاهم ثاني
(123).gif
<< كفو ياقوي​

المهم ترجيتها تجلس << افا وين القوي​

المهم تفقنا نطلب سمكه هامور​

ظلينا مايقارب 40 دقيقة بعدين جاتنا السمكة الوحيدة​

وطلبنا موية قبل تجي السمكة​

ومع السمكة طلبنا 2 بارد​

خلصنا غداء وللأمانه ما أكلناها والسبب باقي نتذكر منظر السمك ونظافتة​

المهم خلصنا ناديت الكابتن << اي كابتن​

اي صح قصدي ناديت القرسون وطلبته فاتورتنا​

يوم جاب الفاتورة تذكرت الملاحظة اللي قالتها زهرة​

يوم تقول تأكدو من الاسعار وراجعو الفاتورة​

انا على طول تحملت نتائج غلطتي وعطيتهم 220 ليرة​

حساب هالسمكة اليتيمة اللي جابوها لنا​

يعني حسابها تقريبا 400 ريال سعودي​

المهم ماتكلمت ولاشيء عطيته الحساب وطلعت​

خلاص بنرجع الفندق دايخين ومرهقين​

وصلت الفندق وطلبتهم اغير الغرفة ويعطيني اطلالة​

لكن الاطلالة فل ولافيه فرصة وطلبت دور علوي​

والحمد لله خذيت هذي الغرفة​

يالله تعالوا نشوف اذا عطست انطح الارض او بعيد
(157).gif


arabtrvl144140777520.jpg

اوك لا واضح انها افضل من اللي قبل
(41).gif

عاد تصدقون هذي الحديقة ما اردي وش اسمها​

لكن بصراحة عاجبتني ما ادري لو اشتريها كم سعر المتر
(101).gif

arabtrvl1441407847430.jpg

يالله مع السلامة​

ترى كتبت هالحلقة على السريع​

اتمنى لو هناك اي تقصير او زلل ان تتقبلون تقصيري​

ولكم مني كل الشكر والتحايا​





 

سندريلا

رحالة
إنضم
10 أكتوبر 2018
المشاركات
1,001
مستوى التفاعل
5
النقاط
38
العمر
35
مساء الخير أو صباحه وأعتذر على الـتأخير ولازم تعذروني
(125).gif

ونبدأ بمقتطفات من قصيدة الأمير الراحل محمد السديري

الطيب دمعه والردى ضحكة حجاج
ونفسك قبل لا تلوم الأيام لـمهـا

لو المراجل طالها كل هراج
رخصة فعايلها وقلة شيمها


والضيق سجن البال والسجة إفراج
وأن ضامتك خطوى المقاريد ضمها

لو الرجال تقاس بالبشت والتاج
مانفرق شيوخ العرب من خدمها



من جرب الحاجة عذر كل محتاج
ناسٍ عطاها الله وناسٍ حرمها



نكمل الرحلة عن ثاني ايام الرحلة ويعتبر ثالث يوم من بعد الوصول بحيث اول يوم كان
يوم الوصول ويوم الراحة في الفندق
وهذي الرحلة ان شاء الله راح تكون رحلة خفيفة ويوم خفيف
فبما اني مسافر شهر عسل لم أبحث عن كثرة التنقلات او كثرة الرحلات
وكنت ابحث عن الإنسجام أكثر من غيره

صحيت الساعة 6 الصباح صليت الفجر
وبعدها القيت نظرة على الجو من خلال الشباك وكان الجو يفتح النفس كالعادة
وكانت لي الشباك مثل برج المراقبة من خلالها اراقب كل شيء حول الفندق وخاصة الحديقة
كانت الحديقة تفتح النفس وأتمنى اروح اجلس فيها
بس المشكلة حولها كلاب والعروسة خافت نروح هناك
(155).gif


اي نسيت اعلمكم الكلاب في اسطنبول موجودة في كل مكان
يعني لاتستغرب وانت جالس تتقهوى يجيك كلب ويقول كيف حالك يالأخو
(155).gif


arabtrvl1441823679760.jpg

.......................
arabtrvl1441823761490.jpg

.......................

arabtrvl1441823849140.jpg

بعد ماخايلت الجو مع الدريشة
اللحين تعالو قبل نبدأ خلونا نتفق ان الدريشة اسمها شباك
والدريشة والشباك يعني النافذة لازم نشوف حل لإختلاف اللهجات
(59).gif


هذا للتوضيح عشان لا احد يسأل يقول وش الدريشة


المهم بعدها طلعت فوق للمطعم حق الفندق لن مطعمهم في الدور الاخير
كانت عندي صور للفطور وترتيبهم لكن لإسف راحت قبل اكتب هالتقرير
وللمعلومية وللأمانة انا يوم كنت بتركيا لم اصور واجهز اي شيء لكتابة تقرير
لأني كنت اعلم بخلاف منتدانا مع موقع ياهو وكنت فاقد الأمل في عودة هذا المنتدى
وبصراحة تفاجأت بعد فترة بعودة هذا المنتدى ورجاله القائمين عليه

فشكرا لهم من الأعماق فمازال الكثير يتنفس أكسجين فضلهم​

على كثير من المسافرين العرب​

المهم خلوني اكمل لكم السالفة وأقولكم بعد ماخلصت فطور وين رحت
خلصنا فطور وطلعت من الفندق بودون اي خطة وبدون اي جدول
رغم اني قريت من الصور اللي كانت معي​

لكن انا بعد وصولي هناك تغيرت خطتي كلياً​

وان افر حول الفندق وحول بحر امنينو
وصلت هنا





arabtrvl1441823904760.jpg


وانا كنت هنا مع المدام جانا واحد عراقي وعرض علينا رحلة البسفور
وعلى طول بدون تردد قلت له تم
وأخترت رحلة مدتها ساعة
خذيت منه تذكرتين ودفعت له فلوسهم بعدها طلب مني اجلس في الباص
عشان يكتمل العدد وينقلنا مكان تحرك الرحلات
دخلت الباص لكن تأخر وبعدها طلعت من الباص وعطيته رقمي قلت اذا اكتمل العدد كلمني
بصراحة حسيت اني مطلوب أمنياً وانا جالس داخل الباص
(58).gif

طلعت وكملت فرة حول البحر وبعد مايقارب ربع ساعة كلمني ورجعت لهم
وانتقلنا الى السفينة

وصلنا السفينة وطلعنا وكنت افكر انه خلاص بنمشي على طول
لكن الصدمة الأخرى انه لازم ننتظر اكتمال العدد
dunno.gif

لكن ماعليه هنا في السفينة وداخل البحر ارحم من الإنتظار داخل الباص
واخذيت كم صورة وحنا ننتظر
arabtrvl1441824007950.jpg



arabtrvl1441824056910.jpg

...................
arabtrvl1441824138190.jpg


وحنا في السفينة لاحظت المبنى هذا ويوم قريت اسمه كأنه مكتوب جامعة
لأنه مكتوب باللغة التركية لكن اللي استشفيته بخبرتي انه جامعة
تدرون انا خبير في تركيا واعرف كل شيء فيها<< والله امزح ماعمري سافرتها
(37).gif

arabtrvl144182421380.jpg


المهم اكتمل العدد وبدينا تحرك وقريت في داخلي دعاء السفر
(41).gif


arabtrvl1442082021860.jpg

...................................
arabtrvl1442082109410.jpg

.............................................
arabtrvl1442082171810.jpg

...................................
arabtrvl1442082209270.jpg

....................................
arabtrvl1442082253050.jpg

واعتذر ماصورت صور استعدادا للتقرير
فأكتفي بهذه الصور والبعض منها كانت صور خاصة
وبعض الصور حلوة وكان ودي اقصها وانزلها هنا
بس للأسف معلوماتي الفتوشوبيه طالعة تدرس برى
(39).gif
<< يعني ماحولكم احد



طبعا لاتنسون اني محترف في التصوير وعندي بعض اللقطات الإحترافية العالمية​

المهم بعد ماخلصنا الرحلة رجعنا تقريبا على وقت صلاة الظهر​

arabtrvl1442082652410.jpg

وانا في طريقي
شفت هذا المسجد والتقطت له بعض الصور الإحترافية العالمية
(41).gif

arabtrvl1442082450760.jpg


ياشباب وياصبايا قولوا ماشاء الله​

اخاف تعطوني عين وماعاد اعرف التقط صور إحترافية​

وعلى فكرة هذي الصورة مطلوبة مني بـ مليون ليرة​

عشان يحطونها على غلاف أحد المجلات التركية
(40).gif
<< اللي مايصدق الله يسامحه
arabtrvl1442082586680.jpg


المهم انا اسمي هذا المسجد المسجد السلماني
استنادا لتقارير قديمة قريتها قبل سفري
فهل هذا هو المسجد السلماني او انا ملخبط؟؟

المهم وحنا نفر حول المسجد لاحظت درج ينزلون منه العالم
وكأنهم يدخلون تحت الأرض
قلت في خاطري ياولد لاتكون هذي هي ارم ذات العماد
اللي تكلم الله عنها القران
لأن كما هو معروف ان ذات العماد مدفونه تحت الأرض
بعد ان ارسل الله على قوم عاد ريح صرصراً عاتية

وانا اللي اشمر وأعض ثوبي
وأروح ركض الى هذا القبو اللي يدخلونه الناس تحت الأرض << نسيت المدام وانا اركض




تعالوا والله امزززززح
(7).gif

طيب خلو اعلمكم الصدق
أنا يوم لاحظت االناس كلها تحدر تحت << تحدر كلمة كويتية توي سارقها​

وتحدر يعني تنزل << ماشاء الله على تقرير يجيب لكم كل المعلومات
(155).gif

المهم يوم شفتهم نيزلون مع الدرج قلت يالله خلوني الحقهم وأشوف وش السالفة​

يوم نزلنا مع الدرج طلع سوق
200.gif


arabtrvl1442082490150.jpg


السوق هذا بصراحة صغير وحلو
يعني لقيت فيه هدايا حلوة خاصة للإطفال وخذيت فيه مايقارب الساعة​


بعدها طلعنا عشان نصلي الظهر في المسجد اللي اعجبني شكله




بعد ماطلعنا من السوق وتوجهنا لدورة المياة الله يعزكم
لاحظت حاجة عندهم عكس اللي عندنا تماماً
اول حاجة دورات المياة عندهم نظيفة جداً
والدخول لها بليرة فقط مقابل هذه النظافة ومقابل الخدمة
واتمنى من اعماق قلبي ان دخول كل دورات المياة العامة اللي عندنا بريال
لكن نحصل نفس هذه النظافة والخدمة
وهذي صورة لأحد العمال اللي يهتم بنظافة دورة المياة
arabtrvl1442082692290.jpg


ياعم حتى العامل لبسه كشخة
بنطلون وجاكيت وشكل مرتب
مو نفسنا أشكال عمالنا كأنه محكوم عليهم اعدام
(40).gif


وأخيراً وليس اخر
ما اطول عليكم
صلينا الظهر وافتريت في الحديقة اللي حول المسجد
وبعدها دورت اقرب مطعم كنت جوعان حدي
والوقت اللحين 2 الظهر
مع انه خلاص قرب الليل لأنه يأذن المغرب 5 وربع
ولازم ارجع الفندق عشان اسوي تشك اوت


فإلى هنا اكتفي معكم بهذا الكلام وهذه الصور من هذا التقرير البسيط
و الحلقة القادمة من التقرير ان شاء الله
راح نتكلم لكم عن السلطان أحمد والأجواء والراحة اللي فيها​






 

أعلى