تقرير مصور منتجع مولك فيلا لنكاوى

تقى احمد

رحالة
إنضم
1 نوفمبر 2018
المشاركات
1,006
مستوى التفاعل
0
النقاط
35
العمر
35

بسم الله الرحمن الرحيم



السلام عليكم ورحمة الله وبركاته




لأهميّة هكذا شاليهات أو فلل أو اكواخ

تم إقتباس هذا الموضوع الحصري

من التقرير الرائع لأختنا ليلك هنا



مع بعض التعديل والإضافات البسيطة

( ماجد الفهد )






















بعد الخروج من مطار لنكاوي

إتجهنا بعد ذلك للفيلا ...



ولمن قلنا للسواق عن إسم​



الفيلا ماعرفها !




وعطيناه الورقة اللي كنت كاتبة فيها العنوان بالتفصيل ...





ولمن شافها عرفها ...
وارتحت قلت اشوى طلعت الفيلا معروفه






54tvy.gif









انا بيني وبينكم كنت متخوفة من الفيلا







لانها فئه ثلاث نجوم ... ومافي احد تكلم عنها ابدا





وانا بصراحة من اول ماشفتها بموقع البوكينق عجبتني مووت





واللي اقنعني اني احجز فيها لمن شفت ملاحظات الزوار عنها ممتازة







ووريت زوجي صور الفيلا بالموقع وعجبته ...


عشان لو طلع فيها عيب




بعدين يصير يتحمل معاي مو يقول انتي اخترتي لحالك هههههه





ومن باب الاحتياط حجزنا فيها بس يومين ... وليومي ذا





ندمانه ... ندمانه ... ندمانه << لاحظوا كم مره ندمت
q9zfc.gif






اني ماحجزت فيها ثلاث الايام اللي جلسنا فيها بلنكاوي








وش اقول عنها بس ... روعه ... نظيفة ... تهبل .. والشاطي قريب








منا ثلاث دقايق واحنا عنده
41kit.gif




والسوق الشعبي قريب منا خمس دقايق مشي واحنا فيه



وكمان عالم البحار خمس دقايق مشي واحنا عنده





اصلن كل يوم نشوفه بس ماخشينا فيه اكتفينا بالاكواريا اللي بكوالا








وكمان اكتشفنا شي قريب من الفيلا .... ؟ وكثير ناس تسأل عنه وين







موجود بلنكاوي ... بس ماني قايلة الحين وشهو هالشي





مفأجاه ابقوله بوقته ومع الصور كمان بتشوفونه
35tdn.gif





باختــــصار فوق الخيال الفيلا وفوق ماتوقعت ومستغربه

ليه بس ثلاث ...... حرام تستاهل عشر نجوم بقوووووه





وقبل ما أنسى ملاحظة مهمة واساسية ....
للي حابين يحجزوا بالفيلا






هم مشترطين انه مافيه اطفال ...
يعني اللي عنده اطفــال ماراح








يقدر يحجز بالفيلا ...

لازم العمر من 18 وفوووووق فقط




بصراحة انا ما اهتميت قلت يمكن مجرد كلام ...

بس اللي أكد لي انه






ملتزمين بهالشــرط ...

قبل السفر يمكن بشهر ارسلوا لنا ايميل




انه لازم اعمارنا تكون فوق 18 وممنوع الاطفال ....​


وردينا عليهم وقالنا





لهم تطمنوا ماعندنا عيال يخربون الفيلا حقتكم






والحين بعد ماقلت لكم مميزاـتها صار الوقت تشوفوها



مدخل الفيــلاّ





lilk59.jpg






lilk60.jpg






بعد ماوصلنا للفيلا قدموا لنا عصير بارد


لغاية مانكمل اجراءات الدخول... والريسبشن مافيه مكيف​



مرواح بس ... والديكور حلـو ...​

واللي عجبني اكثر بالمكان ... وجود عاملة ماليزيه كبيره بالسن​



مشرفة على اللي يشتغلوا ... رحبت فينا يازينها بس تبتسم


وكمان الروم سيرفيس كانت برضو حرمه ماليزيه مسلمه​

مره مريحه هي كانت تنظف الفيلا واذا احتجنا شي توفره لنا​


مو رجال وهالشي عجبني واخذ راحتي بالمكان اكثر..​

وبعد ماسوينا التشيك ان رحنا للفــيلا​








وهذي الصور توصلنا للفيلا


lilk78.jpg

















وهذي الفـيلا تبعنا
tgfod.gif
.
lilk79.jpg




lilk80.jpg





lilk28.jpg




والحين نشوف الفيلا من الداخل



lilk81.jpg


lilk29.jpg




وهذي السـله كانت للترحيب فينـا وكمان الفواكـه


lilk31.jpg




وبالنسبـه لغرفـه النوم






lilk35.jpg

lilk36.jpg






وهذي الصور لباقي الغرفـه والحمام وانتم بكـرامـه


lilk44.jpg


lilk34.jpg


lilk38.jpg


lilk39.jpg




lilk41.jpg


lilk40.jpg




هذي صور للغـرفـه بشكـل عام ....



نظيفـه جدا والاثاث جديـد... والاهم من هذا كل



مافيـها حشرات الحمدلله ماشفت



ولا كائن حي غير مرغوب
1qd86.gif
فيه خلال إقامتي















( اليوم البحري )


هاليوم من أكثر الايام المميزة واللي ما انساها بحياتي

كل اليوم قضيناه بالبحر

بالبداية صحينا على ست الصبح وكان الفطور على 8 صباحا

وكان فيه وقت طويل حتى موعد الفطور


فرحنـا للشاطيء القريب نشوف شروق الشمس


وانا وعدتكم ابوديكم البحر ... انتم بس خلوكم معاي صورة صوره

... وابي الكـل يكون معاي ومايروح بعيد ويضيع ويوهقني

توكلنا على اللـــه ... مشينا للـبحر
41kit.gif


لمن نطلع من الفيلا ... بتلاقون طريق عام قدامكم..


واذا تبغون البحر او السوق الشعبي او عالم البحار كلهم طريق

واحد يوصلكم ...


ومثل ماقلت بتشوفون الطريق العام وقدامكم خيارين


ياتمشون يمين او يسار وهاليوم بنروح يمين عشان


نوصل للبحر ... وراح تشوفون هالمكان​



lilk61.jpg



وشايفين الطريق نمشي سـيدا حتى نوصل لمفترق الطريق اللي بتشوفونه الحين


lilk63.jpg


هالحين شايفين طريقين ... فأذا حابين تروحون للسوق الشعبي وعالم البحار تمشون

مع اللفه اللي على اليمين

واذا تبون البحر تروحون يسار وراح تشوفون هاللوحــه قدامكـم

lilk64.jpg



وتمشون مع الطريق وراح تشوفون البحر بعد دقايق على يدكم اليمين


lilk65.jpg


lilk66.jpg


الحين وصلـنا للبحـر ومثل مو شايفين موجود الجت سكي ... والبنانـا ... كل واحد فيكم يسوي

اللي يبي... تسبحون ... تتفرجون كيفكم ... وصلتكم للبحر ... كلن ومخيلـته

وبهالمكان الرائع نستقبل اول نسمات الصباح وشروق الشمس

ودايم مايكون فيه احد بس انا وزوجي وصوت الاموااج




ونسمات الصباح الـ بارده

بهالمكان ابد ماتحسون بالملل وتنسون الوقت

وياسلام لو كنت شجاعـه وما اخاف من البحر كان سبحت براحتي محد فيه

... تصدقون عاد ندمت اني مارحت لدكتورة نفسيه قبل ما اسافر تحل لي مشكلتي

وخوفي من البحر ... توقعت اني بتشجـع بماليزيا بس

وين ياحسره بس اطالع البحر وامشي على الرمل يادوب تغطي المويه


رجولي ومع كذا كنت اخاف وابتعد عن المويـه
1j7m5.gif


ومرت ساعتين واحنا بهالمكان ماحسينا بالوقت وصار موعد

الجت سكي اللي حجزة زوجي اليوم اللي قبله واتفقوا

على 8 الصبح ولمده ساعه بـ 200 رنقت


ولكن الرجال اللي اتفق معاه زوجي تأخر علينا وما وصل الا الساعه

تسعه .... ووقتها ماصار يمدينا ناخذ ساعه لان موعد

المانقروف على الساعه عشره فمـا فيه وقت يادوب اخذنا


نص ساعة بــ 130 رنقت

وقال زوجي للرجال نبي 2 جتسكي عشان المدام

وانا اطالع زوجي
frz3k.gif
واقوله لايكون تفكر اركب لحالي


والله لو ايـش ما اركب لحالي ابموت خوف

والرجال طبعا انبسط بناخذ دبابـين .. وقاعد يشرح لنا


انه مانبتعد كثير ... ومانسوى حركات صعبه ومانقرب

من بعض عشان مانتصادم .... وانا اقووووووله نبي دباب واحد


والله لو تعطيني مليون ما اركب لحالي


ووقتـها استسلم زوجي وقال خلاص نركب سوا


وطبعا زوجي اللي يسووق ... لانها المره الاولى بحياتي


اركب دباب بحري


حلوووو بس المشكلة فيني مرعوبة من البحر ... وماخليت زوجي

مسكين ينبسط فيه بس اقولة سووق بشويش لا نطيح بالمويه وعاد


بيوقف قلبي اكيد وقتها ... ويقولي بالله احد يسووق بشويش بالبحر


ويقولي خليني ارميك بالبـحر صدقيني بتنفك عقدتك


وطول الوقت احلفـه مايسوى حركات ولفات عشان مانطيح
4r592.gif



ومرت النص ساعة وماصدقت نرجع للشاطيء ....

يازين الارض زيناّهـ

ههههههههههههههه ماوصلت للشاطئ الا وجاني شد عضلى من كثر ماني شاده


عمري ومتمسكـه بزوجي ههههههههه









وبعدها رجعنا للفيلا عشان نفطر




وكان البوفية جدا بسيط ماعجب زوجي .. عكسي انا حبيته


اصلن حبيت كل المكان


وذي صور البوفية البسيط ... وصدقوني فيه البركة

كنا نفطر الساعة 8 الصبح ونجلس حتى المغرب

وماناكل شي مانحس بالجوع ابد بس نشرب مويه


وهذي صور البوفيه الصغنون


lilk72.jpg




ياويـلي يازين الماّفـن اللي عندهم يجنن طعمـه



lilk71.jpg


lilk70.jpg





lilk69.jpg



وهذي صورة طاولتنـا حطيتها مره ثانيه

lilk73.jpg






lilk73.jpg



وطبعا اللي يبي بيض يسوون لكم بالاضافات اللي تبونـها
هذا غير العصيرات بس ماصورتها ...


وكمان صحن فواكـه دايم على كل طاوله

وهذي الصوره اخذتـها واحنا قاعدين نفطـر هالشباك جنـبنا





lilk74.jpg











وباقي الجزء عن المانقروف والجزيره الخاصة وحديقة الفواكه



وبعد ما خلصنا جولتنا بالحديقة


حسينـا بالتعب ورجعنا للفيلا

ووقتـها على المغـرب خلاص

ولمن وصلنا الفيلاّ كانت بشـكل ثاني بالليل اروع

وهذا المدخل اللي يوصلنا للريسبشن



li08.jpg


وذي صورة جزء من الريسبشن ومثل مو شايفين مفتوح المكان


li09.jpg





وهذا رقم الفيلاّ حقتنا


li07.jpg


وعلى المغرب نزل مطــر غزيــر ومن فرحتنا

راح كل تعب اليوم ... وطلعت جلست بالكرسي اللي برا

الفيلا واطالع المطر ووووصووووته لمن يتــساقط

على اوراق الشــجر اللي حول الفيلا.... الله ياهي اوقات تمنيت ماتنتهي

والحلو بالجلسه انها مو مكشوفة ... الشجر يغطي محد ينتبه للي جالس

حتى لو يمر احد ماراح يشـــوف ....



li06.jpg




وبعدها صلينا المغرب وحسينا بالجوع ... وكان بمدخل الفيلا مطعم على اليمين

ايطالي ... فقلنا نجربة ونشوف اش موجود عندهم ...بس قبل

مرينا على الريسبشن وقلت لزوجي خلني اتأكد من اكل المطعم


لايكون مو كويس والاهم كنت خايفة يكون اكلهم مو حلال

... ما اشوف عندهم الا اجانب .... وعندهم بــار ومشروبات

وعلى الموسيقى .... عايشين جو هالاجانب

المــوهم شفت الحرمه المشرفة ومدرى اصلن وش شغلتها

انا قلت من راسي المشرفه هههههههه ... ماغير اشوفها

بالريسبشن قاعده وتبتسم لمن تشوفنا .... ومريت عليها

وسألتها عن المطعم لايكون يخبصوون بأكلهم ويطبخون بالمشروبات حقتهم

محد يضمنهم ... جو المطعم ما ارتحت له ... مع انه فيه لوحـه مكتوب عليها
حلال بالمطعم ...... بس ما ارتحت وسألتها واكدت لي انه حلال


وان الحكومه الماليزيه مشدده بخصوص الاكل الحلال وان كل شي

لازم ينحط عليه كلمة حلال .... وقعدت اضحك قلت لها بذي صدقتي
كل شي بالسوبر ماركت الاقى مكتوب عليه حلال ..


حتى المويـــــه مكتوب عليها حلال ؟؟؟؟؟؟؟؟

ابــعرف بس كيف ممكن تكون المويــه مو حلال ....

لليوم ذا ماعرفت اجابــه لسؤالي ... مين فيكم يقولي كيف ممكن تكون المويه مو

حلال ..... ؟؟؟؟؟


اللي يعرف جواب لسؤالي بلــيز يقولي ... يمكن فيه شي غفلت عنه !!!​
الموهم لمن تأكدت من اكل المطعم خشينا وطلبنا بيتزا بس ما اكلنـا
بالمطعم ... موسيقى هاديه ..ومدرى ليه ما ارتحنا وطلبنا البيتزا ومشينا


للفيلا واكلنا بالجلسة اللي برا ... والحمدلله والشكر مره ماكانت حلوه البيتزا

مع اني توقعت بيتزا ايطاليه بتكون لذيذه .... قلت ليتنا طلبنا مكرونه معها

مره ماقدرت اكل البيتزا ... بس ماعاد فينا نطلب ونستنى مره ثانيه

نبغى نروح للسوق الليلي..... مع اننا صاحين من سته الصبح
.. بس الجــو مره يهبل



الهوا بــــار يرد الروح سبحــان الله

بالنهـار شمس وحــر وبالليــل الجو خيالــي .... وكمان بعد المطر ريحة

الارض بعد ما غرقت ياســــــــــــــــــــــلاّم .....

ورجعنا طلعنا ومشينا للسوق

الليلي القريب من الفيلا خمس دقايق وانتم بالسوق ومثل ماقلت من

قبل السوق الليلي بنفس الشارع اللي فيه عالــم البــحار ....


وكمان فيه مطاعـم بنفس الشارع تحسونها شعبيه ...




بس طبعا ماجربناها ... اكتفينـا بالفرجـه على السوق




وفيه ملابس واكسسورات واشياء كثيره

ومشينا حتى وخلاااااااااص تعبنا ورجعنا للفيلا ننام


لان ورانا يوم طويل ومليان بالانشطة والاماكن اللي مخططين نروح لها​

وما صورت الا صورة وحده لان كل الصور ماكانت واضحه





lilk77.jpg



واللي تشوفونه بالصورة الشارع اللي يوصلكم للسوق الليلي وعالم البحار​

وبكذا انتهي يومنا البحري بســـــــلاّم وهنــــاء




















اليوم الأخير في المنتجع ،


اليوم الجمعه وكان وقت انه نسوي تشيك اوت

ونروح لفندق الباي فيو اللي حجزنـا فيه
وكان اخر يوم بلنكاووي .... وانا مره حزينه انه بنترك الفيلا



وقلت لزوجي بما انه اخر يوم لنا هنا خلنا نمر على الشاطيء


نودعـــه وفعلا على سته الصبح صحينا ... ومشينا للبحر وجلسنا فيه نودعه


وقلت لزوجي لنا يومين بالفيلا ونمشي بنفس الطريق شرايــك نجرب ونروح


بالطريق الثاني (( قصدي لمن نطلع من الفيلا دايم نروح يمين عشان نوصل

للبحر .. فهالمره نبي نروح على جهة اليسار ونكتشف الاماكن من حولنا ))

اتمنى تكونوا فهمتوا قصدي ....



وفعلا مشينا .... المناظـر بصراحة رووووعه .... شجر كثيف


واكتشفنا مطاعم كانت قريبه منا ... وكذا محل للمساج وكلها باين


عليها انها كشخه .... مره تحسفنا انه ماشفناها باليومين اللي طافوا


كنا محتاجين مســاج بمكان محترم بس مو عارفين وين نروح ..

واتاري طول الوقت الاماكن الزينه جنبنا بكم خطوه واحنا مودارين

....وماعاد يمدي نستنى لمن يفتحوا ونخش نسوى مساج ورانا


مليون شغله براسنا ومافي وقت ... وقلت لزوجي لو مدانا اليوم

نرجع مره ثانيه ونسوى مساج .... وكملنا المشي ونشوف محل

للقهوة والشوكولا ... ياربي وش اللي خلانا ما نمشي بــذا الطريق امس

كان خاطري اشوف المحل وناخذ منه هدايا

صورة المحل





li13.jpg




وكملنا مشي وشفت لكم هالشوفه عجبني

وصورته ههههههه



li14.jpg



هالمكان مطعم لاني وانا اصوور اشم ريحة طبخ على الصبح ....

وصوت القدور شكل اللي تطبخ مالها نفس ماغير تطيح اغراضها

وكملنا مشي وبعدها تتوقعون ايش لقينا​


تتذكروا لــمن قلــت فيه مفاجــاة وانه شفنا شي
مميز و قريب من الفيلا ... جا وقتها



ماراح اقول ابخلى الصورة تقول لكم






li12.jpg


li11.jpg


طبعا الاسعار غاليه للي يبي يجرب الهليكوبتر
وش 500 رنقت على عشر دقايق... سلامات



مره مالها داعي .. بس ناس تحب اكيد تجرب شي

جديد ... بس استخسرنـا صراحه هالتجربـه ...


وبهذا نختم هذا الجزء الخاص

بتقرير تفصيلي عن الفلل

وفي الرد القادم سيكون

لطرح تفاصيل أكثر بإذن الله

عن الفلل وكل ما يتعلّق بها

حفظكم الله

li34.jpg

معلومات تفصيلية عن الفندق:




الإسم

Villa Molek




الموقع الرسمي








مواقع الحجوزات



















الموقع على الخريطة



تقع على بعد خطوات من أفضل شاطيء في لنكاوي

حيث الفعاليات البحرية بجميع أشكالها وأنواعها

وكذلك الشارع الموازي للبحر

والذي يوجد فيه الكثير من محلات المتنوعة

مكاتب الرحلات السياحية ، تأجير السيارات والدراجات ، المساج

المطاعم ، البقالات وغيرها كثير



langkawi-%20villa_molek.jpg









langkawi-%20villa_molek2.jpg







صور من هنا وهناك

لن تجد أكثر من الصور الموجودة لرحالة في موقع ترب أدفايزر











دمتم بود وحفظكم رب العزة والجلال
 

إنضم
26 يناير 2019
المشاركات
92
مستوى التفاعل
0
النقاط
6
العمر
31
السلام عليكم ورحمة الله وبركاته

اهلا وسهلا وبرحبا بكم الى جزيرة لنكاوي ومن أفضل المكان السياحي في ماليزيا

وانا اوفركم الخدمة استقبال في مطار لنكاوي وأؤدي الجولات الي الأفضل الاماكن هنا باذن الله تعالى

اتصل مباشرة او ارسلني الرسالة 0060195922100 / محمد

وتوكنا على الله
 

أعلى