تقرير مصور نهر التايمز ممتع جدا

روكا

:: الأعضاء ::
إنضم
21 نوفمبر 2018
المشاركات
1,001
مستوى التفاعل
1
النقاط
36
العمر
35

السلام عليكم ....
المشي على طول نهر التايمز ممتع جدا وما يمل ... خصوصا من جهة عين الندن ... تمر بأشياء كثيرة مثل الاكواريوم ودانجوان ومغامرات شريك وعين لندن ومطاعم الفود ستريت وسوق الكتب تحت جسر واترلو ( انصح به للي يحب يقرا وفيه خيارات كثيرة ومنوعة للكبار والصغار وجدا رخيص) والملاهي الصغيرة اللي قريبه منه ...وعروض الشوارع المختلفة والمسلية ..والمضحكة احيانا ....وانت تمشي على طول النهر تمر بمطاعم وكافيهات مليانه .. ناس تاكل وناس تشرب ... وناس جالسة تستنى تدخل !! الاماكن كثيرة بس الناس بعد اكثر . وانت تمشي من هنا يمكنك تخطط / ين / طون تجربون اكل الاويستر ( نوع من المحار ) في برو ماركت ... المشوار توه بعيد ... يمكن 40 دقيقه ... قرصك الجوع !! تعبت مشي !! تبي تتقهوى !! تتلفت حولك مافيه جسر المشاة الحديد والمسرح الوطني ... والمعرض ... اذاكان الجسر الحديد على يسارك بيكون المعرض على يمينك وهو مبنى كبير اسمه Tate Modern وهو معرض او مجمع معارض للرسم وطبعا بما اني انا والرسم اعداء ومحد فينا فاهم الثاني فمسوين هدنه .. مااوقف عنده ولا يطلع لي !!


المعرض متوفر فيه دورات مياه اكرمكم الله .. وهي سبب دخولنا يوم احجتجنا دورة مياه للصغار ...
انت ادخل مع البوابه هذي واطلع مع البوابة المقابله ) تقدر تشوف وش فيه اذا ودك .. اذا طلعت من المعرض بتلقى مراجيح كبيرة ( المرجيحة تشيل ثلاث اشخاص جنب بعض ) تمرجحوا شوي سوا وصوروا .. انا صورت بالسناب ويخلف الله راحت نسيت احفظها ... ثم بعد المعرض بتشوفون كافيهات ومطاعم وشارع جانبي صغير حلو وموب زحمه ... الشارع هذا اسمه canvey street ومطعم ليون يكون بزاويته



الشارع مناسب للي يحب ياخذ بريك وهو يمشى على النهر وفيه مجموعة مطاعم وكافيهات منها بريت وليون وغيرهم .. وممكن بنهاية الشارع تروحون يسار وتكملون تمشية ... فيه شوي محلات هناك ... ومطاعم

picture.jpg


هذا المعرض من ورا

picture.jpg


picture.jpg


picture.jpg


picture.jpg


اللي يحبون الفلافل ممكن يجربونها هنا

picture.jpg


picture.jpg


picture.jpg


picture.jpg


picture.jpg


picture.jpg


picture.jpg


picture.jpg


picture.jpg


picture.jpg


picture.jpg


picture.jpg


picture.jpg


انا مسمي المكان بقوقل ماب على جوالي مراجيح وكافيهات ... يعني كل وراجع هظم
22.png


وبس هذا اللي عندي اليوم ... ومدري كان احد جاب طاري المكان اول او لا ؟ وسلامتكم ...
 


أعلى أسفل